Fjólublá ríkisstjórn ekki í spilunum
Heyrst hefur krafa um yfirlýsingu frá Katrínu Jakobsdóttur um útilokun á samstarfi eftir kosningar.
Það er ekki klókur leikur.
Orðprjónarinn Össur Skarphéðinsson málar þetta svona:
-"Tveggja flokka stjórn VG og Sjálfstæðisflokks er útilokuð einsog staðan er í dag. Katrín Jakobsdóttir sér glitta í allt öðru vísi ríkisstjórn, sem obbinn af VG myndi gefa vinstri höndina fyrir að mynda. Katrínu langar síst í stjórn með Sjálfstæðisflokknum og baklandið myndi aldrei leyfa henni það. Jafnvel mjög langvinn og djúp stjórnarkreppa myndi varla opna á slíka ríkisstjórn nema þá með gerbreyttri forystu Sjálfstæðisflokksins."-
Þetta er alveg satt segi ég eftir helgarsetu á landsfundi Vg.
Víðátta er milli stefnu Sjálfstæðisflokksins og Vinstri grænna. Jafnvel svo fjarlæg að minnihluta stjórn verður reynd fyrst.
Fyrrverandi þingmaður Samfylkingarinnar Sigríður Ingibjörg Ingadóttir kom í öðru gerfi með ávarp á landsfundinum. Henni var fagnað vel og hjartanlega og hún svaraði því til að hún hlakkaði til samstarfsins eftir kosningar.
Tónninn er gefinn.
Athugasemdir