Heimildin er fréttamiðill í dreifði eignaraðild sem byggir afkomu sína og þar með hagsmuni sína við dreifðan hóp almennings.
Heimildin kom fyrst út föstudaginn 13. janúar 2023 eftir að aðstandendur Stundarinnar og Kjarnans ákváðu að sameina krafta sína utan um sameiginlegan tilgang: Að beita rannsóknarblaðamennsku til að veita almenningi aðgengi að óháðum upplýsingum.
Bæði Stundin og Kjarninn voru stofnuð utan um sama höfuðtilgang og af sambærilegu tilefni. Árið 2013 stofnuðu Þórður Snær Júlíusson, Magnús Halldórsson og fleiri Kjarnann eftir inngrip eiganda í umfjöllun viðskiptadeildar Fréttablaðsins. Árið 2015 stofnuðu Heiða B. Heiðarsdóttir, Ingibjörg Dögg Kjartansdóttir, Jón Ingi Stefánsson og Jón Trausti Reynisson Stundina með hjálp hópfjármögnunar, í kjölfarið óvinveittrar yfirtöku fjársterkra aðila á DV.
Hátt í 40 hluthafar eru að sameinuðu útgáfufélagi Heimildarinnar. Enginn þeirra fer með meira en 8% hlut. Í takt við grunnreglu útgáfunnar um valddreifingu verður bundið í samþykktir útgáfufélagsins að enginn fari með meira en 10% atkvæða á aðalfundi, óháð eignarhlut. Grunnstefna Heimildarinnar gengur út á sjálfbæran rekstur sem viðheldur sjálfstæði ritstjórnar. Heimildin mun dafna og vaxa í beinu samhengi við vilja áskrifenda.
Ritstjórar Heimildarinnar eru Ingibjörg Dögg Kjartansdóttir og Þórður Snær Júlíusson, stofnendur og fyrrverandi ritstjórar Stundarinnar og Kjarnans. Rannsóknaritstjóri er Helgi Seljan. Framkvæmdastjóri Heimildarinnar er Jón Trausti Reynisson, stofnandi, framkvæmdastjóri og fyrrverandi ritstjóri Stundarinnar. Hönnunarstjóri Heimildarinnar er Jón Ingi Stefánsson, stofnandi og fyrrverandi hönnunarstjóri Stundarinnar.
Áskrift má panta í gegnum netfangið askrift@heimildin.is eða á heimildin.is/askrift.
Þeim sem hafa áhuga á að leggja Heimildinni lið er bent á netfangið starf@heimildin.is.
Hafa samband
Síminn hjá Heimildinni er 415 2000.
Við mælum eindregið með því að fólk sendi okkur tölvupóst og við bregðumst við því um leið og færi gefst. Eins er hægt að senda okkur símanúmer í tölvupósti og við munum þá hringja til baka.
askrift@heimildin.is fyrir áskrifendur og fyrirspurnir um áskriftir.
auglysingar@heimildin.is ef þú vilt auglýsa hjá Heimildinni .
frett@heimildin.is ef þú telur þig hafa fréttnæmt efni og vilt koma því á framfæri við blaðamenn Heimildarinnar.
heimildin@heimildin.is ef þér finnst ekkert af þessum netföngum eiga við þitt erindi.