Fréttir

Dómsmálaráðherra segir Fréttablaðið óumhverfisvænt

Sigríður Á. Andersen dómsmálaráðherra svarar gagnrýni á viðhorf sitt til umhverfismála með gagnrýni á fríblöð fyrir að vera óumhverfisvæn.

Sigríður Á. Andersen Svarar gagnrýni með gagnrýni á pappírsnotkun. Mynd: xd.is

Sigríður Á. Andersen dómsmálaráðherra gagnrýnir fríblöð fyrir að vera óumhverfisvæn í pistli sem ber yfirskriftina „Ég afþakka Fréttablaðið og tunnuna undir það“ sem birtist í Fréttablaðinu í dag. Pistilinn er svar við pistli Guðmundar Andra Thorssonar sem skrifaði á mánudaginn um „strútskýringar“ sem „ólíkar aðferðir afneitunarsinna við að stinga höfðinu í sandinn“, þá sérstaklega er varða umhverfismál. Sigríði sagði hann vera: „einn eindregnasta strút landsins.“ Sigríðríður Á. Andersen hefur áður sagt opinberlega að heima hjá henni sé rusl ekki  flokkað og skrifar nú að það sé umhverfisvænna að lesi fréttir á netinu eins og hún sjálf geri. Sigríður skrifar meðal annars:

„En hvort er nú umhverfisvænna? Að lesa Fréttablaðspistla Guðmundar Andra í tölvu eða af pappír? Það er óneitanlega skrítið að maður sem messar yfir öðrum um umhverfismál skuli láta bera greinaskrif sín á innfluttum pappír inn á 80 þúsund heimili sem fæst hafa óskað eftir því. Blaðaskaflarnir liggja í stigagöngum og fylla póstkassa. Hluti viðtakenda gerir ekki annað við blöðin en að „flokka“ þau svo sigla megi með pappann aftur úr landi. Sóunin í þessu er óskapleg,“ skrifar Sigríður. Hún hefur áður svarað því opinberlega að á hennar heimili sé rusl ekki flokkað. Í aðdraganda Alþingiskosninga 2016 var Sigríður spurð í umræðuþætti RÚV um auðlinda- og umhverfismál hvort rusl væri ekki örugglega flokkað á hennar heimili, og svaraði hún „Já, nei, nei.“

Sigríður gagnrýnir Fréttablaðið, Fréttatímann og önnur fríblöð fyrir að vera óumhverfisvæn og skrifar: „Í stað þess að láta flytja til landsins pappír sem unninn var með mikilli fyrirhöfn, aka honum í prentsmiðju, aka prentuðu blaðinu til blaðbera sem ber það heim til mín, flokka blaðið frá öðru sorpi, vera með sérstaka aðstöðu fyrir blaðið innan dyra og sérstaka bláa tunnu undir það utan dyra sem sérstakur 10 tonna sorptrukkur tæmir og ekur til pressunar og böggunar í þungan gám sem settur er um borð í svartolíubrennandi flutningaskip sem flytur það aftur yfir hafið til orkufrekrar endurvinnslu, þá les ég þessi blöð bara á netinu,“ skrifar Sigríður Andersesn.

Lækka skatta á bensín

Sigríður skrifar einnig að skammt dugi að hamast í bílaeigendum þar sem þeir séu aðeins með 4% af losun gróðurhúsalofttegunda af mannavöldum á Íslandi. Sigríður segist vilja lækka skatta á bensín þar sem fráleitt sé að skattleggja bensínbíla meira en díselbíla þar sem útblástur díselbíla sé skaðlegri. Hún gagnrýnir „vinstri stjórn Guðmundar Andra“ fyrir að setja lög um að „blanda þurfi svokölluðu lífeldsneyti í hefðbundið eldsneyti“ og skrifar: „Hvers vegna vill Guðmundur Andri frekar brenna þessum matvælum í bílnum sínum hér á Íslandi en að þau endi á diski einhvers sem þarf nauðsynlega á næringunni að halda? Hvers vegna er Guðmundur Andri fylgjandi slíkri matarsóun?“

Sigríður þvertekur fyrir að hún haldi því fram að hlýnun jarðar sé ekki á mannavöldum og skrifar: „Lætur hann jafnvel að því liggja að ég haldi því fram að hitastig fari ekki hækkandi. Ekkert í mínum skrifum eða ræðum gefur tilefni til þess.“

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir að Íslandsbanki „steli“ hluta af áheitum á hana

Fréttir

Ung kona fær Íslandsbanka til að afnema frádrátt af söfnunarfé í Reykjavíkurmaraþoninu

Viðtal

Dreymdi alltaf um að búa í Danmörku

Fréttir

Thomas vísar á félaga sinn með hvarfið á Birnu Brjánsdóttur

Fréttir

„Reykjavík útbíuð af skrauti“

Fréttir

Tröllvaxin auglýsing H&M í gangveginum á Lækjartorgi

Mest lesið í vikunni

Fréttir

Gagnrýnir að Íslandsbanki „steli“ hluta af áheitum á hana

Fréttir

Ung kona fær Íslandsbanka til að afnema frádrátt af söfnunarfé í Reykjavíkurmaraþoninu

Fréttir

Robert Downey og Brynjar Níelsson lögmenn sama nektardansstaðar

Pistill

Kennari svarar ummælum Áslaugar Örnu

Fréttir

Brynjar þrætti fyrir að hafa verið lögmaður Bóhems en sendi bréf sem slíkur

Fréttir

Hann vildi leggja Ísland í eyði