Bárður Sigurgeirsson húðlæknir var þriggja barna faðir og hafði gengið í gegnum mikla erfiðleika þegar hann kynntist Lindu Björgu Árnadóttur á Tinder fyrir sjö árum síðan. Dóttir hans lést síðan fyrir þremur árum. Linda er þriggja barna móðir. Fimmtán ára aldursmunur er á hjónunum en þau segja að það hafi aldrei truflað eða haft áhrif.

„Við hittumst fljótlega eftir að við fórum að tala saman á Tinder,“ segir Bárður. „Ég vildi endilega hitta hana og ég var mjög glaður þegar ég hitti hana í fyrsta skipti. Ég held að hún hafi ekki orðið eins glöð og ég. Það tók mig smátíma að vinna hjarta hennar ef maður getur þannig að orði komist.“

Hann viðurkennir að hafa fallið strax fyrir henni.

„Mér fannst hún vera falleg, skemmtileg og klár. Við áttum afskaplega góð samtöl. Þetta tók mig tíma en hún gaf mér séns. Ég er mjög þakklátur fyrir það. Það var …