Fréttir

Margvísleg brot á starfsleyfi í matreiðslu ISS fyrir skólabörn

Ræstinga- og veitingafyrirtækið ISS Ísland hefur undanfarið tekið yfir matreiðslu máltíða fyrir leikskóla- og grunnskólabörn á höfuðborgarsvæðinu. Margvíslegar athugasemdir hafa verið gerðar af heilbrigðiseftirlitinu vegna hreinlætis, rekjanleika og innra eftirlits í eldhúsi ISS, meðal annars vegna myglu. Nýlegt útboð vegna matar fyrir grunnskóla í Kópavogi, þar sem ISS átti næstlægsta tilboðið, hefur verið kært.

Samið um mat fyrir grunnskóla Haraldur Líndal Haraldsson, bæjarstjóri Hafnarfjarðar, og Guðmundur Guðmundsson, forstjóri ISS, kynna samning um matreiðslu ISS fyrir grunnskóla og leikskóla í september síðastliðnum. Mynd: ISS Ísland

Matvælaframleiðsla ISS, sem framleiðir mat fyrir leikskóla, skólamötuneyti og öldrunarheimili, auk fjölda fyrirtækja, hefur ekki uppfyllt „kröfur um góða starfshætti sem settar eru fram í reglugerð um hollustuhætti sem varða matvæli“. 

Bæjarráð Kópavogs ákvað 15. júní síðastliðinn að semja við ISS um matseld fyrir tvo grunnskóla, Kópavogsskóla og Smáraskóla, til næstu þriggja ára. Útboðið hefur nú verið kært, þar sem tilboð lægstbjóðanda, Sölufélags garðyrkjumanna, var metið ógilt vegna skorts á gögnum. 

Tugir frávika greindust í eftirliti heilbrigðiseftirlits Reykjavíkur í janúar síðastliðnum og höfðu mörg þeirra verið greind strax í apríl 2016. Daginn eftir ákvörðun bæjarráðs Kópavogs, 16. júní síðastliðinn, fór heilbrigðiseftirlit aftur í vettvangsrannsókn hjá ISS og komst að því að lítið hafði verið um úrbætur. Hálfu ári eftir margvíslegar athugasemdir heilbrigðiseftirlitsins hafði engin úrbótaáætlun verið færð fram af fyrirtækinu og auk þess greindist „alvarlegt frávik“ frá starfsleyfi vegna slæms ástands, hita, rakaskemmda, „skordýraálags“ og fleira í uppþvottarými.

„Sem betur fer er ekki mikið um það.“

Þess ber að geta að algengt er að gerðar séu athugasemdir eftir eftirlitsferðir hjá matvælafyrirtækjum. Ekkert matvælafyrirtæki kemst fullkomlega athugasemdalaust í gegnum skoðun eftirlitsins, en þar sem ISS eldar fyrir viðkvæma hópa og í miklu magni eru gerðar sérstakar kröfur um verklag, sem ISS hefur ekki náð að uppfylla þrátt fyrir áskoranir heilbrigðiseftirlitsins.

Jón Ragnar Gunnarsson, fulltrúi heilbrigðiseftirlitsins, segir að ekki sé algengt að alvarleg frávik greinist, en býst við að úrbætur séu í farvegi. „Það er ekki mjög algengt, nei. Það er eitthvað um það. Sem betur fer er ekki mikið um það.“

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.290 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Næsta bylting: Konur deila sögum af þvinguðu samþykki

Fréttir

Slys hjá Arnarlaxi: Eldiskví með um 500 tonnum af laxi sökk í Tálknafirði

Fréttir

Kjartan ákærður fyrir gróf kynferðisbrot gegn dætrum sínum

Reynsla

Þegar lúxemborgskt skúffufélag eignaðist heimilin okkar

Fréttir

Helga Vala skoraði á Alþingi að aflétta leyndinni tafarlaust – Jón: „Dæmigerð popúlistauppákoma“

Fréttir

„Fáheyrt og stórundarlegt“ að skýrslubeiðni sé stöðvuð

Mest lesið í vikunni

Fréttir

Vilhjálmur fékk 3,4 milljónir endurgreiddar – Þingmenn hæðast að umræðunni

Fréttir

Næsta bylting: Konur deila sögum af þvinguðu samþykki

Fréttir

Kölluð kellingartussa og negri

Fréttir

Stjórnun kynferðisbrotadeildar ábótavant – Sigríður skipti yfirmanni út fyrir stjórnanda með minni reynslu af rannsókn kynferðisbrota

Pistill

Karlar að spara okkur pening

Viðtal

„Neita að eyða allri ævinni í að vinna fyrir einhvern steinkassa“