Þessi færsla er meira en 6 ára gömul.
Helga og tröllin
Í gamalli þjóðsögu rænir tröllkona Hlyni kóngssyni og hann sleppur vegna þess hve bóndadóttirin Helga, vinkona hans, er ráðagóð. Helga býr af herkænsku sinni til áætlun sem gerir þeim Hlyni kleift að skilja máttugt galdraletur í helli skessunnar. Hlynur les síðan upp galdraþuluna í brúðkaupsveislu sinni og skessunnar. Öll tröllaættin fellur dauð til jarðar þegar lestrinum lýkur.
Helga er fyrir mér táknmynd umbreytingar. Það þýðir ekki að reyna bara eitthvað til að eiga við þessi árans tröll. Við þurfum að skilja það sem liggur að baki. Við þurfum að þýða leyniskilaboðin og snúa þeim svo gegn valdhöfunum sem svíkja okkur. Við þurfum að vita hvernig við getum breytt hlutunum og öðlast frelsi frá tröllunum sem halda okkur í helgreipum.
Það þýðir ekki að reyna bara eitthvað til að eiga við þessi árans tröll
Hingað til höfum við mætt samviskusamlega að kjósa, aftur og aftur, en það virðist skila okkur litlu. Galdraletrið felur í sér upplýsingar um hvernig ráðamönnum tekst að villa um fyrir okkur. Með því að ljóstra upp um hvernig það er gert, þannig getum við sjálf tekið stjórnartaumana.
Píratar vinna svona. Eins og Helga þá þýðum við tröllatextann og notum orð tröllanna sjálfra til að losna við þau og undan ánauðinni sem þau hafa haldið okkur í.
Okkur finnst líka fínt að bóndadóttirin skuli bjarga prinsinum.
Fleiri færslur frá höfundi
Asnalegt
Á meðan mamma stynur og skoðar rifið blað ferðu að hugsa um hvað þig langar í í afmælisgjöf. Mamma hefur ekkert spurt ennþá. Í nótt dreymdi þig ljón. Þið fóruð í strætó upp í hjálparstarf. Það er í kjallaranum á kirkjunni. Þið þurfið að bíða. Mamma fer aftur að stynja, er henni illt? Hún er alltaf að þessu núna. Frekar asnalegt....
Spurning um að þora
Það er ágæt hugmynd að börn læri að kóða. Lína Langsokkur hefði brillerað í því. Ég er kannski ekki jafnæst í kóðunarnám og helstu talsmenn þess en það hefur sína kosti og ekki bara í atvinnuleit síðar á ævinni. Þjálfun í kóðun getur til dæmis eflt færni í lausn vandamála. Grunnfærni í lausnaleit og kóðun eru hluti þeirra námsleiða sem...
Plís, taktu bjálkann úr flísinni á mér. Eða eitthvað.
Því miður er líklega óhætt að segja að rasismi sé í uppsveiflu hérlendis. Ég man eftir þrjátíu ára gamalli umræðu um að við þyrftum að fara að búa okkur undir rasisma ef við ætluðum ekki að lenda í sömu gryfjunni og nágrannaþjóðir þar sem allt logaði í illdeilum – já, strax þá. Sumir reyndu að gera eitthvað í þessu, koma...
„Mamma, geturðu auglýst á Bland eftir afa og ömmu?“
Sem samfélag erum við vita vonlaus í mörgum veigamiklum málum. Til dæmis í að hjálpa vansælum börnum og unglingum. Vansæld sjáum við oft hjá börnum sem lenda utangarðs í félagahópnum. Líka hjá fátækum börnum og þeim sem fá lítinn stuðning heiman frá af þessum orsökum og öðrum, svo sem vegna þreytu foreldra og vanmáttar á þungu heimili. Margt fleira getur...
Athugasemdir