Hefðu þeir fengið betri kjör?
Það var áhugaverð frétt í Fréttablaðinu í morgun.
Þar var sagt frá því að stóru olíufélögin hefðu hundsað útboð Landssamband smábátasjómanna sem hafið leitað eftir tilboði í öll viðskipti félagsmanna sinna.
Aðeins eitt þeirra sýndi áhuga og fékk viðskiptin.
Fyrir utan að þetta minnti á hina gömlu(og nýju?) tíma olíusamráðs þá svaraði N1 ekki spurningum fréttamanns og Olís kom með skrítið svar.
Talsmaður fyrirtækisins sagði að útboðsskilmálar hefðu verið út í hött og m.a. vegna þess að það væri milliliður í viðskiptunum sem sæi um útboð og samninga.
Olís vildi nefnilega semja beint við hvern og einn um kjör frekar en að þetta færi í gegnum millilið.
En þá situr eftir sú spurning hvort smábátasjómenn hefðu nokkurn tímann getað fengið betri kjör hver fyrir sig hjá Olís frekar en í gegnum samtakamáttinn?
Maður stórefast um það.
Athugasemdir