Nái kvika undan bráðnuðum jöklum upp á yfirborðið gæti Ísland staðið frammi fyrir því sem samsvarar einu Eyjafjallajökulsgosi á 7 ára fresti. Tíðni flóða og ofsaveðra mun einnig aukast af völdum loftslagsbreytinga og heilsa landsmanna versna vegna margra samspilandi þátta.

Í skýrslu vísindanefndar um loftslagsbreytingar kemur fram að vegna bráðnunar jökla geti tíðni eldgosa aukist eða umfang þeirra orðið meira vegna kvikuframleiðslu neðarlega í jarðskorpunni sem nær upp á yfirborðið. Erfitt er að meta hversu mikið af kvikunni nær upp á yfirborðið og hversu langan tíma það mun taka. Í sviðsmynd þar sem gert er ráð fyrir að 25 prósent kvikunnar skili sér á yfirborðið má gera ráð fyrir því sem nemur einu Eyjafjallajökulsgosi á 7 ára fresti. Gosið árið 2010 olli miklu tjóni og stöðvaði flugumferð í Evrópu á viku tímabili vegna ösku. Ekki er auðvelt að spá hversu langan tíma það tekur kvikuna að komast upp, en það …