Þessi grein er meira en 3 ára gömul.

Lýsa káfi skólameistarans á Ísafirði: „Þá stökk Jón Baldvin allsnakinn út í laugina“

Sig­ríð­ur Hulda Rich­ards­dótt­ir, sem var nem­andi í Mennta­skól­an­um á Ísa­firði þeg­ar Jón Bald­vin Hanni­bals­son var skóla­meist­ari, seg­ir Jón Bald­vin hafa káf­að á sér í dimissi­on ferð og elt uppi kven­kyns nem­end­ur sína. Frá­sögn henn­ar er studd þrem­ur vitn­um úr ferð­inni.

Lýsa káfi skólameistarans á Ísafirði: „Þá stökk Jón Baldvin allsnakinn út í laugina“
Dimission ferð Jón Baldvin Hannibalsson, annar frá vinstri, var skólameistari Menntaskólans á Ísafirði frá 1970 til 1979.

Sigríður Hulda Richardsdóttir, sem var nemandi í Menntaskólanum á Ísafirði í lok áttunda áratugarins, segir Jón Baldvin Hannibalsson, þáverandi skólameistara og síðar stjórnmálamann, hafa káfað á brjóstunum á sér og áreitt nemendur kynferðislega.

Sigríður Hulda Richardsdóttir

Hún segir atvikið hafa átt sér stað í dimission ferð skólans eftir að siglt hafði verið með nemendur til Bolungarvíkur til að fara í sund. Þar hafi Jón Baldvin stokkið nakinn út í laugina til nemendanna. „Þessi nakti maður kom syndandi í áttina til okkar og við vorum allar í sjokki,“ segir Sigríður.

Í samtali við Stundina staðfesta þrjár skólasystur Sigríðar atburði dagsins eins og Sigríður lýsir þeim.

Aðspurður segist Jón Baldvin ekki ætla að bregðast við frásögninni strax. „Ég ætla ekki að bregðast við þessu fyrr en síðar og þá vel ég tíma, stað og stund,“ segir hann.

Í blaði Stundarinnar sem kom út á föstudag lýsa fjórar konur kynferðislegri áreitni af hendi Jóns Baldvins. Umfjöllunina í heild má lesa í tölublaðinu. Þá steig mágkona hans einnig fram í viðtali við Stundina á laugardag og sagði frá meintri áreitni hans.

Mikið fyllerí á kennurunum

Sigríður var nemandi í Menntaskólanum á Ísafirði árin 1975 til 1979 og var Jón Baldvin skólameistari á þessum árum. Hann starfaði sem kennari og skólastjórnandi í fjórtán ár, fyrst í Hagaskóla 1964 til 1970, og svo sem skólameistari á Ísafirði 1970 til 1979. Kvenkyns nemendur úr Hagaskóla hafa einnig greint frá áreitni Jóns Baldvins í samtali við Stundina, sem þær segja hafa átt sér stað þegar þær voru þrettán til fjórtán ára gamlir nemendur hans.

Vorið 1979 fór útskriftarbekkurinn Sigríðar í Menntaskólanum á Ísafirði í dimission ferð. „Ég hafði væntingar um skemmtilegan dag, fjögurra ára nám var að baki, upplestrarfrí framundan og eftirvæntingar um alveg nýja framtíð framundan,“ segir Sigríður.

Dimission ferðAð sögn sjónarvotta var mikil drykkja meðal kennara.

Eftir hádegi yfirgáfu útskriftarnemar skólann, snæddu hádegisverð á heimavistinni og héldu svo í sjóferð á litlum fiskibáti til Súðavíkur, þar sem sveitarstjóri og kona hans buðu upp á kaffi.

„Á siglingunni frá Ísafirði til Súðavíkur bar mikið á því að skólameistari og flestir kennarar voru orðnir vel við skál,“ segir Sigríður. „Skólameistari hékk í reiðanum og þrumaði ræður yfir okkur verðandi stúdentum. Það vakti undrun mína, að skólameistari og fleiri kennarar voru orðnir haugadrukknir svona rétt eftir hádegið. Það var ekki meiningin að dimisson ætti að fjalla um fyllierí kennara, aftur á móti átti þetta að vera dagur komandi stúdenta sem voru að kveðja skólann.“

Frá Súðavík var siglt til Bolungarvíkur og sundlaugin sérstaklega opnuð fyrir nemendur til að hafa sig til fyrir veisluhöld kvöldsins. Sigríður segir að þar hafi verið minna um ræðuhöld af hálfu Jóns Baldvins.

„Aftur á móti var hann byrjaður að sigta nokkrar af okkur út, reyna að fá mig og fleiri á eintal við sig og káfa á okkur. Ég forðaðist fljótt að vera ein með honum.
Þegar ég og skólasystur mínar vorum nýkomnar út í laugina í Bolungarvík, þá stökk Jón Baldvin allsnakinn út í laugina.“

„Með radarinn beint á stelpurnar“

Sigríður segir að sér hafi brugðið við þetta athæfi, þar sem allir hafi vitað að sundferð væri á dagskránni og því tekið sundföt með sér. „Þessi nakti maður kom syndandi í áttina til okkar og við vorum allar í sjokki. Þessu var bjargað af einum af þeim kennurum sem ekki var haugafullur, hann stökk upp úr lauginni, og fór í föt og bauð Jóni Baldvini sundskýluna sína og fékk skólameistara upp úr lauginni og inn í búningsklefann. Við stelpurnar gátum andað aðeins léttar.“

„Hann byrjaði að strjúka á mér brjóstin og lendar.“

Að sögn Sigríðar hélt áreitið áfram þegar Jón Baldvin, sem var fertugur að aldri, var kominn í sundskýluna. „Hann hoppaði út í laugina aftur, með radarinn beint á stelpurnar. Hann byrjaði að strjúka á mér brjóstin og lendar, sem var afar óþægilegt og raunar mjög fráhrindandi svo ég stökk upp úr sundlauginni og fór í heita pottinn.

Þá byrjaði skólameistari að elta aðrar stelpur, sem endaði með að við flúðum upp úr sundlauginni hver af annarri og fórum í heita pottinn. Þaðan sá ég að skólameistari uppgötvaði að allt kvenkyns var í heita pottinum. Hann kom fljúgandi þangað. Við stukkum allar upp úr heita pottinum um leið,“ segir hún.

Gamlar klámvísur og áreiti eftir sundferð

Sigríður segist hafa verið í sjokki yfir kynferðislegri hegðun skólameistarans. „Á eftir gengum við frá sundlauginni í hópum að húsi því sem veislan átti að fara fram,“ segir hún. „Jón Baldvin hékk í mér á leiðinni frá sundlauginni, leitaði kynferðislega á mig og fór með gamlar klámvísur, sem mér fannst óþægilegt og fráhrindandi. Þessi kynferðislega áreitni stoppaði ekki og hann hélt áfram í veislunni líka.“

Stundin ræddi við þrjár skólasystur Sigríðar sem urðu vitni að atburðum dagsins. Segjast þær allar hafa séð Jón Baldvin stökkva nakinn út í laugina og elta uppi kvenkyns nemendur sína. 

Sigríður segir að nemendur hafi ekki kvartað undan athæfinu. „Nei, við vorum öll í sjokki, og þar að auki bárum við virðingu fyrir Bryndísi.“ Á hún þar við Bryndísi Schram, eiginkonu Jóns Baldvins, sem einnig hafði starfað í skólanum.

Þetta var síðasta ár Jóns Baldvins sem skólameistari menntaskólans. Hann hafði í vaxandi mæli farið að taka sæti sem varaþingmaður á Alþingi. Eftir þetta varð hann ritstjóri Alþýðublaðsins og árið 1982 hófst sextán ára samfelldur þingmannsferill, þar sem hann varð meðal annars utanríkisráðherra fyrir Íslands hönd og síðar sendiherra Íslands gagnvart Bandaríkjunum.

Siglt til BolungarvíkurSundlaugin var opnuð sérstaklega fyrir nemendur í tilefni dagsins.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Nýtt á Stundinni

Skýrslan um Laugaland frestast enn
FréttirLaugaland/Varpholt

Skýrsl­an um Lauga­land frest­ast enn

Til stóð að kynna ráð­herr­um nið­ur­stöð­ur rann­sókn­ar á því hvort börn hefðu ver­ið beitt of­beldi á með­ferð­ar­heim­il­inu Laugalandi á morg­un, 29. júní. Ekki verð­ur af því og enn er alls óvíst hvenær skýrsl­an verð­ur gef­in út.
Fréttir

„Mynd af mér á bik­iníi skað­ar eng­an“

Með því að birta mynd­ir af lík­ama sín­um hef­ur Lilja Gísla­dótt­ir kall­að yf­ir sig at­huga­semd­ir fólks um að hún sé að „ýta und­ir að aðr­ir vilji vera feit­ir.“ Hún seg­ir óskilj­an­legt að fólk hafi svo mikl­ar skoð­an­ir á holdafari henn­ar, og annarra, því það hafi eng­in áhrif á aðra hvort hún sé mjó eða feit.
793. spurningaþraut: Nú er eins gott að þið þekkið heiðhvolfið
ÞrautirSpurningaþrautin

793. spurn­inga­þraut: Nú er eins gott að þið þekk­ið heið­hvolf­ið

Fyrri auka­spurn­ing: Hver er á mynd­inni hér að of­an? * Að­al­spurn­ing­ar: 1.  Í hvaða skáld­sögu Hall­dórs Lax­ness má lesa um per­són­una Ástu Sóllilju? 2.  Hvað heit­ir am­er­íska teikni­myndaserí­an Pe­anuts á ís­lensku? 3.  Í hve mik­illi hæð yf­ir yf­ir­borði Jarð­ar byrj­ar heið­hvolf­ið (á ensku stratosph­ere)? 4.  Hvað hét eig­in­mað­ur Elísa­bet­ar Eng­lands­drottn­ing­ar hinn­ar seinni? 5.  Hver gaf út hljóm­plöt­una Vespert­ine fyr­ir 21 ári?...
Bjarni undir í rannsókn Ríkisendurskoðunar
Fréttir

Bjarni und­ir í rann­sókn Rík­is­end­ur­skoð­un­ar

Sú end­ur­skoð­un­ar­áætl­un sem lagt var af stað með í rann­sókn Rík­is­end­ur­skoð­un­ar á sölu rík­is­ins á hlut­um í Ís­lands­banka snýr fyrst og fremst að Banka­sýslu rík­is­ins. Guð­mund­ur Björg­vin Helga­son rík­is­end­ur­skoð­andi seg­ir að fjár­mála­ráð­herra og ráðu­neyti hans séu líka und­ir og að áætl­un­in taki breyt­ing­um eft­ir því sem rann­sókn­inni vindi fram.
Jordan Peterson í femínísku ljósi - Unnur Gísladóttir
Karlmennskan#96

Jor­d­an Peter­son í femín­ísku ljósi - Unn­ur Gísla­dótt­ir

„Það er erfitt fyr­ir mig að kjarna gagn­rýni á Jor­d­an Peter­son því hún er marglaga en ef ég ætti að gera það þá er það van­hæfni hans til að setja sig í spor jað­ar­settra hópa eða kvenna.“ seg­ir Unn­ur Gísla­dótt­ir mann­fræð­ing­ur og fram­halds­skóla­kenn­ari. Unn­ur hef­ur les­ið all­ar bæk­ur Jor­d­an Peter­son og lík­lega inn­byrt meira magn af efni eft­ir hann held­ur en marg­ur að­dá­and­inn. Unn­ur er hins veg­ar lít­ill að­dá­andi og fær­ir okk­ur gagn­rýni sína þar sem hún varp­ar femín­ísku ljósi á mál­flutn­ing Jor­d­an Peter­son. Fyr­ir þau sem ekki kann­ast við mann­inn þá er hann af­ar um­deild­ur pró­fess­or í sál­fræði sem virð­ist ná sér­stak­lega vel til karl­manna og er vin­sæll fyr­ir­les­ari um heim all­an og kom m.a. fram í Há­skóla­bíó um liðna helgi. Um­sjón: Þor­steinn V. Ein­ars­son Tónlist: Mr. Silla - Nar­uto (án söngs) Þátt­ur­inn er í boði bak­hjarla Karl­mennsk­unn­ar, Dom­in­os, Veg­an­búð­ar­inn­ar og The Bo­dy Shop.
„Það er búið að borga fyrir þetta“
FréttirPlastið fundið

„Það er bú­ið að borga fyr­ir þetta“

Guð­laug­ur Þór Þórð­ar­son um­hverf­is­ráð­herra seg­ir að það eigi að end­ur­vinna ís­lenska plast­ið sem fannst í vöru­húsi í Sví­þjóð, enda sé bú­ið að borga fyr­ir það.
792. spurningaþraut: Stígvél hér og stígvél þar
ÞrautirSpurningaþrautin

792. spurn­inga­þraut: Stíg­vél hér og stíg­vél þar

Fyrri auka­spurn­ing: Hvað er að ger­ast á þess­ari mynd hér að of­an? * Að­al­spurn­ing­ar: 1.  Hvaða fyrr­ver­andi þing­mað­ur tók við sem rit­stjóri Frétta­blaðs­ins í fyrra? 2.  William Henry Gates III fædd­ist í Banda­ríkj­un­um 1952. Fað­ir hans var vel met­inn lög­fræð­ing­ur og móð­ir hans kenn­ari og kaup­sýslu­kona. Bæði létu heil­mik­ið að sér kveða í bar­áttu fyr­ir skárra sam­fé­lagi. En hvað af­rek­aði...
Stjarnfræðilegur kostnaður Úkraínustríðsins
FréttirÚkraínustríðið

Stjarn­fræði­leg­ur kostn­að­ur Úkraínu­stríðs­ins

Mörg hundruð falla í inn­rás Rússa í Úkraínu á degi hverj­um, mann­tjón­ið eykst sí­fellt og ólýs­an­leg­ar hörm­ung­ar þar víða dag­legt brauð. Þess ut­an eru efna­hags­leg­ar ham­far­ir að eiga sér stað í Úkraínu en þær voru raun­ar hafn­ar áð­ur en inn­rás­in hófst. Út­lit­ið var svart fyr­ir en nú er stór hluti lands­ins ein rjúk­andi rúst og vegna land­lægr­ar spill­ing­ar mun reyn­ast erfitt að fá fjár­hags­að­stoð er­lend­is frá til upp­bygg­ing­ar að stríðs­lok­um.
Reykvísk skrifstofukona umlukin svartadauða
Viðtal

Reyk­vísk skrif­stofu­kona um­lukin svarta­dauða

Auð­ur Har­alds rit­höf­und­ur seg­ir að Guð sé al­gjör­lega að­gerð­ar­laus og þess vegna sé tit­ill bók­ar henn­ar sem var að koma út: Hvað er Drott­inn að drolla? Sag­an fjall­ar um reyk­víska skrif­stofu­konu í nú­tím­an­um sem fer í tíma­ferða­lag alla leið aft­ur til árs­ins 1346 og lend­ir inni í miðj­um svarta­dauða.
Djarfar fullyrðingar eftir hálftíma vettvangsferð plastsendinefndar
FréttirPlastið fundið

Djarf­ar full­yrð­ing­ar eft­ir hálf­tíma vett­vangs­ferð plast­sendi­nefnd­ar

Úr­vinnslu­sjóð­ur ætl­ar ekk­ert að að­haf­ast vegna ís­lenska plasts­ins sem fannst í vöru­húsi í Sví­þjóð. Sendi­nefnd sem fór á stað­inn og komst að þeirri nið­ur­stöðu að þar væri ein­ung­is lít­ið magn af ís­lensku plasti virð­ist hafa byggt þá nið­ur­stöðu sína á hæpn­um for­send­um. Full­yrð­ing­ar í skýrslu nefnd­ar­inn­ar stand­ast ekki skoð­un.
791. spurningaþraut: Picasso málaði portrett af ... hvaða konu?
ÞrautirSpurningaþrautin

791. spurn­inga­þraut: Picasso mál­aði portrett af ... hvaða konu?

Fyrri auka­spurn­ing: Hvað heit­ir þetta fjall? * Að­al­spurn­ing­ar: 1.  Hvaða vin­sæla hljóm­sveit sendi frá sér plöt­una Their Satanic Maj­esties Requ­est ár­ið 1967? 2.  Hver var þá að­al gít­ar­leik­ari hljóm­sveit­ar­inn­ar?   3.  Dönsk yf­ir­völd og sér í lagi for­sæt­is­ráð­herr­ann hafa nú feng­ið skömm í hatt­inn hjá op­in­berri rann­sókn­ar­nefnd í Dan­mörku vegna fram­göngu sinn­ar í máli sem sner­ist um ákveðna dýra­teg­und. Hvaða dýr voru...
Myndi örugglega aldrei fara neitt ef hún vissi allt
MenningHús & Hillbilly

Myndi ör­ugg­lega aldrei fara neitt ef hún vissi allt

Covid-far­ald­ur­inn birt­ist ljós­lif­andi á nýj­asta lista­verki lista­kon­unn­ar Eirún­ar Sig­urð­ar­dótt­ur, Raun­tím­ar­efl­in­um, sem var saumað­ur með­an á far­aldr­in­um stóð. Ref­ill­inn tók mið af stöðu far­ald­urs­ins á hverj­um tíma og var loka­út­kom­an því ekki fyr­ir­fram ákveð­in.