Fréttir

Ríkisstjórn Íslands fór fram á að Washington Post fjarlægði grein um Bjarna og föður hans

Almannatengslafyrirtækið Burson Marsteller starfar fyrir utanríkisráðuneytið og reynir að hafa áhrif á fréttaflutning af málinu sem felldi ríkisstjórnina.

„Ég skrifa ykkur fyrir hönd ríkisstjórnar Íslands. Við förum fram á að greinin ‘Ríkisstjórn Íslands féll vegna þess að faðir forsætisráðherra vildi að barnaníðingur yrði náðaður. Hvað er í gangi?’ verði fjarlægð vegna fjölda staðreyndavillna og afbakana.“

Þannig hefst tölvupóstur sem ritstjórnarskrifstofu Washington Post, eins virtasta dagblaðs heims, barst frá starfsmanni almannatenglaskrifstofunnar Burson Marsteller þann 27. september síðastliðinn.

Málið snýst um pistil eftir Janet Elise Johnson, prófessor í stjórnmálafræði og kvennafræðum við Brooklyn College, þar sem fjallað er um stjórnmálaástandið á Íslandi, stjórnarslitin og það sem kallað hefur verið „barnaníðingahneykslið“ í erlendum miðlum. 

Villan sem fór helst fyrir brjóstið á íslenskum stjórnvöldum er sú að í greininni var upphaflega talað um „náðun“ (e. pardon) frekar en uppreist æru (restored honour) og gefið í skyn að barnaníðingar hefðu fengið hreint sakavottorð frekar en „óflekkað mannorð“. Þetta var lagfært skömmu eftir að greinin birtist.

Stundin hafði samband við almannatengilinn, sem sérhæfir sig í krísustjórnun hjá Burson Marsteller, og spurði hvort hún starfaði fyrir forsætisráðuneytið eða utanríkisráðuneytið og í hverju vinnan fælist. Hún vildi ekki svara spurningum blaðamanns í síma en bað um að blaðamaður sendi sér upplýsingar um sjálfan sig. 

Eftir að Stundin sendi henni tölvupóst og spurði hvort hún hefði sent fleiri sambærileg skeyti til dagblaða barst svar frá upplýsingafulltrúa utanríkisráðuneytisins. Þar segir:

Íslensk stjórnvöld hafa notið ráðgjafar almannatengslafyrirtækisins  Burson-Marsteller er varða orðspor Íslands, m.a. í tengslum við efnahagsmál, sjávarútvegsmál, jafnréttismál, ferðamennsku ofl. eins og komið hefur fram í fjölmiðlum. Utanríkisráðuneytið hefur umsjón með þessari vinnu fyrir hönd stjórnarráðsins. Hluti starfs Burson-Marsteller er að leiðrétta það sem rangt er farið með, eins og í þessu tilviki, þar sem rangfærslur sem varða uppreist æru og íslenska stjórnskipan birtust í einu virtasta dagblaði heims. Rétt er að minna á að utanríkisráðherra sagði frá því í íslenskum fjölmiðlum fyrir tæpum hálfum mánuði að utanríkisráðuneytið ynni að því að leiðrétta rangfærslur tengdar málinu.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Sögðust hlæjandi og í kaldhæðni hata karlmenn og eru nú tekin í gegn á netinu

Fréttir

Segir ummæli Brynjars ófagleg og afvegaleiða umræðu

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Tíu launahæstu forstjórarnir með 7,6 milljónir að meðaltali á mánuði

Fréttir

Yfirlýsing frá Trans Ísland vegna niðurlægjandi umfjöllunar í ósamræmi við veruleikann

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Ætlar ekki að segja sig úr Sjálfstæðisflokknum

Fréttir

Sögðust hlæjandi og í kaldhæðni hata karlmenn og eru nú tekin í gegn á netinu

Viðtal

Finnur mun meira fyrir fötluninni á Íslandi

Fréttir

Vigdís Hauksdóttir lætur víkinga bera sig í kosningamyndbandi

Fréttir

Segir ummæli Brynjars ófagleg og afvegaleiða umræðu

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks