Þessi færsla er meira en 3 ára gömul.
Sturlaður og tapsár forseti sigar trylltum lýð á eigið þing
Hinn ofurtapsári Trump skilur Bandaríkin eftir sem rjúkandi rúst, þegar hann yfirgefur Hvíta-húsið þann 20.janúar næstkomandi.
Hollywood hefði ekki getað gert þetta betur, þetta tók nánast öllu samanlögðu ímyndunarafli Hollywood-höfunda fram.
Að vísu er til sjónvarps og kivkmyndaefni sem er á þessum nótum, t.a.m þættirnir,,Designated Survivor" með Kiefer Sutherland, þar sem hann verður forseti eftir að bandaríska þingið hefur verið sprengt í loft upp. Reyndar fundust einhverjar rörasperngjur við þinghúsið, sem voru eyðilagðar.
Einnig er til kvikmynd sem ber heitið ,,White House Down" og fjallar um hryðjuverkaárás á Hvíta húsið. Channing Tatum leikur hetjuna þar.
Nú, ef Donald Trump hefur afrekað eitthvað, þá er það einmitt að taka hlutina ,,down". Aðgerðir hans eru svo makalausar að nánast allur heimurinn varð kjaftstopp. Maður bara nuddaði augun og kleip sig; er þetta virkilega að gerast, þegar menn , sem meðal annars voru klæddir loðfeldum og hornum ruddust inn í þinghúsið. Hvaða sýra var þetta eiginlega?
Trump hefur tekið embætti forsetans ,,down", hann hefur tekið bandarískt lýðræði ,,down" og tekið allt bandarískt samfélag með sér ,,down" - nánast niður á botninn, í svaðið.
En þetta var samt líka pínu grátlega kómískt, því það helsta sem þessi sturlaði skríll gerði, sem þessi sturlaði forseti sendi til þingsins, eftir að hafa ,,kveikt í þeim" á bakvið skothelt gler, fyrir framan Hvíta-húsið, var að taka af sér sjálfur, setjast í stóla og jú, auðvitað stela og eyðilegga. Það eru helstu kennimerki skrílsláta. Sorglegt vissulega að fjórir létu lífið í þessari árás og eftirköstum hennar, kona skotinn til bana og þrír létust með öðrum hætti.
Svo voru menn klifrandi upp eftir veggjum öskrandi og gargandi, þetta var bara brjálæði!
Allt þetta vegna þess að Trump tapaði heiðarlegum kosningum fyrir sér eldri manni. Þetta er tilfelli fyrir geðlækna!
Sjálfur hef ég komið inn í húsakynni bandaríska þingsins, sem túristi, og þetta er með flottari stöðum til að fara á.
Vanvirðing hins tryllta-Trump-skríls var því algjör, en þetta sýnir okkur einnig hverskonar skrímsli nútíma samfélagsmiðlar eru orðnir. Það er kannski efni í annan pistil.
En Trump, já vonandi verður hann sóttur til saka fyrir valdaránstilraun, því þetta var ekkert annað. En fór út um þúfur, sem betur fer. Við teljum niður til 20.janúar.
Mynd: Einn ,,aðalleikaranna" í þessari nýjustu leiksýningu Trumps, sagður vera fylgimaðus QAnon-samsærishreyfingarinnar. Mynd: Getty.
Fleiri færslur frá höfundi
Ófriðarský
Sagan segir að á þessum degi, 11/11, kl. 11.11 árið 1918 hafi síðustu skotunum í fyrri heimsstyrjöld verið skotið og þá hafi tekið gildi vopnahlé, sem þýddi endalok þeirrar slátrunar sem þetta skelfilega stríð var. Aldrei hafði mannkynið séð aðra eins ,,skilvirkni“ i slátrun á fólki. Vélbyssur, eiturgas, fallbyssur og sprengjur, sem ,,sprengdu“ alla skala. Ef það er eitt orð sem lýsir þessu stríði...
Úkraína og baráttuvilji Vesturveldanna
Á tímum þess sem kallaðist ,,Kalda stríðið" og stóð frá árunum 1945-1991 um það bil, voru háð nokkur stríð þar sem risaveldin, Bandaríkin og Sovétríkin (1922-1991) háðu grimmilega baráttu um forræðið í heiminum. Skyldi heimurinn vera kapítalískur með ,,Kanann" sem leiðtoga eða kommúnískur undir stjórn Rússa/Sovétríkjanna? Eitt þessara stríða var Víetnam-stríðið en um þessar mundir eru einmitt liðin um 55...
Hungurleikar Pútíns grimma
Sá atburður sem mun líma árið 2022 í minni mannkyns er innrás og stríð Vladimírs Pútíns gegn Úkraínu. Árásarstríð sem ,,keisarinn“ í Kreml (Pútín forseti ræður nánast öllu í Rússlandi), hóf þann 24. febrúar á þessu ári og sendi þar með her sinn, sem sagður var á ,,æfingu“, til innrásar á helstu vinaþjóð Rússa. Lítið er um vinaþel, eins og...
Brúin í Mostar - öfgar og skautun
Hinn 9.nóvember er mjög sögulegur dagur, Berlínarmúrinn féll þennan dag árið 1989 og árið 1799 tók Napóleón Bonaparte völdin í Frakklandi. Þar með hófst nýr kafli í sögu Evrópu. Árið 1923 framkvæmdi svo náunginn Adolf Hitler sína Bjórkjallarauppreisn í Þýskalandi, en hún misheppnaðist. Adolf var dæmdur í fangelsi en notaði tímann þægilega til að skrifa Mein Kampf, Barátta mín. Kristalnóttina árið 1938 bar einnig upp á þennan dag, en...
Athugasemdir