Auglysingin hverfur eftir stutta stund...
Loka

Blogg

Fjöldamorð og Eurovision – opið bréf og áskorun til RÚV

B.t. Magnúsar Geirs Þórðarsonar og Skarphéðins Guðmundssonar

 

Kæru Magnús og Skarphéðinn.

Hér er opið bréf. Og til öryggis – vegna þess að ég læt oft móðan mása þegar mér liggur mikið á hjarta – er hér strax áskorun til ykkar beggja og allra innan RÚV sem hafa völd til að taka ákvarðanir: 

Ef Eurovision-keppnin verður þrátt fyrir allt haldin í Ísrael skora ég á ykkur að bjóða Palestínu til leiks árið 2019.

Það er vel hægt að tína til mótrök. Hér eru nokkur – og sennilega hafa mörg þeirra þotið í gegnum huga ykkar síðustu daga:

– Ísrael mátti taka þátt – af hverju má Ísrael þá ekki vinna keppnina og halda næstu?

– Við eigum ekki að blanda saman pólitík og afþreyingu.

– Reglurnar um þátttökuþjóðir leyfa það ekki.

– Það gengur ekki vegna þess að [ótal rök sem tengjast hefðum og ríkjandi reglum].

Ég skal játa að þátttaka Ísraels hefur ekki truflað mig mikið síðustu árin. Stundum hef ég hugsað „af hverju í ósköpunum er Ísrael með í keppninni?“ og stundum hef ég hugsað „djöfull erum við góð í að leiða hjá okkur óþægilegar staðreyndir um aðrar þjóðir“. En það hefur ekki náð neitt lengra.

Svona er ég – eins og kannski flestir – snjall í að pródúsera staðreyndir ofan í sjálfan mig.

Snjall í að afneita staðreyndum sem eiga sér stað í fjarlægu landi.

Snjall í að afneita ólöglegu hernámi – sem á 70 ára afmæli um þessar mundir.

Snjall í að afneita fjöldamorðum.

* * *

Ég þekki ykkur báða af góðu einu. Og ég þykist vita að hugur ykkar beggja er með Palestínumönnum og að sjálfir styðjið þið ekki málstað Ísraela.

Ég er að skora á ykkur að taka af skarið og æða af krafti inn í þá rótgrónu og íhaldssömu menningarstofnun sem Eurovision er.

Ég er að skora á ykkur að gefa skít í það sem er „við hæfi“ að gera.

Ég er að skora á ykkur að standa með manneskjum í ánauð, manneskjum sem eru myrtar með köldu blóði, manneskjum sem missa vini og ættingja í fjöldamorðum.

 Bíð svars, vongóður.

 

Virðingarfyllst,

Davíð Stefánsson

 

* * *

 

Til glöggvunar eru hér tenglar á nokkra pistla sem ýttu mér út í að skrifa þessa áskorun:

Tvær sláandi ljósmyndir, teknar á sama tíma fyrir skömmu: https://www.facebook.com/alexrezashams/posts/10106213686998275

Arnar Eggert með samantekt um Eurovision sem virkan hluta af „rebranding“ hjá Ísrael: https://www.facebook.com/arnareggert/posts/10156418048606340

Umfjöllun Þórunnar Ólafsdóttur um sama mál: https://www.facebook.com/thorunn.olafsdottir.3/posts/10157691455913438

Pistill Eiríks Arnar Norðdahl, sem tínir til ótal góð rök bæði með og á móti sniðgöngu:

http://starafugl.is/2018/oeirdir-i-leikfangalandi/

Heimskort sem sýnir þær þjóðir heims sem viðurkenna sjálfstæði Palestínu: Höfundur: Night w, CC BY-SA 3.0, https://commons.wikimedia.org/w/index.php?curid=18142310  

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Fréttir

Kosningapróf Stundarinnar opnað

Fréttir

Í gullstöð Leifs Eiríkssonar á Miðnesheiði

Fréttir

Frambjóðandi Kvennahreyfingarinnar vildi kristna grunnskóla

Mest lesið í vikunni

Pistill

Neyðarkall til stjórnvalda

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra

Fréttir

Skoða ábendingu um „gerviverktaka“ í Hörpu

Fréttir

FME mat hæfi Hauks hjá Íbúðalánasjóði áður en hann hóf stórfelld íbúðakaup