Þessi færsla er meira en 5 ára gömul.
Hörgdal kemur út úr skápnum
Þetta er ekki frétt. Þetta er persónulegur áfangi, afskaplega langþráð ákvörðun. Og þar með stórfrétt fyrir sjálfan mig og kannski agnarögn fyrir þá sem þekkja til mín sem rithöfundar:
Frá og með deginum í dag tek ég mér nafnið Davíð Hörgdal Stefánsson.
*****
Mér þykir ógurlega vænt um nafna minn, Davíð Stefánsson frá Fagraskógi. Hann var magnað ljóðskáld ... svo magnað að hann mun aldrei gleymast. Og eftir því sem árin hafa liðið hefur mér þótt sífellt óþægilegra að bera nákvæmlega sama nafn, verandi líka ljóðskáld og rithöfundur. „Hinn“ Davíð hefur því smám saman tekið sér stöðu sem hálfdraugur á hægri öxl minni, alltaf handan við hornið, alltaf að minna á sig.
En af hverju núna og af hverju svona seint?
Við því eru a.m.k. nokkur svör.
Í fyrsta lagi vegna óskýrleika og hálfkáks. Ég er sennilega búinn að hugsa um þetta í tuttugu ár – og tók meira að segja hálfskref fyrir mörgum árum þegar nokkrar bókanna minna komu út undir „skáldanafninu“ Davíð A. Stefánsson. Það var ekki góð ákvörðun vegna þess að hún var tekin í hálfkáki og útþynntu hugrekki. Ég þorði ekki að taka skrefið til fulls. Og fílaði aldrei þetta merkingarlausa „A“ sem átti að aðgreina mig frá Fagraskógsmeistaranum.
Í öðru lagi vegna þess að ég er rétt að byrja sem rithöfundur. Vegna þess að ég á öll mín bestu verk óskrifuð og tíminn fram að þessu hefur verið æfingatímabil, oft fálmandi og stundum sársaukafullt, þar sem ég hef leitað og fundið mína leið til að vera virkur rithöfundur. Vegna þess að ég er 45 ára og ætla að verða 95 ára eins og Svana föðuramma mín.
Í þriðja lagi: Hvers vegna ekki? Hvenær rennur út tímabilið í lífi manns þar sem manni leyfist að taka stórar ákvarðanir?
*****
Ég tek mér Hörgdal sem millinafn af hjartanlegri virðingu við þann stað í þessari jarðvist þar sem sterkustu rætur mínar liggja – Hörgárdal. Þar trónir Hraundranginn glæstur og dramatískur yfir allri tilvistinni, þar ólst amma Dísa upp á Myrká, þar bjó afi Búi á Ásgerðarstöðum, þar stofnuðu þau nýbýlið Myrkárbakka, þar ólst mamma mín upp ásamt stórum systkinahópi, þar bjó ég fyrstu tvö ár ævi minnar, þar og á Myrká var ég í sveit um árabil og lærði að snúa og garða og keyra ævagamlan Land Rover.
Dagurinn er fallegur og þessari langþráðu ákvörðun fylgir mikill léttir og gleði. Og þar með hefst ég handa við að klára skáldsöguna um Djáknann, klára bókina mína um skapandi skrif og setja saman langþráð ljóðabókarhandrit. Planið fyrir árið 2019:
Að minnsta kosti ein bók ... helst tvær!
Fleiri færslur frá höfundi
Heimaslátrun og aðrar vögguvísur
Það kemst auðvitað lítið að þessa vikuna annað en umfjöllun um Scamherja og félaga í Afríku. Því miður varpar það skugga á annað stórmál, sem ekki er jafnmikið hneyksli: Ég er að gefa út mína fyrstu ljóðabók heil í 16 ár. Lengi var von á einum! Bókin heitir Heimaslátrun og aðrar vögguvísur og forsölu/söfnun lýkur á morgun, fimmtudag. Hún er hér:
Fjöldamorð og Eurovision – opið bréf og áskorun til RÚV
B.t. Magnúsar Geirs Þórðarsonar og Skarphéðins Guðmundssonar Kæru Magnús og Skarphéðinn. Hér er opið bréf. Og til öryggis – vegna þess að ég læt oft móðan mása þegar mér liggur mikið á hjarta – er hér strax áskorun til ykkar beggja og allra innan RÚV sem hafa völd til að taka ákvarðanir: Ef Eurovision-keppnin verður þrátt fyrir allt haldin...
Af hverju er Framsóknarflokkurinn ónýtur?
Sigmundur Davíð eyðilagði ekki Framsóknarflokkinn. Það voru meðvirk, huglaus og valdafíkin viðbrögð fólksins í kringum hann sem gerðu það. Allir í þingflokknum bera ríka ábyrgð á atburðum síðustu mánaða – og af þeim sökum eru þau öll sem eitt komin út af mínu sakramenti. Fyrir fullt og allt. Síðan í apríl hefur þetta gerst (listinn er alls ekki tæmandi): þingflokkurinn eins...
Tækifærið: Eftir Útey (fimm árum síðar)
(Þessi pistill birtist fyrst á Vísi í júlí 2011 og er endurbirtur hér þegar fimm ár eru liðin frá hryðjuverkunum í Útey) Ég veit ekki mikið um Jens Stoltenberg. Hann er norskur stjórnmálamaður, og sem slíkur er hann líklega ekkert verri eða betri en önnur eintök úr þeirri stétt. En mig langar til að leggja út af nokkrum orðum...
Nýtt efni
Svona virka loftárásir Rússa
Óskar Hallgrímsson, ljósmyndari og blaðamaður, flytur pistla úr stríðinu í Úkraínu, þar sem hann er búsettur.
Sóltún keypti jeppa fyrir forstjórann í uppsagnarhrinu
Hjúkrunarheimilið Sóltún hefur verið í hagræðingaraðgerðum og sagt upp starfsfólki á síðustu mánuðum.
Ráðning stjórnanda til MAST vekur athygli: „Ég er fagmaður"
MAST tilkynnti starfsmönnum sínum um það á miðvikudaginn að búið væri að ráða Þorleif Ágústsson sem nýjan sviðsstjóra yfir meðal annars fiskeldisdeildina hjá stofnunina. Þorleifur hefur skrifað greinar þar sem hann talar fyrir laxeldi í sjókvíum. Þorleifur segist vera vísindamaður og að hann taki ekki afstöðu. Forstjóri MAST, Hrönn Jóhannesdóttir vill ekki ræða um ráðninguna þegar eftir því er leitað.
Lenya ætlar að koma sterkari til baka í næstu kosningum
Lenya Rún Taha Karim, þingmaður Pírata og mastersnemi í lögfræði, segir að hún hafi snemma ákveðið að láta niðurstöður alþingiskosninganna árið 2021 ekki á sig fá, heldur nýta tímann vel og mennta sig.
Ríkisstjórnin vill gefa kvótann í laxeldinu um aldur og ævi
Í frumvarpi matvælaráðherra um lagareldi er kveðið á um að laxeldisfyrirtækin í landinu hafi „ótímabundin“ rekstrarleyfi til að stunda sjókvíaeldi í íslenskum fjörðum. Hingað til hafa rekstrarleyfin verið tímabundin í 16 ár. Með þessu ákvæði munu stjórnvöld á Íslandi ekki geta bannað sjókvíaeldi án þess að baka sér skaðabótaskyldu gagnvart laxeldisfyrirtækjunum.
Barist í bökkum velferðarsamfélags
Í 20. þætti af Pressu verður fjallað um versnandi fjárhagsstöðu fjölda heimila á Íslandi og hvað sé til ráða. Ýmsar kannanir hafa að undanförnu sýnt að byrðar fjölda fólks hafa þyngst. Þannig eiga fjögur af hverjum tíu sem eru á vinnumarkaði erfitt með að ná endum saman og tveir af hverjum tíu öryrkjum búa við verulegan efnislegan skort eða sárafátækt.
Samfélagslega viðurkennd skotmörk
Fitufordómar grassera innan heilbrigðiskerfisins og úti í samfélaginu segja fjórar konur sem hafa um árabil barist fyrir því að jöfn virðing sé borin fyrir öllum líkömum. Prófessor í sálfræði segir fitufordóma einu hleypidómana sem enn séu samþykktir í nútímasamfélögum.
Þórður Snær Júlíusson
Handbók um leiðir til að þykjast siðlegur ráðherra
Á Íslandi er við lýði regluverk sem á að koma í veg fyrir spillingu ráðherra og auka traust á stjórnsýslu. Nýlega var gefin út handbók með útskýringum á reglunum með raunhæfum dæmum. Raunveruleikinn sýnir hins vegar að ráðherrar láta þetta ekki hafa áhrif á hegðun sína. Reglurnar gilda bara þegar það reynir ekki á þær.
Kostnaður við árshátíð fram úr skattfrelsi: „Ekki einhver trylltur glamúr“
Kostnaður á hvern starfsmann við árshátíð Landsvirkjunar fór fram úr skattfrjálsum kostnaði um 34 til 230 þúsund á mann, eftir því hvernig á það er litið, og gæti starfsfólkið því þurft að greiða skatt af þeim krónum. Landsvirkjun ætlar, að sögn upplýsingafulltrúa, að fara að lögum og reglum um skattskil en gefur ekki uppi hvernig uppgjörinu er háttað gagnvart starfsfólkinu.
Barist í bökkum velferðarsamfélags
Í Pressu verður fjallað um versnandi fjárhagsstöðu fjölda heimila á Íslandi og hvað sé til ráða. Ýmsar kannanir hafa að undanförnu sýnt að byrðar fjölda fólks hafa þyngst. Þannig eiga fjögur af hverjum tíu sem eru á vinnumarkaði erfitt með að ná endum saman og tveir af hverjum tíu öryrkjum búa við verulegan efnislegan skort eða sárafátækt.
Enginn forsetaframbjóðandi nær þriðjungsfylgi
Katrín Jakobsdóttir og Baldur Þórhallsson mælast með mest fylgi í fyrstu kosningaspá Heimildarinnar vegna komandi forsetakosninga. Auk þeirra skipa Jón Gnarr og Halla Hrund Logadóttir efstu sætin. Atkvæði virðast dreifast mun víðar nú en fyrir átta árum, þegar nýr forseti var kjörinn síðast.
Spurningaþraut Illuga 19. apríl 2024 — Hvað nefnist dýrið? og 16 aðrar spurningar
Hér geta lesendur spreytt sig á spurningaþraut Illuga Jökulssonar sem birtist í tölublaði Heimildarinnar 19. apríl.
Á Íslandi ólst ég upp sem manneskjan sem mig langaði að verða
Klāvs Liepiņš er listamaður sem flutti til Íslands fyrir tíu árum síðan til að fara í dansnám. Á Íslandi fékk hann að verða manneskjan sem hann langaði alltaf að verða. Fyrir tilviljun fékk hann vinnu í kvikmyndabransanum sem hann elskar því í þeim bransa er enginn dagur eins.
11 ára stúlka fann stærsta sæskrímsli sögunnar
Ruby Reynolds og pabbi hennar voru að vappa í fjörunni við Somerset á Bretlandi þegar hún kom auga á nokkuð sem hafði verið grafið í fjöruborðinu í 205 milljónir ára.
Samtökin '78 kæra grunnskólakennara fyrir hatursorðræðu
Samtökin '78, hagsmunafélag hinsegin fólks á Íslandi, hafa kært Helgu Dögg Sverrisdóttur grunnskólakennara til lögreglu fyrir hatursorðræðu í garð hinsegin fólks. Helga hefur skrifað mikið um skoðanir sínar á málefnum trans fólks á bloggsíðu sinni.
Athugasemdir