Morð á þýskum stjórnmálamanni skapar andrúmsloft ógnar og ótta

Ótti ríkir í þýsku samfélagi eftir morðið á stjórnmálamanninum Walter Lübcke. Samtök nýnasista hafa birt dauðalista á vefnum þar sem fleiri stjórnmálamönnum er hótað lífláti. Öryggislögregla Þýskalands þykir hafa sofið á verðinum gagnvart þeirri ógn sem stafar af hægri öfgamönnum.

jonbjarki@stundin.is

Morðið á þýska stjórnmálamanninum Walter Lübcke hefur undanfarnar vikur skekið þýskt samfélag. Lübcke, sem átti sæti á ríkisþingi Hesse sem aðalfulltrúi Kassel-borgar, fannst látinn í garðinum fyrir utan heimili sitt, þar sem hann hafði verið skotinn í hausinn af stuttu færi. Enginn skotvopn fundust á vettvangi en DNA sýni af Stephan Ernst, 45 ára gömlum öfga hægrimanni fundust á fötum Lübcke. Hann játaði síðar að hafa myrt stjórnmálamanninn vegna afstöðu hans í málefnum flóttafólks en dró játningu sína síðar til baka. Málið hefur vakið upp óþægilegar minningar um vanhæfi þýsku öryggislögreglunnar, BfV, til þess að takast á við ofbeldi hægri öfgamanna.

Fannst í garðinum Stjórnmálamaðurinn Walter Lübcke fannst látinn í garðinum sínum þann 2. júní. Hann hafði verið skotinn í hausinn af stuttu færi. 

Þetta er í fyrsta skipti síðan á sjöunda áratugnum sem þýskur stjórnmálamaður er myrtur og þykir til marks um breytt stjórnmálaástand í Þýskalandi. Flokkssystkini Lübcke úr röðum Kristilegra demókrata hafa meðal annars sakað liðsmenn hægri öfgaflokksins Alternative für Deutschland, AfD, um að kynda undir ofbeldi af þessu tagi með eitraðri og hættulegri umræðutaktík. Meðlimir AfD gera hinsvegar lítið úr ógninni af hægri öfgamönnum og saka stjórnvöld meðal annars um að bera ábyrgð á morðinu með frjálslyndri stefnu sinni í innflytjendamálum. Rökin eru eitthvað á þá leið að hægri öfgamenn væru einfaldlega ekki svona reiðir, hreinlega morðóðir, hefði Merkel ekki asnast til þess að opna landið fyrir flóttafólki árið 2015.

Hvað sem slíkri umræðu líður má ljóst vera að þýsk stjórnmál verða markeruð af atburðinum til lengri tíma. Sumir óttast að atburður sem þessi geti fælt frjálsynt fólk frá því að taka þátt í stjórnmálum en óhætt er að segja að andrúmsloftið sem myndast hefur í kjölfarið sé ekki beint geðslegt. Stuttu eftir morðið birtu ýmis samtök hægri öfgamanna og nýnasista dauðalista víðsvegar um veraldarvefinn þar sem finna mátti nöfn, heimilisföng og myndir af stjórnmálamönnum sem tala máli flóttafólks og þeir varaðir við að þeir yrðu næstir. Talið er að um þrettán þúsund þýskir nýnasistar séu tilbúnir til þess að beita ofbeldi til að koma málstað sínum á framfæri. Ógnin af hryðjuverkum af þeirra hendi er því sannarlega fyrir hendi.

„Líf þitt mun enda árið 2020“

Fleiri morðtilraunir

Hinn 65 ára gamli Walter Lübcke var rétt eins og flokkssystir hans Angela Merkel mikill talsmaður þess að opna Þýskaland fyrir flóttafólki og taldi það raunar siðferðislega skyldu að taka á móti fólki á flótta. Hann hafði gegnt stöðu aðalfulltrúa Kassel á ríkisþingi Hesse í rúm tíu ár og er lýst sem þöglum manni á oft á tíðum eldheitu þinginu, í nýlegri umfjöllun Der Spiegel. Þá hefur flokkur Kristilegra demókrata, CDU, gefið það út að Lübcke hafi aldrei verið hræddur við að tala meiningu sína.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.690 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Nýtt á Stundinni

Kínverska sendiráðið aflýsir viðburðum vegna kórónaveirunnar

Kínverska sendiráðið aflýsir viðburðum vegna kórónaveirunnar

Kalli Birgis og Stóri, Ljóti Sósíalisminn

Símon Vestarr

Kalli Birgis og Stóri, Ljóti Sósíalisminn

Hagsmunareglur kynntar borgarfulltrúum en bíða enn afgreiðslu

Hagsmunareglur kynntar borgarfulltrúum en bíða enn afgreiðslu

„Ég er öryrki eftir erfiðisvinnu“

Við erum hér líka

„Ég er öryrki eftir erfiðisvinnu“

Mótsagnir málsvara SFS

Kjartan Jónsson

Mótsagnir málsvara SFS

Ísland sagt aðstoða við að finna mútupeninga Namibíumannanna í Samherjamálinu

Ísland sagt aðstoða við að finna mútupeninga Namibíumannanna í Samherjamálinu

Kjörin veisla fyrir bókaklúbba

Lífsgildin

Kjörin veisla fyrir bókaklúbba

Jóhannes fær aðstoð úr sama sjóði og þekktustu uppljóstrarar samtímans

Jóhannes fær aðstoð úr sama sjóði og þekktustu uppljóstrarar samtímans

Viðskiptafélagi Samherja í Namibíu: „Fyrirtækjastjórnun þeirra er hræðileg“

Viðskiptafélagi Samherja í Namibíu: „Fyrirtækjastjórnun þeirra er hræðileg“

Upplýsingar og ákvarðanataka: Um styttingu opnunartíma leikskóla Reykjavíkur

Kolbeinn Hólmar Stefánsson

Upplýsingar og ákvarðanataka: Um styttingu opnunartíma leikskóla Reykjavíkur

„Íslensku nöfnin“ í Netflix-mynd um Eurovision

„Íslensku nöfnin“ í Netflix-mynd um Eurovision

Glæpur og samviska

Glæpur og samviska