Yfir 800 manns, mestmegnis konur, eru í hópnum „Olíuvinir“ á Facebook, fyrir söluaðila á vörum frá Young Living á Íslandi. Fyrirtækið stundar svokallaða tengslamarkaðssetningu (e. multi-level marketing) og sætir hópmálsókn í Bandaríkjunum fyrir að vera milljarða dollara píramídasvindl sem nær allir þátttakendur tapi pening á.

Tengslamarkaðssetning hefur þekkst á Íslandi í nokkurn tíma og er frægasta varan sem seld er með slíkum hætti líklega Herbalife bætiefnin. Önnur fyrirtæki með sambærilegt viðskiptamódel eru Zinzino heilsuvörurnar, Tupperware ílátin og Forever Living snyrtivörurnar. Markaðssetning af þessum toga er oft persónulegri en önnur, beinist að vinum söluaðilans og fjölskyldu og fer gjarnan fram með heimakynningum eða á samfélagsmiðlum. Ólíkt hefðbundinni smásölu, þar sem hagnaður fæst með álagningu á heildsöluverð vöru, kemur þorri tekna þeirra sem stunda tengslamarkaðssetningu frá því að fá nýja aðila til að gerast heildsalar.

Young Living var stofnað árið 1993 í Utah í Bandaríkjunum af hinum umdeilda Gary Young. Fyrirtækið sætir …