Fréttir

Ljósmæður öskureiðar við heilbrigðisráðherra

Lýsa megnustu vanþóknun á ummælum Svandísar Svavarsdóttur. Fráleitt að réttlæta launalækkun ljósmæðra með því að þær hafi valið að vera í sérstöku stéttarfélagi.

Ljósmæður furðu lostnar Ljósmæður eru hinar reiðustu yfir ummælum Svandísar Svavarsdóttur heilbrigðisráðherra á Alþingi í gær. Þar hafi hún látið orð falla sem megi skilja sem svo að ljósmæður geti sjálfum sér kennt um að þær lækki í launum að loknu námi, með þvi að velja að vera í eigin stéttarfélagi. Mynd: Shutterstock

Ljósmæður eru reiðar og lýsa yfir megnustu vanþóknun vegna ummæla Svandísar Svavarsdóttur heilbrigðisráðherra á Alþingi í gær. Í yfirlýsingu sem Ljósmæðrafélag Íslands og Bandalag háskólamanna sendu frá sér í morgun segir að Svandís hafi þar látið orð falla sem megi skilja sem svo „að hún telji að ljósmæður geti sjálfum sér um kennt að þær lækki í launum við að bæta við sig námi. Þessa stöðu megi rekja til þess að ljósmæður hafi valið að vera í sérstöku stéttarfélagi innan BHM. Ráðherrann gaf í skyn að hagsmunum ljósmæðra yrði betur borgið ef Ljósmæðrafélag Íslands, sem var stofnað árið 1919, yrði lagt niður og ljósmæður sæktu um aðild að Félagi íslenskra hjúkrunarfræðinga.“

Í yfirlýsingunni segir ennfremur að ljósmæður og BHM lýsi yfir undrun sinni og vanþóknun á ummælunum. Áslaug Íris Valsdóttir Petty, formaður Ljósmæðrafélags Íslands, segir í samtali við Stundina að ljósmæður séu móðgaðar vegna þessara orða ráðherrans. „Þetta eru afskaplega óheppileg ummæli og alls ekki til að liðka fyrir í kjaradeilunni sem nú stendur. Við höfum svo sem heyrt það á að minnsta kosti einum samningafundi að við getum þá bara farið og verið hjúkrunarfræðingar. Þetta er svo vitlaus umræða að það nær ekki nokkurri átt. Ljósmæðrafélagið er að verða 100 ára og var stofnað löngu áður en forkrafa um hjúkrunarfræðinám kom til, það var ekki fyrr en árið 1982. Í mínum huga er þetta alveg glórulaust, á að meta verðmæti starfa út frá því í hvaða stéttarfélagi fólk er? Svona leysir ekki nokkurn skapaðan hlut. Það er mikil óánægja meðal ljósmæðra vegna þessa og þessi orð ráðherra koma okkur mjög á óvart.“

„Þetta er svo vitlaus umræða að það nær ekki nokkurri átt“

Í yfirlýsingunni segir enn fremur að það blasi við að fullkomlega óeðlilegt sé að ljósmæður lækki í launum við að bæta við sig tveggja ára ströngu háskólanámi ofan á hjúkrunarfræðinám. „Fráleitt er að rökstyðja eða réttlæta slíka launalækkun með vísan til þess að ljósmæður hafi valið að vera í sérstöku stéttarfélagi innan heildarsamtaka háskólamenntaðra á íslenskum vinnumarkaði. Staðan í kjaraviðræðum ljósmæðra við ríkið er alfarið á ábyrgð stjórnvalda sem hafa hafnað því að koma til móts við sjálfsagðar og eðlilegar kröfur ljósmæðra.“

 

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Vigdís Hauksdóttir lætur víkinga bera sig í kosningamyndbandi

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Segir ummæli Brynjars ófagleg og afvegaleiða umræðu

Aðsent

Typpi, hvalir og Kristján Loftsson

Fréttir

Inga Sæland segist ekki vera hugsjónalaus afæta

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Björn Ingi Hrafnsson ógjaldfær

Fréttir

Ætlar ekki að segja sig úr Sjálfstæðisflokknum

Viðtal

Finnur mun meira fyrir fötluninni á Íslandi

Fréttir

Forstjóri Isavia segir miklar launakröfur áhyggjuefni: Hækkaði sjálfur í launum um 400 þúsund milli ára

Fréttir

Vigdís Hauksdóttir lætur víkinga bera sig í kosningamyndbandi

Fréttir

Starfsfólk Árnastofnunar reitt við Ríkisútvarpið