Fréttir

Svandís snuprar þingmann Samfylkingarinnar fyrir að kynda undir ugg hjá foreldrum

Segir ástæðu þess að ljósmæður fái lægri laun en hjúkrunarfræðingar vera val þeirra á stéttarfélagi.

Snupraði þingmann Svandís Svavarsdóttir heilbrigðisráðherra snupraði í dag Guðjón Brjánsson, þingmann Samfylkingarinnar, í ræðustól Alþingis fyrir að vekja ugg hjá verðandi foreldrum. Mynd: Pressphotos

Heilbrigðisráðherra rekur mismun launa ljósmæðra og hjúkrunarfræðinga til þess að ljósmæður hafi kosið að stéttarfélag þeirra sé aðildarfélag að Bandalagi háskólamanna á meðan að hjukrunarfræðingar séu í sérstöku stéttarfélagi. Þá snupraði ráðherrann þingmann Samfylkingarinnar fyrir að kynda undir óöryggi hjá foreldrum vegna kjaradeilu ljósmæðra.

Guðjón BrjánssonÞingmaður Samfylkingarinnar sagði kjaradeilur og uppsagnir ljósmæðra vekja óöryggi meðal verðandi foreldra.

Guðjón Brjánsson, þingmaður Samfylkingarinnar, spurði Svandísi Svavarsdóttur heilbrigðisráðherra í óundirbúnum fyrirspurnartíma á Alþingi áðan í afstöðu hennar hvað varðaði stöðu mála varðandi kjaradeilu ljósmæðra. Benti Guðjón á að 13 ljósmæður hefðu sagt upp störfum við Landspítalannn vegna óánægju með kjör sín og viðbrögð viðsemjenda við kröfum þeirra. Tíðindin væru alvarleg, ekki síst nú þegar sumarið væri framundan en auk þess að sumarleyfi standi fyrir dyrum er sumarið sá tími sem flest börn fæðast á landinu. „Þetta ástand vekur skiljanlega ugg  og óöryggi meðal verðandi mæðra og fjölskyldna þeirra,“ sagði Guðjón. Guðjón benti einnig á að ljósmæður þyrftu að bæta við sig tveggja ára námi við fjögurra ára nám í hjúkrunarfræði. Að því loknu lækkuðu þær hins vegar í launum. Spurði Guðjón hvort ekki væri ástæða til að breyta menntakerfi og launakerfi ljósmæðra í þessu ljósi.

Svandís svaraði því til að hún hefði verið fullvissuð um það af hálfu forstjóra Landspítalans að engu öryggi væri stefnt í hættu þar. „Þannig að það er engin ástæða til þess, hvorki af háttvirtum þingmanni eða öðrum, að kynda undir ugg eða óöryggi hjá foreldrum.“

Þá sagðist Svandís þeirrar skoðunar að meta ætti vinnuframlag ljósmæðra til launa og samfélagslegrar virðingar. Um væri að ræða kvennastétt sem sinnti konum á viðkæmum tíma í þeirra lífi og það ætti að meta að verðleikum. Hún sagði síðan að það væri vissulega óvenjuleg staða að ljósmæður lækkuðu í launum við það að klára sitt nám en skýringin væri sú að við útskrift gengju ljósmæður úr sínu stéttarfélagi, sem hjúkrunarfræðingar. „Það er auðvitað ákvörðun sem ljósmæður taka í sínu kjaraumhverfi, að vera í sérstöku stéttarfélagi sem er aðildarfélag að BHM, á meðan að Félag hjúkrunarfræðinga er sérstakt stéttarfélag. Það er ekki verkefni stjórnvalda að hafa skoðanir á slíku fyrirkomulagi, það er verkefni aðila vinnumarkaðarins og í þessu tilviki ljósmæðra sjálfra hvernig þær skipa sér í stéttarfélög.“

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Vigdís Hauksdóttir lætur víkinga bera sig í kosningamyndbandi

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Segir ummæli Brynjars ófagleg og afvegaleiða umræðu

Aðsent

Typpi, hvalir og Kristján Loftsson

Fréttir

Inga Sæland segist ekki vera hugsjónalaus afæta

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Björn Ingi Hrafnsson ógjaldfær

Fréttir

Ætlar ekki að segja sig úr Sjálfstæðisflokknum

Viðtal

Finnur mun meira fyrir fötluninni á Íslandi

Fréttir

Forstjóri Isavia segir miklar launakröfur áhyggjuefni: Hækkaði sjálfur í launum um 400 þúsund milli ára

Fréttir

Vigdís Hauksdóttir lætur víkinga bera sig í kosningamyndbandi

Fréttir

Starfsfólk Árnastofnunar reitt við Ríkisútvarpið