Auglysingin hverfur eftir stutta stund...
Loka

Fréttir

Kölluð kellingartussa og negri

Pascale Elísabet Skúladóttir, leiðsögumaður frá Akureyri, varð fyrir alvarlegum kynþáttafordómum á bensínstöð í Reykjavík í vikunni. Hún ætlar að kæra atvikið til lögreglu.

Pascale Elísabet Skúladóttir varð fyrir kynþáttafordómum í vikunni. Mynd: Úr einkasafni

Pascale Elísabet Skúladóttir varð fyrir þeirri leiðinlegu lífsreynslu að verða fyrir alvarlegum kynþáttafordómum af hálfu fullorðins karlmanns á bensínstöð í Reykjavík í vikunni. Hún segir að hann hafi öskrað á hana, hrint henni aftur á bak, hrækt inn um opna hurðina á bílnum hennar, kallað hana kellingartussu, negra og sagt að hún komi frá „svertingjalandi“. Pascale greinir frá atvikinu á Facebook-síðu sinni í dag og segist í samtali við Stundina ætla að kæra málið til lögreglu á mánudag. „Mér finnst svona hegðun ekki í lagi og þetta er örugglega ekki í fyrsta skipti sem hann gerir þetta fyrst þetta er á þessu stigi,“ segir hún.

Pascale var, ásamt samstarfsfélaga sínum, að sendast eftir rúðupissi fyrir fyrirtækið sem hún starfar fyrir þegar atvikið varð. „Þar erum við að hringa planið þegar ég rek augun í starfsmann á plani við eina af bensíndælunum. Ég skrúfa niður gluggann og renni uppað honum til að spyrja hvert ég eigi að snúa mér til að fylla á tvo 20 l brúsa af rúðuvökva. Ég er ekki búin að bera upp erindið þegar flautað er á mig. Ég og starfsmaðurinn snúum okkur við og sjáum mann koma, sótillan á svip sem segir mér að drulla mér í burtu því hann sé næstur.“

„Ég er blönduð og fædd fyrir norðan, alin upp á Íslandi og Akureyringur í gegn.“ 

Hún segir að sér hafi brugðið verulega, sett bílinn í handbremsu og stigið út úr bílnum til þess að biðja manninn afsökunar. „Hann öskrar á mig að drulla mér burt, hrindir mér afturábak (ég datt samt ekki ), hrækir inn um opna hurðina á bílnum mínum, kallar mig kellingartussu og negra og segir mér með háði að ég komi frá svertingjalandi!! Ég gekk á eftir honum til að reyna að tala við hann en hann bara bölvaði mér og skellti hurðinni á nefið á mér.“

Pascale segist hafa verið mjög slegin yfir framkomu mannsins og algjörlega miður sín. Þetta sé hins vegar ekki í fyrsta skipti sem hún verður fyrir aðkasti vegna, að því er virðist, húðlit sínum hér á landi. „Ég er blönduð og fædd fyrir norðan, alin upp á Íslandi og Akureyringur í gegn,“ segir hún. 

Hilmar B. Þráinsson vörubílstjóri varð vitni að atvikinu. „Þarna var einhver karl sem var að bíða eftir dælu og svo losnar dælan og þá keyrir hún óvart fram fyrir hann. Tekur greinilega ekki eftir því að hann sé að bíða eftir dælunni. Keyrir upp að starfsmanni á plani sem stendur þarna og spyr hann hvar hún geti fyllt á rúðupiss. Þá kemur þessi maður öskrandi og gargandi, ýtir við henni, hrækir inn í bílinn hjá henni og kallar hana öllum illum nöfnum. Ég gerði nú ekkert til að byrja með en svo ætlaði hann greinilega ekkert að hætta og þá fór ég og spurði hann hvort hann vildi ekki bara koma sér í burtu. Þetta væri komið gott. Svona hagaði maður sér ekki.“

Hér má lesa færslu Pascale í heild:

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Fréttir

„Mjög gott samráð“ milli ráðuneyta en töldu ekki ástæðu til að láta Norðurlöndin vita

Fréttir

Stundin fær fjölmiðlaverðlaun götunnar

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika