Auglysingin hverfur eftir stutta stund...
Loka

Fréttir

„Reiðin verður svo mikil hjá mörgum sem munu upplifa sig illa svikna“

Áhyggjufullur kjósandi sendi Katrínu Jakobsdóttur skilaboð eftir að hafa, að eigin sögn, heyrt Steingrím J. Sigfússon tala eins og samstarf VG við Sjálfstæðisflokk væri „klappað og klárt“.

Sigrún Sól Ólafsdóttir leikkona segist hafa orðið vitni að samtali Steingríms J. Sigfússonar við stuðningsmann Sjálfstæðisflokksins þann 25. september síðastliðinn þar sem Steingrímur talaði eindregið fyrir því að Vinstrihreyfingin grænt framboð og Sjálfstæðisflokkurinn ynnu saman í ríkisstjórn.

Nokkrum dögum áður hafði Steingrímur hvatt til þess á fundi með flokksfélögum sínum við dynjandi lófaklapp að Sjálfstæðisflokknum yrði gefið „langt frí“ og haldið frá völdum í mörg kjörtímabil. Þau ummæli lét hann falla í ræðu á opnum félagsfundi Vinstri grænna í Reykjavík þann 18. september. 

Vitnað til sams konar ummæla í fyrra

Vísir greindi frá því í dag að leikkonan Sigrún Sól hefði heyrt samtal þingmannsins við ungan sjálfstæðismann í flugvél þar sem Steingrímur hefði talað líkt og þá hefði þegar verið ákveðið að láta reyna á stjórnarsamstarf Vinstri grænna og Sjálfstæðisflokksins.

Frásögn af sams konar ummælum Steingríms fór á flug í fyrra, þegar Benedikt Jóhannesson, þáverandi formaður Viðreisnar, fullyrti að Steingrímur hefði talað með þessum hætti á kosningafundi í Grímsey og vitnaði í áróðursvefinn Vegginn.is máli sínu til stuðnings. 

„Allt klappað og klárt“

Stundin hafði samband við Sigrúnu Sól og fékk að sjá skilaboð sem hún sendi Katrínu Jakobsdóttur í kjölfar þess að hún hafði hlustað á Steingrím í flugi frá Akureyri til Reykjavíkur. 

Í skilaboðunum kemur fram að Steingrímur hafi setið fyrir aftan hana, farið mikinn um mikilvægi þess að mynduð yrði sterk tveggja flokka stjórn og virst hliðhollur samstarfi við Sjálfstæðisflokkinn. 

„Mér finnst algert grundvallaratriði að
þið komið hreint fram með hvort þið viljið
vinna með Sjálfstæðisflokknum“

„Mér leið ekki vel og í mér eru ónot, þvi þögn ykkar angar af samkrulli,“ skrifaði Sigrún til Katrínar. „Mér finnst algert grundvallaratriði að þið komið hreint fram með hvort þið viljið vinna með Sjálfstæðisflokknum. Á Steingrími heyrðist manni það allt klappað og klárt.“

Þá skrifaði hún: „Það yrði svo bagalegt ef þið fáið fullt af fylgi – en komið svo eftir á og gerið þetta og reiðin verður svo mikil hjá mörgum sem munu upplifa sig illa svikna og eiga eftir að rífa ykkur i sig og vinna gegn samstarfinu af heift.“

Fékk ekki svar

Sigrún ráðlagði Katrínu að segja það hreint út ef Vinstri grænum hugnaðist sérstaklega að vinna með Sjálfstæðisflokknum. 

Katrín Jakobsdóttirformaður Vinstri grænna

„Heiðarlegra er að koma hreint fram með þetta núna – ef þetta er planið,“ skrifaði hún. „Ef þið segðuð strax: Við viljum nógu mikinn stuðning  til að leiða ríkisstjórnina  og leiða stefnumótunina. Og erum alveg til i samstarf við Sjálfstæðisflokk - en við verðum að hafa nógu skýrt umboð til að leiða… það verður svo margfalt sterkara heldur en að svara þessu ekki.“ 

Sigrún Sól segist aldrei hafa fengið svar við erindi sínu sem hafi þó verið „seen“-að á Facebook. Henni hafi orðið hugsað til þessara samskipta nú þegar stefnir í formlegar stjórnarmyndunarviðræður Vinstri grænna við Sjálfstæðisflokkinn og Framsóknarflokkinn án þess að aðrir kostir hafi verið fullreyndir.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Fréttir

„Mjög gott samráð“ milli ráðuneyta en töldu ekki ástæðu til að láta Norðurlöndin vita

Pistill

Zero tolerance

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika