Sólin skín skært þennan sumardag og Ólafur Högni Ólafsson tekur brosandi á móti mér í stigaganginum í fjölbýlishúsinu sem hann býr í í Þingholtunum. Hundurinn Snúður heilsar kurteislega og leggst svo á teppi í íbúðinni og liggur þar nær hreyfingarlaus í þá rúma tvo klukkutíma sem við Ólafur Högni spjöllum saman.

Kærasti Ólafs Högna, Raul Andre Mar Nacaytuna, heilsar hlýlega og kveður síðan. Hann ætlar á kaffihús niðri í bæ.

Íbúðin er glæsileg; nútímaleg og augljóslega hugað að hverjum hlut. Hvítt, rautt og svart eru aðallitirnir.

Ólafur Högni er í sumarfríi en hann vinnur hjá slökkviliðinu á Reykjavíkurflugvelli.

„Ég er eini samkynhneigði maðurinn sem ég veit um sem er í slökkviliðinu.“

Ladykiller

Ólafur Högni, sem er menntaður húsasmiður, ólst upp í Njarðvík.

„Ég var kallaður „ladykiller“ þegar ég var unglingur af því ég átti svo mikið af kærustum. Ég var heppinn að hafa ekki barnað þær þegar ég var …