Fréttir

Thomas vísar á félaga sinn með hvarfið á Birnu Brjánsdóttur

Thomas Møller Olsen er ákærður fyrir morðið á Birnu Brjánsdóttur, en hagar vitnisburði sínum fyrir Héraðsdómi Reykjaness þannig að hann segir Nikolaj hafa keyrt í burtu með Birnu Brjánsdóttur og síðar verið „æstur“.

Thomas í dómssal Thomas Möller Olsen huldi sig með teppi á leiðinni úr dómssal. Mynd: Pressphotos

Thomas Møller Olsen, sem er ákærður fyrir morðið á Birnu Brjánsdóttir síðasta vetur, hefur breytt framburði sínum verulega og vísar nú til skipsfélaga síns, Nikolaj. Hann segist nú aldrei hafa séð Birnu Brjánsdóttur, en í skýrslutökum hjá lögreglu taldi hann hana hafa komið inn í rauða Kia Rio bifreið sem hann hafði á leigu.

Eftir að hafa yfirfarið sönnunargögn í málinu og rætt við vitni hafði lögreglan hins vegar ákvarðað að ákæra eingöngu Thomas Møller. Hann segir þetta vera misskilning.

Í beinni útsendingu Vísis.is er haft eftir í framburði Thomasar að hann hafi fyrir mistök sagt rangt frá atburðarásinni.

Þá segir hann lögreglu hafa verið „vonda við sig“, kallað sig illum nöfnum og vakið sig reglulega og öskrað: „Hvar er hún?! Hvar er hún?!“

Auk þess hafi lögreglan hótað að ræða við kærustuna hans um að hann væri skrímsli. Thomas segist hafa verið undir mikilli pressu og viljað hjálpa. „Mig langaði svo að hjálpa að ég sagði óvart ósatt hvað hafði gerst,“ hefur Vísir eftir Thomasi.

Nikolaj OlsenKemur fyrir Héraðsdóm Reykjanaess til að bera vitni.

 

„Hann keyrir í burtu“

Í framburðinum fyrir Héraðsdómi Reykjaness í morgun virtist Thomas vilja benda á Nikolaj sem mögulegan geranda hans í stað. Hann segir að Nikolaj hafi beðið um „smá prívat tíma með konunni“.

Vísir hefur eftir Thomasi að hann bendir á Nikolaj. „Svo fór ég út að pissa, fór í smá göngu í kringum tré. Ég sá stórt hvítt hús. Nikolaj spjallaði við konuna meðan ég var úti. Ég sé að hann keyrir í burtu, ég man ekki hve lengi hann var í burtu. Ég hafði misst eða týnt símanum mínum og gat ekki haft samband við hann.“

Thomas segir Nikolaj hafa verið í burtu með stúlkuna í bílnum í nokkra tíma. Það hafi verið kalt og hann hafi fundið vel fyrir kuldanum. Þetta stangast á við gögn málsins. Fram hefur komið að bíllinn hafi sést í eftirlitsmyndavél við áhaldahús Golfklúbbs Kopavogs og Garðabæjar kl. 05.53. Nokkrum mínútum síðar, eða um kl. 06:10, kemur bíllinn svo inn á hafnarsvæðið við Hafnarfjarðarhöfn og stíga báðir skipverjarnir þar úr bílnum. Um klukkan sjö ekur Thomas síðan einn á brott í bílnum og neitar nú fyrir dómi að segja til um hvað hann hafi verið að gera á bílnum til klukkan ellefu sama dag.

Thomas segir að Nikolaj hafi komið einn til baka. „Ég spurði hvar konan væri. Og hann sagði að hún væri rétt hjá og hún ákvað bara að labba heim.“

Ennfremur lýsir Thomas að Nikolaj hafi hegðað sér undarlega. „Nikolaj var búinn að færa sig í farþegasætið. Hann var að nudda hendurnar sínar ... hann var svolítið æstur.“

Sjálfur segist Thomas hafa séð blett í bílnum um morguninn og því ákveðið að þrífa hann. 

Á reiki hjá Thomasi hvort tvær konur voru í bílnum

Framburður Thomasar, þegar kemur að því hvort tvær konur hafi verið í bifreið þeirra, skarast á við framburð vitnis í málinu, vélstjóra á Polar Nanoq. Thomas segir að Nikolaj hafi sagt sér að konurnar væru tvær í bílnum, en samkvæmt vélstjóra á skipinu greindi Nikolaj frá því um borð að hann myndi ekki eftir því að konurnar hefðu verið tvær, en að Thomas hefði sagt svo vera.

Þá segist Thomas hafa verið með klórför á bringunni vegna þess að hann klóri sér svo mikið í svefni.

Því er ljóst að bæði hefur Thomas breytt framburði sínum og svo hefur hann ákveðið að varpa grun á Nikolaj, félaga sinn. 

Nikolaj er nú að bera vitni fyrir Héraðsdómi Reykjaness.

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Davíð spilar með Geir og þjóðina

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“

Fréttir

VG ekki á móti því að tilteknir Sjálfstæðismenn gegni ráðherraembætti

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Viðtal

Frá fíkli til flóttamanns

Mest lesið í vikunni

Pistill

Enn meiri spilling af völdum Sjálfstæðisflokksins

Pistill

Davíð spilar með Geir og þjóðina

Aðsent

VG – in memoriam

Fréttir

Selur bílinn sinn til að borga ríkinu fyrir eigin brottflutning

Fréttir

Víðir bóndi í stríði gegn laxeldinu: „Hrafninn eyðilagði hér 80 rúllur“

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“