Sjálfboðaliði ósáttur eftir leynilegt ástarsamband við sjötugan stjórnarformann Sólheima

Selma Özgen er ein þeirra sem er ósátt við reynslu sína af sjálfboðaliðastarfi á Sólheimum. Selma átti í ástarsambandi við stjórnarformann Sólheima, Pétur Sveinbjarnarson, sem er 42 árum eldri en hún. Mikið valdamisvægi var á milli þeirra tveggja og segir Selma að hún hafi fengið þau skilaboð að hún yrði látin fara frá Sólheimum ef hún tjáði sig um sambandið, en hún var háð Sólheimum með landvistarleyfi. Gögn sýna hvernig Pétur bað hana að halda leynd yfir komum sínum til hans.

Sjálfboðaliði ósáttur eftir leynilegt ástarsamband við sjötugan stjórnarformann Sólheima
Fannst hún notuð og niðurlægð Selma Özgen hafði miklar væntingar til samfélagsins á Sólheimum þegar hún kom þangað fyrst í ársbyrjun. Dvölin stóð ekki undir þeim væntingum.   Mynd: Heiða Helgadóttir
holmfridur@stundin.is

Selma Özgen er frá Tyrklandi en þar á hún engan að, hvorki foreldra, aðra fjölskyldu né nokkurt fjárhagslegt bakland. Þegar hún fluttist til Íslands fyrir rétt um þremur árum var hún 27 ára, háskólamenntuð í markaðsfræði og almannatengslum og var gagngert hingað komin til að taka að sér sjálfboðaliðastarf hjá Sólheimum. Hún var spennt fyrir nýju verkefni, enda ævintýragjörn og full löngunar til að kynnast nýju fólki og aðstæðum. Hún hafði kynnst Sólheimum í gegnum sjálfboðaliðasíðu í Tyrklandi. Hún sótti um, var kölluð í símaviðtal og í kjölfar þess boðin velkomin til starfa á Sólheimum. Sjö mánuðum síðar lenti hún á Íslandi.

Margt þótti Selmu gott á Sólheimum en hún sá þó fljótlega að sú glansmynd sem hún hafði gert sér í hugarlund af starfinu þar var að sumu leyti kámug. Þegar hún frétti af því að annar sjálfboðaliði á staðnum, Maylis Galibert frá Frakklandi, væri að undirbúa gerð könnunar og í kjölfar þess skýrslu frá sjálfboðaliðum á staðnum, tók hún glöð þátt í því að segja frá því sem henni þótti betur mega fara. Í skýrslunni, þar sem birtar eru sögur fjölda sjálfboðaliða, kemur meðal annars fram að húsnæði sjálfboðaliða sé óboðlegt, ekki sé tekið tillit til sjónarmiða sjálfboðaliða og þeim skipað fyrir. Verslunin á staðnum sé dýr og erfitt fyrir sjálfboðaliða að komast í ódýrari verslanir, þar sem þeim séu engar samgöngur tryggðar af staðnum. Flestir höfðu eitthvað við framkvæmd sjálfboðaliðastarfsins á staðnum að athuga og voru sammála um að gagnrýni þeirra næði ekki eyrum stjórnenda.

Selma gat tekið undir flest það sem aðrir sjálfboðaliðar kvörtuðu undan en það sem olli henni mestu hugarangri var af öðrum toga. Fljótlega eftir að hún kom á Sólheima hafði hún nefnilega hafið ástarsamband við stjórnarformann Sólheima, Pétur Sveinbjarnarson, sem þá var 69 ára, 42 árum eldri en hún, auk þess að gegna stöðu stjórnarformanns á staðnum. „Þetta var það mál sem mig langaði helst að segja frá, því það lá á mér, en Pétur sagði alltaf: Ef einhver fréttir af okkur, þá verður þú látin fara frá Sólheimum,“ segir hún. Að fara frá Sólheimum jafngilti í hennar huga því að verða send úr landi, enda var landvistarleyfi hennar háð því að hún væri sjálfboðaliði þar.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.690 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Nýtt á Stundinni

Í tilefni dags íslenskrar náttúru : Hvað er hálendisþjóðgarður?

Guðmundur

Í tilefni dags íslenskrar náttúru : Hvað er hálendisþjóðgarður?

·
Biskup um mál séra Ólafs: „Við trúum frásögnum kvennanna“

Biskup um mál séra Ólafs: „Við trúum frásögnum kvennanna“

·
Frosti: „Hneyksli“ að ECT-samningurinn hafi ekki verið borinn undir Alþingi

Frosti: „Hneyksli“ að ECT-samningurinn hafi ekki verið borinn undir Alþingi

·
Sjálflærði ljósmyndarinn frá Moldóvu  sem er einn af skattakóngum Íslands

Sjálflærði ljósmyndarinn frá Moldóvu sem er einn af skattakóngum Íslands

·
The Immortal Life of Henrietta Lacks eftir Rebecca Skloot

The Immortal Life of Henrietta Lacks eftir Rebecca Skloot

·
„Námurnar tökum við allavega“

Illugi Jökulsson

„Námurnar tökum við allavega“

·
Vefbannið mikla í Kasmír

Vefbannið mikla í Kasmír

·
Ekki treysta Alþingi

Henry Alexander Henrysson

Ekki treysta Alþingi

·
Þurfa að kveðja allt of mörg börn

Þurfa að kveðja allt of mörg börn

·
Aðstoðarmaður Sigmundar réttlætir fullgildingu ECT-samningsins: „Stundum er hlutum blandað inn í umræðuna“

Aðstoðarmaður Sigmundar réttlætir fullgildingu ECT-samningsins: „Stundum er hlutum blandað inn í umræðuna“

·
„Kominn tími til að þið takið okkur alvarlega“

„Kominn tími til að þið takið okkur alvarlega“

·
Af dansgólfinu inn á læknastofur

Af dansgólfinu inn á læknastofur

·