Þessi færsla er meira en 5 ára gömul.
Að hugsa svolítið hlýlega til
Drengurinn heitir Winner og er Emanuel. Hann fæddist í byrjun desember á Landspítalanum og verður þar af leiðandi hálfssárs á næstu dögum. Hann hefur búið með móður sinni á öruggum stað í borginni og hún þráir að þau geti verið áfram á Íslandi. Ekkert er því til fyrirstöðu nema þá helst oftúlkun á reglum sem Kærunefnd útlendingamála liggur nú yfir.
Mæðgin hafa m.ö.o. sótt um alþjóðlega vernd á Íslandi en hafa ekki verið virt viðlits þrátt fyrir að Melody Otuwh hafi flúið frá Ítalíu vegna slæmra aðstæðna. Hún flúði frá Nígeríu til Ítalíu nítján ára gömul þegar faðir hennar ætlaði að gifta hana eldri manni gegn greiðslu. Á flóttanum varð hún fyrir árásum og kynferðisofbeldi og tókst að sögn með naumindum að flýja mansal. Á Ítalíu var hún bæði heimilislaus og án atvinnu.
Hvers vegna ætti Winner að fara núna til Ítalíu, jafnvel þótt hann hafi aldrei komið þangað áður?
Winner kom ekki frá Ítalíu, hann er ekki ítalskur. Hann hefur ekki átt heima neins staðar nema hér á Íslandi og því getur ekkert annað land talist heimaland hans. Fæddur á Íslandi og nú á aðeins eftir að bæta við: uppalinn. Hálft ár hlýtur þó að teljast með í því uppeldi.
Tvær stjörnur segja að Winner og Melody eigi að búa á Íslandi ef þau vilja en hvað segir Útlendingastofnun og Kærunefnd útlendingamála? Geta þau hugsað svolítið hlýlega til þeirra?
Fyrstu viðbrögð voru að senda þau til Ítalíu. Melony í kærði úrskurðinn með fulltingi Rauða krossins og í gangi er undirskriftasöfnun þeim til stuðnings sem þrjú þúsund hafa skrifað undir. Einnig er búið að senda Kærunefndinni tvö bréf.
Við viljum að Winner og Melody fái alþjóðlega vernd á Íslandi. Það er ekkert því til fyrirstöðu. Við endursendum ekki börn svo þau fari út í bláinn. Það er ómannúðlegt. Við vonaum bara að þau fái að vera hér alla tíð.
„Það sem barni er fyrir bestu skal ávallt hafa forgang þegar teknar eru ákvarðanir um málefni þess.“ (1. gr. barnalaga)
"Stjörnur á blárri festingunni sem færast nær og nær."
Vonandi.
Tenglar
Fleiri færslur frá höfundi
Tilfinningamál fyrir langreyðar
Umræða um aflífun hvala í landhelgi Íslands fór fram í Vikulokunum á Rás 1, laugardaginn 13. maí 2023. Þar voru ræddar sláandi niðurstöður í skýrslu Matvælastofnunar um meðferð á langreyðum, hvort réttlætanlegt væri að veiða hvali með þeim hætti sem gert er. Velferð þeirra er augljóslega fórnað fyrir óljósa hagsmuni en dauðastríðið er oft verulega langvinnt og sársaukafullt....
Furðulegt frumvarp um áfengislög kolfellur
Fréttafyrirsagnir um breytingar á áfengislögum, til að rýmka afgreiðslutíma Vínbúða og gefa þeim leyfi til að selja áfengi um helgar og á frídögum, eru á þessa leið: „Áfengis- og tóbaksverslun ríkisins setur sig ekki upp á móti frumvarpi þingmanna Framsóknarflokksins um rýmri afgreiðslutíma vínbúða.“ (RÚV) og „ÁTVR leggst ekki gegn rýmkun“ (MBL). „Afnám banns gæti rýmkað opnunartíma...
Barnamálaráðherra vs. dómsmálaráðherra
Forvarnir styðjast við lög og reglugerðir um hvað er leyfilegt og bannað og hvar mörkin liggja. Tilslökun á reglum sem tengjast alkóhóli geta þurrkað út árangur sem hefur fengist með forvörun. Nefna má að í könnun árið 1995 kom fram að 80% tíundu bekkinga höfðu smakkað áfengi. Ný könnun sýnir að 30% tíundu bekkinga hafa smakkað áfengi. Þessi árangur getur...
Áramótaheitin: 3. Að hætta að drekka áfengi
Við áramót er vinsælt að stíga á stokk og strengja þess heit að hætta einhverju eða byrja á einhverju. Hér er pistill handa þeim sem langar til að hætta að drekka áfengi en það er enginn skortur á ástæðum og rökum fyrir slíkri ákvörðun. Alkóhól er ávanabindandi efni og neyslan er samofin samskiptum í samfélaginu, það telst því töluverð áskorun...
Athugasemdir