Blogg

Uncle Ben

Í kjölfar þess að mér hlotnaðist sá heiður að fá að vera gestur í fertugasta og öðrum þætti Hefnendanna þá fékk ég Hefnendanafnið Uncle Ben sem er að sjálfsögðu í höfuðið á Benjamin Parker, frænda Peter Parker sem allir þekkja betur sem Köngulóarmanninn. Þó svo að Uncle Ben nafnið sé kannski ekki jafn grípandi, sterkt eða glimrandi eins og Ragneto, Hulkleikur eða Ævorman þá hef ég tekið þetta Hefnendanafn mitt í góða sátt.

Sögupersónan Uncle Ben birtist fyrst í hasarmyndablaðinu Amazing Fantasy 15 árið 1962 en í því blaði var einnig fyrsta birtingarmynd Köngulóarmannsins Peter Parker. Eintak af Amazing Fantasy 15 í óaðfinnanlegu ásigkomulagi seldist fyrir 1.1 milljón dollara árið 2011. Spurning hvort það hefði nokkuð farið á meira en milljón ef það nyti ekki viðveru Uncle Ben? 

Uncle Ben hefur unnið sér það helst til frægðar að vera drepinn en þó ekki áður en honum tókst að bera fram hin fleygu orð til frænda síns Peter Parkers: “Með miklum mætti fylgir mikil ábyrgð” (e. with great power comes great responsibility). Hér er auðvitað algjört aukaatriði að þessi orð hafi einhverntíma, einhvers staðar verið sögð áður af einhverjum sem var hugsanlega til í raunveruleikanum. Einnig er það aukaatriði að Uncle Ben sagði aldrei neitt þessu líkt í Amazing Fantasy 15 en þessi orð voru engu að síður hluti af frásögn blaðsins (sjá mynd). Í hinum ýmsu endurútgáfum og endurminningum af upprunasögu Köngulóarmannsins koma þessi orð jafnan beint úr ranni Uncle Bens.

Þær eru ófáar sögupersónur myndasögublaðanna sem hafa komið til baka af fullum lífskrafti eftir að hafa hlotið einn eða fleiri dramatískan dauðdaga. Slíkt á þó ekki við um Uncle Ben og er hann ein af afar fáum sögupersónum hasarblaðanna sem hafa haldist dáin í gegnum tímans rás (Thomas og Martha Wayne eru einnig í þeim flokki). 

Þó viðvera Uncle Ben í sögu Köngulóarmannsins sé stutt þá er hún vafalaust mjög áhrifamikil og næsta víst að án hans væri Peter Parker ekki sú ofurhetja sem hann er í dag. Einnig er ekki hægt að útiloka með öllu að án Uncle Ben hefði Köngulóarmaðurinn þróast út í illmenni frekar en hetju.

Orðin “Með miklum mætti fylgir mikil ábyrgð” sem Uncle Ben gaf frænda sínum í vegarnesti út í lífið hafa setið í huga mínum að undanförnu. Máttur Peter Parkers, eftir að hafa verið bitinn af geilsavirkri könguló, er óumdeilanlegur en ég fer ekki ofan af því að máttur hvers og eins okkar sem erum fullorðinn og heilbrigð og tilheyrum tegundinni Homo sapiens sé mikill. Þeim mikla mætti fylgir mikil ábyrgð.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Nýtur trausts innan lögreglunnar þrátt fyrir nauðgunarkærur

Fréttir

Hent út af heimili sínu eftir að hún steig fram

Ríka Ísland

Ríka Ísland

Leiðari

Hvers virði eru völdin?

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Nýtur trausts innan lögreglunnar þrátt fyrir nauðgunarkærur

Fréttir

Hent út af heimili sínu eftir að hún steig fram

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum