Fréttir

Dómsmálaráðherra segist ekki hafa brotið lög þótt Hæstiréttur hafi dæmt hana fyrir lögbrot

Sigríður Andersen sendi þingmönnum skýr skilaboð í umræðum um vantrauststillöguna: „Það verður í minnum haft hvernig menn greiða hér atkvæði á eftir.“

Sigríður Andersen dómsmálaráðherra fullyrðir að hún hafi fylgt lögum í einu og öllu þegar hún skipaði dómara við Landsrétt í fyrra. Með þessu hafnar hún alfarið niðurstöðum Héraðsdóms Reykjavíkur og Hæstaréttar Íslands þess efnis að hún hafi brotið stjórnsýslulög við meðferð málsins.  

Þetta kom fram í ræðu Sigríðar á Alþingi rétt í þessu í umræðum um vantrauststillöguna gegn henni.

„Systurflokarnir Píratar og Samfylkingin hafa einir látið hafa sig það að kalla eftir vantrausti á þennan ráðherra sem hér stendur, ráðherra sem fylgdi lagabókstafnum í einu og öllu við skipan dómara við hinn nýja dómstól. Lagaákvæði sem fjalla um skipan dómara við Landsrétt í fyrsta sinn eru ekki mörg en þau eru alveg skýr,“ sagði Sigríður og rakti í kjölfarið hvernig hún hefði borið val á dómaraefnum undir Alþingi líkt og lög kveða á um. 

Í sömu ræðunni sakaði Sigríður þingmenn stjórnarandstöðunnar um að „una ekki niðurstöðum dómstóla“ og nefndi í því samhengi að þingmenn hefðu ætlast til þess að stjórnskipunar- og eftirlitsnefnd eða umboðsmaður Alþingis rannsökuðu embættisfærslur ráðherra.

Þá sagði Sigríður að valdið til að skipa dómara yrði að vera í höndum ráðherra en ekki hjá hinni óháðu hæfnisnefnd. „Þessi vantrauststillaga sýnir nefnilega að valdið ti lað skipa dómara á að vera í höndum ráðherra en ekki hjá andlitslausri stjórnsýslunefnd. Hæfnisnefndir verða nefnilega aldrei dregnar til ábyrgðar.“ Undir lok ræðunnar sagði Sigríður: „Það verður í minnum haft hvernig menn greiða hér atkvæði á eftir.“

Leiðtogar ríkisstjórnarinnar, þau Katrín Jakobsdóttir, Bjarni Benediktsson og Sigurður Ingi Jóhannesson lýstu yfir stuðningi við ráðherra í ræðum sínum en umræðurnar standa enn yfir. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Vigdís Hauksdóttir lætur víkinga bera sig í kosningamyndbandi

Aðsent

400 manns senda Katrínu Jakobsdóttur opið bréf vegna „vanrækslu stjórnvalda“ í máli Hauks

Fréttir

Segir ummæli Brynjars ófagleg og afvegaleiða umræðu

Aðsent

Typpi, hvalir og Kristján Loftsson

Fréttir

Inga Sæland segist ekki vera hugsjónalaus afæta

Fréttir

Kallar tilmæli Svandísar „veruleikafirringu“ – Ljósmæður telja sig hafa gert samning

Mest lesið í vikunni

Fréttir

Björn Ingi Hrafnsson ógjaldfær

Fréttir

Ætlar ekki að segja sig úr Sjálfstæðisflokknum

Viðtal

Finnur mun meira fyrir fötluninni á Íslandi

Fréttir

Forstjóri Isavia segir miklar launakröfur áhyggjuefni: Hækkaði sjálfur í launum um 400 þúsund milli ára

Fréttir

Vigdís Hauksdóttir lætur víkinga bera sig í kosningamyndbandi

Fréttir

Starfsfólk Árnastofnunar reitt við Ríkisútvarpið