Fréttir

Íshestar dæmdir til að greiða reikninga Hjalta

Dómur í máli Hjalta Gunnarssonar gegn Íshestum féll í síðustu viku og var Íshestum gert að greiða Hjalta fyrir hestaferðirnar sem hann fór fyrir fyrirtækið sumarið 2016.

Hjalti og Ása Unnu mál sitt gegn Íshestum. Mynd: Heiða Helgadóttir

Íshestar þurfa að greiða Hjalta Gunnarssyni tæpar 15 milljónir króna vegna ferða sem hann fór fyrir fyrirtækið sumarið 2016 samkvæmt dómi sem Héraðsdómur Reykjaness kvað upp í síðustu viku.

Stundin sagði sögu Hjalta og eiginkonu hans, Ásu Viktoríu Dalkarls, fyrr í mánuðinum en þau reka hestatengda ferðaþjónustu á Kjóastöðum í Biskupstungum. Þau höfðu átt í farsælu samstarfi við Íshesta frá árinu 1992, allt þar til nýir eigendur tóku við rekstrinum en þá fór að verða erfitt að fá greiðslur. Í lok sumars 2016 var ljóst að fyrirtækið væri á leiðinni í þrot og fengu samstarfsaðilar Íshesta ekki greitt fyrir ferðirnar sem þeir fóru það sumar. Öll starfsemi Íshesta var þá færð yfir á nýtt félag og voru rök Íshesta þau að Hjalti hefði átt í samstarfi við gamla félagið, en ekki hið nýja. Hjalti stefndi fyrirtækinu vegna ógreiddra reikninga, en hann sagði fyrirtækið skulda sér á 16 milljónir króna.

Í dómi hérðasdóms segir meðal annars að samkvæmt samningi nýs félags Íshesta um kaup á gamla félaginu hafi allur rekstur hins gamla félags verið seldur til hins nýja í júní 2016. Tekið er fram í kaupsamningi að meðfylgjandi sölunni séu allar ferðir og öll seld þjónusta sem Íshestar vinni að hér á landi og einni þær ferðir sem hafi verið pantaðar fyrir afhendingu en verði inntar af hendi eftir afhendingardag. Þá segir ennfremur að allar tekjur og allur kostnaður vegna framseldra verka, sem falli til eftir afhendingardag, tilheyri kaupanda. Líta verði svo á að með þessum ákvæðum kaupsamningsins hafi fyrirtækið orðið skuldbundið Hjalta. 

Önnur gögn málsins styðji einnig þessa niðurstöðu, því starfsmenn Íshesta virðast hafa litið svo á að túlka bæri kaupsamninginn með þessum hætti. Þannig greiddi nýja félagið tvo reikninga frá Hjalta í september 2016, Íshestar sendi nafnalista til stefnanda 27. júní 2016 vegna ferða sem farnar voru 2. og 9. júlí 2016 og tölvubréfasamskipti Skarphéðins Bergs Steinarssonar, þáverandi framkvæmdastjóra Íshesta, og Hjalta bendi einnig til þess að framkvæmdastjórinn hafi litið svo á að Íshestar væru skuldbundnir Hjalta vegna umræddra hestaferða sumarið og haustið 2016. Niðurstaða málsins varð því sú að kröfur Hjalta voru teknar til greina að öllu leyti.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Nýtur trausts innan lögreglunnar þrátt fyrir nauðgunarkærur

Viðtal

Næturnar voru algert helvíti

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Leiðari

Hvers virði eru völdin?

Fréttir

Óásættanlegt að ferðaþjónusta fatlaðra skerðist vegna landsleiksins

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Fréttir

Nýtur trausts innan lögreglunnar þrátt fyrir nauðgunarkærur

Viðtal

Næturnar voru algert helvíti