Auglysingin hverfur eftir stutta stund...
Loka

Fréttir

Firrir sig ábyrgð á rannsókn sem hún stýrði

Ekki var farið í einu og öllu eftir lögum og reglum við rannsókn LÖKE-málsins samkvæmt niðurstöðu ríkissaksóknara ad hoc.

Annmarkar ekki refsiverðir Mál gegn Öldu Hrönn Jóhannsdóttur var fellt niður, en annmarkarnir á lögreglurannsókn LÖKE-málsins voru ekki taldir varða við almenn hegningarlög. Mynd: RÚV

Alda Hrönn Jóhannsdóttir, fyrrverandi aðstoðarlögreglustjóri á höfuðborgarsvæðinu og núverandi staðgengill lögreglustjórans á Suðurnesjum, gaf villandi mynd af þætti sínum í rannsókn LÖKE-málsins í viðtali sem birtist við hana í helgarblaði Fréttablaðsins þann 3. febrúar síðastliðinn. 

Alda steig til hliðar þegar settur héraðssaksóknari hóf rannsókn á störfum hennar í október 2016, en þá var henni gefið að sök að hafa misbeitt lögregluvaldi við rannsókn LÖKE-málsins. Nýlega var ákvörðun setts héraðssaksóknara um að fella málið niður staðfest af ríkissaksóknara ad hoc, Boga Nilssyni. Fram kemur í niðurstöðu Boga að ýmsir annmarkar hafi verið á rannsókn Öldu og málinu ekki verið beint í farveg til samræmis við ákvæði lögreglulaga og fyrirmæla ríkissaksóknara. Hins vegar hafi hnökrarnir ekki verið slíkir að þeir varði við 132. gr. almennra hegningarlaga um brot í starfi. 

Í viðtali Fréttablaðsins við Öldu rekur hún tildrög málsins og hvernig lögreglunni bárust gögnin sem lágu til grundvallar rannsókn LÖKE-málsins. „Ég fer því og sæki þau og fer með á Suðurnes. Þangað skila ég þeim. Í framhaldinu er haldinn fundur yfirmanna og ákveðið í samráði við ríkissaksóknara að greina málið frekar. Ég hafði engin afskipti af málinu á meðan það var í greiningu. Og sá reyndar aldrei gögnin þótt ég hefði komið þeim til skila,“ segir hún. 

Eins og fram kemur í niðurstöðum setts héraðssaksóknara, og staðfest er í niðurstöðu ríkissaksóknara ad hoc, var Alda Hrönn hins vegar stjórnandi umræddrar rannsóknar. „Af sögnum málsins verður ráðið að kærða var síðan, í umboði lögreglustjórans á Suðurnesjum, í fyrirsvari þeirra þátta sakamálarannsóknar á hendur kærendum þessa máls sem fram fór á vegum lögreglustjórans á Suðurnesjum bæði áður en ríkissaksóknari tók við stjórn rannsóknarinnar og eftir það,“ segir í niðurstöðu Boga Nilssonar. Í ákvörðun setts héraðssaksóknara kemur fram að Alda hafi lagt endanlegt mat á hvaða ályktanir mætti draga af rannsókn málsins og skrifað niðurstöðukafla í greinargerð embættisins sem send var ríkissaksóknara ásamt umræddum gögnum.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Fréttir

Kosningapróf Stundarinnar opnað

Fréttir

Í gullstöð Leifs Eiríkssonar á Miðnesheiði

Fréttir

Frambjóðandi Kvennahreyfingarinnar vildi kristna grunnskóla

Mest lesið í vikunni

Pistill

Neyðarkall til stjórnvalda

Pistill

Heiftarlegt uppgjör launafólks og stjórnmálaelítunnar framundan

Fréttir

Ríkislögreglustjóri heimilaði lífvörðum sona forsætisráðherra Ísraels að koma með skotvopn inn í landið

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra

Fréttir

Skoða ábendingu um „gerviverktaka“ í Hörpu

Fréttir

FME mat hæfi Hauks hjá Íbúðalánasjóði áður en hann hóf stórfelld íbúðakaup