Fréttir

Brynjar boðar til opins fundar með dómsmálaráðherra en leggst gegn rannsókn

Stjórnarandstöðuþingmenn kalla eftir því að Brynjar Níelsson víki sem formaður stjórnskipunar- og eftirlitsnefndar. Hann leggst gegn því að nefndin rannsaki embættisfærslur ráðherra.

Brynjar Níelsson, formaður stjórnskipunar- og eftirlitsnefndar Alþingis, ætlar að halda opinn fund í nefndinni á þriðjudag þar sem dómsmálaráðherra mun sitja fyrir svörum. Gert er ráð fyrir því að fundurinn fari fram kl. 10 og er fundarefnið reglur um uppreist æru. Þingmönnum var tilkynnt um þetta í kvöld samkvæmt upplýsingum Stundarinnar, en samþykkt var á nefndarfundi á fimmtudag að boðað yrði til opins fundar.

Svandís Svavarsdóttir, fulltrúi Vinstri grænna í nefndinni, segir í stöðuuppfærslu á Facebook að mikilvægt sé að halda áfram umfjöllun nefndarinnar um verklag við veitingu uppreistar æru. „Í ljósi nýjustu vendinga og stjórnarslita verður að halda þeirri umfjöllun áfram og ljúka með fullnægjandi hætti,“ skrifar hún og bætir við: „Ljóst er að það getur ekki verið undir forystu Brynjars Níelssonar.“

Píratar hafa einnig kallað eftir því að Brynjar víki sem formaður nefndarinnar í ljósi atburða undanfarinna daga. Þorsteinn Víglundsson, félags- og jafnréttismálaráðherra, tók undir þá kröfu í dag.

Haft er eftir Brynjari Níelssyni á Vísi.is að hann telji enga þörf á að stjórnskipunar- og eftirlitsnefnd rannsaki embættisfærslur forsætisráðherra og dómsmálaráðherra í þeim málum sem leiddu til stjórnarslitanna eins og Viðreisn hefur kallað eftir.

Forseti Alþingis mun funda með formönnum þingflokka um framhald þingstarfa í hádeginu á morgun. Síðan er gert ráð fyrir opnum fundi stjórnskipunar- og eftirlitsnefndar á þriðjudag.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Úttekt

„Ekki kominn tími til að ég brenni allar veraldlegar eigur mínar“

Fréttir

Skýrsla Hannesar rituð á ensku – „Ótækt“ segir formaður íslenskrar málnefndar

Pistill

VG framlengir tuttugustu öldina

Fréttir

Barnafjölskylda svipt framfærslufé vegna reglugerðar Sigríðar um útlendinga

Fréttir

Eigandinn í kosningaham á forsíðu Morgunblaðsins

Fréttir

Sinfóníuhljómsveitin neitar að opinbera styrktarsamning sinn við GAMMA

Mest lesið í vikunni

Fréttir

Frambjóðandi Sjálfstæðisflokksins vill ekki að „duglega fólkið“ haldi uppi sjúklingum sem keppast við að vera veikir

Viðtal

Þakklátur fyrir þessa lífsreynslu

Úttekt

Stjórn Íbúðalánasjóðs réði forstjórann óupplýst um vitnisburði um kynferðislega áreitni

Fréttir

Athafnamaður telur umfjöllun um ójöfnuð einkennast af öfund

Fréttir

Jón Páll sagði starfslok sín „hafa bara ekkert með þetta mál að gera“

Úttekt

„Ekki kominn tími til að ég brenni allar veraldlegar eigur mínar“