Þessi grein er rúmlega 11 mánaða gömul.

Dæmdir nýnasistar frá Norðurlöndum hjálpa þeim íslensku

For­ystu­menn Nor­rænu mót­stöðu­hreyf­ing­ar­inn­ar eru með of­beld­is­dóma á bak­inu og lof­syngja Ad­olf Hitler. Stund­in fjall­ar um heim­sókn þeirra til Ís­lands í sam­starfi við sænska fjöl­mið­il­inn Expo.

For­ystu­menn Nor­rænu mót­stöðu­hreyf­ing­ar­inn­ar eru með of­beld­is­dóma á bak­inu og lof­syngja Ad­olf Hitler. Stund­in fjall­ar um heim­sókn þeirra til Ís­lands í sam­starfi við sænska fjöl­mið­il­inn Expo.

Sænskir, norskir og danskir nýnasistar komu til Íslands í byrjun mánaðarins til að styðja við Norðurvígi, íslenskan arm Norrænu mótstöðuhreyfingarinnar.  Einn þeirra er leiðtogi hreyfingarinnar, hinn sænski Simon Lindberg, sem hefur fengið dóm fyrir hatursglæp og ofbeldi gegn samkynhneigðum. Martin Saxlind, ritstjóri vefs hreyfingarinnar, er einnig með í för, auk tveggja framámanna nýnasista á Skáni, Freddy Nerman og Tobias Malvå. Hafa þeir reglulega komist í kast við lögin og eru samtök þeirra talin hættuleg af lögregluyfirvöldum.

 „Við erum í mjög góðu samstarfi við löggæslustofnanir á Norðurlöndum, lögregluna á höfuðborgarsvæðinu og lögregluna á Suðurnesjum,“ segir Runólfur Þórhallsson, lögreglufulltrúi hjá embætti ríkislögreglustjóra, í samtali við Stundina, en ríkislögreglustjóri nefndi samtökin sérstaklega í skýrslu sinni um hryðjuverk frá árinu 2017. „Við teljum ekki að það sé nein yfirvofandi hætta.“

Nýnasistarnir gengu milli húsa á Kársnesi í Kópavogi á miðvikudag ásamt íslenskum félögum sínum í Norðurvígi og dreifðu áróðri í hús og settu límmiða með merki hreyfingarinnar á ljósastaura í hverfinu. Gerðu íbúar á svæðinu lögreglu viðvart. Á fimmtudag komu þeir saman á Lækjartorgi, veifuðu fánum og ræddu við vegfarendur. Hafði lögreglan afskipti af þeim en útifundinum lauk án átaka, þrátt fyrir orðaskipti við vegfarendur.

„Helvítis kynþáttasvikari,“ sagði Simon Lindberg við Snæbjörn Guðmundsson, sem átti leið hjá og reif bækling sem hann fékk afhentan í sundur í mótmælaskyni við aðgerðir nýnasistanna. „Komdu þér í burtu, kommúnistahyskið þitt.“

Nokkrir Íslendingar hafa verið með gestunum í för. Stundin ræddi við einn þeirra á Lækjartorgi, Arnar Styr Björnsson, sem er guðfræðingur að mennt og fyrrverandi formaður Herjans – félags stúdenta gegn ESB-aðild. Hann sagðist ekki vilja beita sér fyrir fjöldamorðum á Íslandi en lýsti þó hrifningu sinni á Nasistaflokki Þýskalands.

„Ég er mjög hrifinn af því sem þýski þjóðernisfélagshyggjuflokkurinn stóð fyrir,“ sagði Arnar. „Ég held það sé ekki allt satt sem sagt er um helförina ... hef ekkert verið að kynna mér það neitt sérstaklega en ég held það sé mjög mikið logið um það dæmi.“

Vilja miðla áróðri um nasisma

Norræna mótstöðuhreyfingin berst fyrir sameiningu Norðurlandanna í einu hvítu þjóðríki sem losni þannig undan áhrifum „glóbalista“. Er það orð oft notað af þjóðernissinnum yfir gyðinga. Lögregluyfirvöld á Norðurlöndum fylgjast náið með aðgerðum þeirra og voru þrír menn tengdir samtökunum í Svíþjóð dæmdir í fangelsi árið 2017 fyrir sprengjuárás í Gautaborg.

Á heimasíðu samtakanna segir að Norræna mótstöðuhreyfingin sé „byltingarkennd þjóðernis félagshyggin pólitísk baráttu samtök“. Þá segir einnig að meginmarkmið samtakanna sé að miðla áróðri. 

„Meginverkefni samtakanna um þessar mundir er að miðla áróðri til fólksins. Okkar meginmarkmið með okkar áróðri er ekki einungis að ráða stóran hóp af fólki, heldur er það að draga til okkar hágæða, skarpa og hliðholla einstaklinga. Í stærra samhengi notum við þennan áróður til að veita almenningi jákvæða ímynd af Norrænu mótstöðuhreyfingunni og þjóðernisfélagshyggju, svo að almenningur mun fúslega styðja og á þeim degi er við náum völdum á Norðurlöndunum.“

Í bæklingi sem þeir hafa dreift í hús og til vegfarenda segir meðal annars að fólki og landi sé stjórnað af sjálfskipaðri alþjóðaelítu sem hafi með gríðarlegu fjármagni náð stjórn á bönkum, fjölmiðlum og skemmtanaiðnaði í vestrænum samfélögum. „Þar af leiðandi hefur þeim tekist að halda fólkinu í járngreipum þrælavaxta, menningarmarxisma og úrkynjaðar ómenningar.“

Dæmdir ofbeldismenn með í för

Simon Lindberg er leiðtogi Norrænu mótstöðuhreyfingarinnar. Lindberg segist hafa sömu grunnhugmyndafræði og Adolf Hitler. Hann telur samkynhneigða ýta undir barnaníð og fékk þriggja mánaða fangelsisdóm árið 2006 fyrir að veitast að meðlimum samtaka hinsegin fólks sem dreifðu smokkum. Hann afneitar því að helförin hafi átt sér stað með þeim hætti sem almennt er viðurkennt. „Það skiptir ekki máli,“ sagði hann í viðtali við Sydsvenskan. „Þetta var fyrir sextíu árum. Og það eru vísbendingar um að þetta hafi ekki verið svona umfangsmikið.“

Simon LindbergLeiðtogi hreyfingarinnar var dæmdur í fangelsi fyrir árás gegn samkynhneigðum.

Í fyrra var Lindberg svo dæmdur fyrir hatursáróður gegn minnihlutahópum, fyrir að hafa í ræðu sem hann hélt í miðborg Stokkhólms árið 2016 kallað nasistakveðjuna „Sieg Heil“ á sænsku.

Annar sænskur nýnasisti sem tók þátt í aðgerðunum er Freddy Nerman, 29 ára fyrrverandi hermaður frá Skáni. Hann hefur að eigin sögn verið meðlimur hreyfingarinnar frá 2008, þegar hann var 17 ára að aldri, og var hann því yfirlýstur nýnasisti á meðan hann gegndi herþjónustu.

Meðlimir hreyfingarinnarFreddy Nerman heldur á fána til vinstri á myndinni, andspænis Simon Lindberg.

Nerman var í mars á þessu ári kærður fyrir að dreifa hatursáróðri á samfélagsmiðlinum VK, sem kallaður hefur verið rússneska Facebook. Um var að ræða tvær myndir með nasískum boðskap. Hann sætir einnig ákæru vegna átaka við lögreglumann.

Sneri baki við nasisma og hélt fyrirlestra í skólum

Annar nýnasisti sem sjá mátti á Lækjartorgi, Tobias Malvå, sætir nú ákæru vegna ofsókna í garð gyðinga og samkynhneigðra á netinu.

Tobias MalvåTobias snéri tímabundið baki við þjóðernishyggju.

Hann hefur einnig verið dæmdur fyrir ofbeldi, hótanir og þjófnað. Í lok tíunda áratugarins vakti athygli þegar hann tilkynnti um að hann hefði yfirgefið þjóðernishreyfinguna. Í framhaldinu vann hann með samtökunum Exit, sem styðja við fyrrverandi meðlimi hægri öfgasamtaka. Hann flutti fyrirlestra í skólum um líf sitt og hvernig hann sneri baki við haturssamtökum en nokkrum árum síðar sneri hann aftur til starfa fyrir þjóðernissinnuð samtök og beitir sér nú innan Norrænu mótstöðuhreyfingarinnar.

Loks er Martin Saxlind, ritstjóri hreyfingarinnar, staddur hérlendis. Hann heldur utan um vefsíðuna Nordfront og hefur jafnframt umsjón með útvarpsþætti. Saxlind var dæmdur fyrir ofbeldi á mótmælum í útjaðri Stokkhólms árið 2013. Þá hlaut hann jafnframt dóm fyrir hatursorðræðu vegna lofgreinar sem hann skrifaði um Adolf Hitler á síðunni árið 2015.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.990 krónum á mánuði.
Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Nýtt á Stundinni

Laugar landsins
ListiFerðasumarið 2020

Laug­ar lands­ins

Marg­ir Ís­lend­ing­ar setja sund­bol­inn og sund­skýl­una í ferða­tösk­una eða bak­pok­ann þeg­ar far­ið er í ferða­lag, enda er að finna fjöld­ann all­an af glæsi­leg­um sund­laug­um og heit­um laug­um víða um land. Stund­in tók sam­an fimm laug­ar úr hverj­um lands­hluta.
Áhyggjur af aðkomu lækna að stjórn Landspítala „ástæðulausar“
Fréttir

Áhyggj­ur af að­komu lækna að stjórn Land­spít­ala „ástæðu­laus­ar“

Lækna­ráð hef­ur gagn­rýnt áherslu á stjórn­un­ar- og skrif­stofu­störf hjá Land­spít­al­an­um og að fagráð verði val­in af for­stjóra. Páll Matth­ías­son, for­stjóri Land­spít­al­ans, seg­ir klín­ískt starfs­fólk engu að síð­ur koma að stjórn­un og stefnu­mörk­un og set­ur spurn­ing­ar­merki við full­yrð­ing­ar lækna.
101. spurningaþraut: „Þegar hann vaknaði var [hver?] enn á staðnum.“
Þrautir10 af öllu tagi

101. spurn­inga­þraut: „Þeg­ar hann vakn­aði var [hver?] enn á staðn­um.“

Hérna er 100. spurn­inga­þraut­in, sem birt­ist í gær. Auka­spurn­ing­ar eru þess­ar: Efri mynd­in sýn­ir brot af frægri ljós­mynd. Hvað sýn­ir mynd­in í heild? En hver er á neðri mynd­inni? 1.   Við hvaða fjörð stend­ur þorp­ið Suð­ur­eyri? 2.   Ár­ið 1940 varð Winst­on for­sæt­is­ráð­herra Bret­lands. Hvað hét for­veri hans í embætti? 3.   Hvað heit­ir fyr­ir­tæk­ið sem á ál­ver­ið í Straums­vík? 4.   Kona...
Macron útnefnir Macron
Einar Már Jónsson
Pistill

Einar Már Jónsson

Macron út­nefn­ir Macron

Ein­ar Már Jóns­son rit­höf­und­ur fjall­ar um nið­ur­stöð­ur sveit­ar­stjórn­ar­kosn­inga í Frakklandi og kröf­ur um að­gerð­ir í um­hverf­is­mál­um.
Vinsamlegt verðmat
Blogg

Guðmundur Hörður

Vin­sam­legt verð­mat

Ragn­ar Þór Ing­ólfs­son, formað­ur VR, skrif­aði eft­ir­tekt­ar­verða færslu á face­book­síðu sína 22. júlí síð­ast­lið­inn þar sem hann skor­aði á Fjár­mála­eft­ir­lit­ið og Hér­aðssak­sókn­ara að taka til skoð­un­ar við­skipti með Lind­ar­vatn ehf., m.a. vegna að­gerða­leys­is stjórna líf­eyr­is­sjóð­anna sem tengj­ast við­skipt­un­um. En það voru loka­orð Ragn­ars sem vöktu sér­staka for­vitni mína: „Ég mun svo halda áfram þar sem frá var horf­ið og fjalla...
Banki sagði Samherja tengjast félagi í skattaskjóli sem útgerðin sver af sér
GreiningSamherjaskjölin

Banki sagði Sam­herja tengj­ast fé­lagi í skatta­skjóli sem út­gerð­in sver af sér

Sam­herji sver af sér tengsl við eign­ar­halds­fé­lag í skatta­skjól­inu Mars­hall-eyj­um sem not­að var til að greiða laun starfs­manna út­gerð­ar­inn­ar í Afr­íku. Gögn frá DNB-bank­an­um sýna hins veg­ar að fjár­mála­stjóri hjá Sam­herja hafði rétt­indi til að stýra banka­reikn­ingi fé­lags­ins og að bank­inn taldi fé­lag­ið lúta stjórn Sam­herja.
Veiran í tveim víddum
Blogg

Þorvaldur Gylfason

Veir­an í tveim vídd­um

Sum fyr­ir­bæri mann­lífs­ins eru þannig vax­in að ein mæl­ing dug­ir, a.m.k. til hvers­dags­nota. Hversu há er Esj­an? Hver var hit­inn í Reykja­vík í há­deg­inu? Hvað sagði vigt­in í morg­un? Önn­ur fyr­ir­bæri þarf að skoða í tveim vídd­um eða fleiri. Þetta á við með­al ann­ars um ástand og horf­ur í heims­far­aldr­in­um. Fjöldi greindra og skráðra smita hrekk­ur skammt í sam­an­burði milli...
Sema opnar sig um líkamsárás: „Lögreglan og löggjafinn í landinu verða að gera miklu betur í að vernda þolendur“
Fréttir

Sema opn­ar sig um lík­ams­árás: „Lög­regl­an og lög­gjaf­inn í land­inu verða að gera miklu bet­ur í að vernda þo­lend­ur“

Sema Erla Ser­d­ar varð fyr­ir lík­ams­árás um versl­una­manna­helg­ina fyr­ir tveim­ur ár­um þar sem kona veitt­ist að henni með of­beldi og morð­hót­un­um á grund­velli for­dóma og hat­urs.
Kirkjan telur sig eiga land Múlavirkjunar
FréttirVirkjanir

Kirkj­an tel­ur sig eiga land Múla­virkj­un­ar

Stykk­is­hólms­kirkja læt­ur reyna á fyr­ir dóm­stól­um hvort land Múla­virkj­un­ar til­heyri kirkj­unni. Smá­virkj­anaris­inn Arctic Hydro á helm­ings­hlut. Fé­lag eins eig­enda Arctic Hydro sem á ná­læga jörð hef­ur beitt sér gegn lög­um sem tak­marka upp­kaup á jörð­um.
100. spurningaþrautin: Hér skilur á milli þeirra sem þekkja ketti og hinna sem ekki þekkja ketti
Þrautir10 af öllu tagi

100. spurn­inga­þraut­in: Hér skil­ur á milli þeirra sem þekkja ketti og hinna sem ekki þekkja ketti

Hér er 99. þraut­in sem birt­ist í gær. Til há­tíða­brigða, þá snýst þessi - sú hundrað­asta - ein­göngu um ketti. Auka­spurn­ing­arn­ar eru um teikni­mynda­sögu­ketti. Hér að of­an má sjá teikni­mynda­sögukött­inn Heathcliff. Hvað kall­að­ist hann á ís­lensku? Og að neð­an má sjá ann­an teikni­mynda­sögukött þar sem hann laum­ast að litl­um bíbí­fugli. Hvað nefn­ist kött­ur­inn? En að­al­spurn­ing­arn­ar eru ein­fald­ar, hvaða katt­ar­teg­und má...
Heimalningur á hlaðinu og gúrkurækt í túnfætinum
Viðtal

Heimaln­ing­ur á hlað­inu og gúrku­rækt í tún­fæt­in­um

Veit­inga­stað­ur­inn Hrauns­nef er sjálf­bær um ýmis hráefni og ýmis til­rauna- mennska í gangi. Sköpun­ar­gleð­in ríkir einnig hjá yfir­kokk­in­um á Cal­or á Hótel Varmalandi, en þar er nú „gúrkutíð“ í mat­seld­inni.
Fann sköpunargleði og tilgang í COVID
MenningHamingjan

Fann sköp­un­ar­gleði og til­gang í COVID

Ing­unn Embla Ax­els­dótt­ir fann sig í COVID, eft­ir að hafa ver­ið sett á hluta­bóta­leið­ina. Hún seg­ir heim­ver­una hafa veitt henni ómæld­an inn­blást­ur á tíma sem hún þurfti hann mest. Út­kom­an var lita­sprengja í formi Gling­urs, en hún byrj­aði að hanna skart­gripi úr gulli, perl­um og nátt­úru­leg­um stein­um.