Fréttir

Júlíus Vífill veitti lögmanni meðmæli

Borgarfulltrúi Sjálfstæðisflokksins skilaði umsögn um mannkosti lögfræðings sem sótti um uppreist æru árið 2008.

Júlíus Vífill Ingvarsson, fyrrverandi borgarfulltrúi Sjálfstæðisflokksins sem nú er í sigti héraðssaksóknara vegna leynilegrar peningaeignar í gegnum skattaskjólsfélag á Panama og bankareikning í Sviss, skrifaði meðmæli fyrir lögmann sem dæmdur var í sex mánaða fangelsi fyrir skilasvik árið 2005.

Þetta kemur fram í gögnum dómsmálaráðuneytisins sem Stundin fékk afhent eftir að úrskurðarnefnd um upplýsingamál komst að þeirri niðurstöðu að almenningur ætti rétt á upplýsingunum, þvert á afstöðu dómsmálaráðuneytisins og meirihluta stjórnskipunar- og eftirlitsnefndar.

Maðurinn sótti um uppreist æru árið 2008, enda hugðist hann endurheimta lögmannsréttindin og hefja lögmannsrekstur á nýjan leik. 

Fram kemur í umsögn Júlíusar að maðurinn hafi gott lag á að nálgast skjólstæðinga sína af yfirvegun, stillingu og varfærni. Hann hafi reynst mörgum þeirra sem til hans leita „hjálparhella og stuðningur á erfiðum tímum“. Þeir Júlíus þekkjast bæði gegnum störf sín sem lögreglumenn og sem lögmenn.

Björn Bjarnason, fyrrverandi dómsmálaráðherra, lagði til við forseta Íslands að maðurinn fengi uppreist æru og varð Ólafur Ragnar Grímsson við beiðninni þann 21. október 2008 í samræmi við lög og stjórnsýsluhefðir. Maðurinn starfar sem lögmaður í dag.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Áskorun um #strákahitting

Leiðari

Óvinir valdsins

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“

Pistill

Þorum við að vera við?

Fréttir

Fékk nóg af hagræðingartali ráðherra: „Við erum hér alla daga að reyna gera okkar besta“

Fréttir

Sagðist sjálfur hafa greitt skuldirnar sem faðir hans yfirtók

Mest lesið í vikunni

Fréttir

Lögbann á frekari umfjöllun um viðskipti forsætisráðherra

Fréttir

Faðir Bjarna Benediktssonar greiddi upp skuldir hans vegna áhættuviðskipta

Pistill

Það sem Sjálfstæðisflokkurinn vill ekki að þú vitir um húsnæðismál

Pistill

Áskorun um #strákahitting

Pistill

Baráttan við TR-kerfið – mig grunaði aldrei hversu niðurlægjandi hún yrði

Leiðari

Óvinir valdsins