Þessi færsla er rúmlega 2 mánaða gömul.

Lexikon Putinorum-Órar Pútíns

Hér getur að líta Lexíkon Putinorum, alfræðiorðabók pútínismans en þar leika órar (og árar) Pútíns lykilhlutverk:

Bandaríkin: Vond ríki enda standa þau í vegi fyrir að Rússlandi nái sínum ginnhelgu markmiðum, þar að segja ef Trump er ekki forseti (sjá "Trump"). Einnig eru þau svo óforskömmuð að vera Rússlandi langtum fremri hvað tækni áhrærir. Það er svindl því Rússland á rétt á að vera best í öllu.

Evrópusambandið: Vont samband sem kemur í veg fyrir að Rússland nái ginnhelgum markmiðum sínum.

Falsfréttir:  Fréttir sem ekki hæfa Pútín.

Fasismi:  Nokkuð sem alls ekki er til í Rússland, þótt Pútín vitni fjálglega í fasistann Ivan Iljín, hafi látið flytja líkamsleifar hans til Rússlands og lagt blómsveig  á gröf hans (sjá "Iljín"). Svona smáatriði eins og að Iljín hafi fagnað valdatöku nasista í Þýskalandi, hvar hann bjó 1933, skipta engu. Það skiptir heldur engu máli þótt hinn pútínski heimspekingur, Alexander Dúgín hafi sagt beinum orðum (í enskri þýðingu): : „In distinction  to rigid Marxist-Leninist dogmas, Russian national socialism proceeds from an understanding of social justice which is characteristic exactly for our nation, for our historical  traditions, our economic ethics“ (Fascism-Red and Borderless“).

Fangelsi: Staður þar sem troða má leiðindaskörfum eins og Navalní og Khodorovskí.

Garðaríki: Rússneskt fornríki og alls ekki úkraínskt ríki þótt  Kænugarður hafi verð höfuðborgin og ríkið aðallega spannað Norður-Úkraínu og Hvítarússland en aðeins náð yfir brot af núverandi Rússlandi (sjá "Úkraína"). Það má alls ekki viðurkenna að Moskvumenn þekktu ekki Garðaríki fyrr en Kænugarðsmunkar á sautjándu öld sögðu þeim frá því.  Munkarnir vildu koma sér í mjúkinn hjá Moskvukeisara,  sem var í þann veginn að ná tangarhaldi á Úkraínu,  og töldu honum trú um að Moskvuvaldið væri arftaki Garðaríkis.

Gorbasjov, Mikael: Aumingi sem lét eiga sig að beita valdi þegar nýlendur Sovétríkjanna kröfðust sjálfsstæðis. Hann skildi ekki að Rússar eiga guðdómlegan rétt til að ríkja yfir öðrum þjóðum.

Humpty dumpty kenningin um merkingu: Samkvæmt henni merkja orð það sem mælendum þóknast að láta þau merkja. Pútín fylgir þessari kenningu, sjá  „Nasismi“ og „Sérstök hernaðaraðgerð“.

Iljín, Ivan: Voða flottur heimspekingur (sjá "Fasismi"). Smáatriði eins og að hann fagnaði valdatöku nasista í Þýskalandi skipta engu. Rússar eru samkvæmt skilgreiningu ekki nasistar.

Ívan grimmi: Fyrsti alvörutöffarinn á valdastóli í Moskvu. Hann drap son sinn eigin hendi og lét gjöreyðileggja hið frjálslynda lýðveldi Hólmgarð (Novgorod) og strádrepa íbúana. Sem sannur Moskvu-valdsherra  þoldi hann ekki slíkt og þvílíkt.

Kírill, patríark rétttrúnaðarkirkjunnar: Góður til síns brúks enda fyrrum KGB liði (sjá "Réttrúnaðarkirkjan"). 

Lavrov, Sergei: Góður til síns brúks.

Lenín, Vladimir Iljits: Voða vondur byltingarmaður sem gerði Sovétríkin að sambandsríki sem var  illa gert því það gerði Úkraínu að sérstöku ríki.

Mafía: Nokkuð sem alls ekki er til í Rússlandi og Pútín alls ekki guðfaðir hennar. Hann og skósveinar hans hafa alls ekki stolið 800000 milljónum dollara og flutt í skjól á Vesturlöndum. Eða hvað?

Moskva:  Hin goðumlíka borg valdsins, borgin sem öllu á að ráða.

Nasistar:  Fólk sem ekki leggst flatt fyrir Moskvuvaldinu heldur berst gegn því. Gott dæmi um nasista er Volodomyr Zelenskí en hann er Gyðingur eins og fleiri nasistar, t.d. Adolf Hitler (sjá "Zelenskí").

NATÓ: Voða vondur félagsskapur sem kemur í veg fyrir að heilaga landið nái sínum göfugu markmiðum. Það á að vera satt að Nató ógni Rússlandi jafnvel þótt Natóríkin hafi lengi stórlega dregið úr vígbúnaði og þótt drjúgur hluti Bandaríkjahers hafi yfirgefið Evrópu. Líka þótt fyrir „sérstöku hernaðaraðgerðina“  hafi ekki  verið neinir erlendir hermenn í Eystrasaltsríkjunum.

Navalní, Alexei: Maður sem leyfir sér þá ósvinnu að kalla Pútín „spilltan“ og telja hann ekki eiga rétt á völdum. Af með hausinn, af með hausinn!

Nikolás II, Rússakeisari: Aumingi sem ekki beitti valdi þegar afvegaleiddir Rússar fylltu götur og torg til að krefjast brauðs og friðar.

Óligarkar, rússneskir:  Núorðið næs gæjar sem þegið hafa allt  sitt af hinum gjafmilda Pútín og hlýða honum fyrir vikið.

Nóvisjokk:  Handhægt tæki til að  ná sér  niður á leiðindaskörfum eins og Skripal og Navalní.

Pólónium:  Gott tæki til að þagga niður í leiðindaskörfum eins og Litvinenko.

Pútín, Vladimir Vladimirovitsj: Maður sem er réttborinn til valda, má taka það sem honum sýnist og ráðast inn í öll þau lönd sem honum sýnist.

Rétttrúnaðarkirkjan rússneska: Mjög gott tæki til að ná markmiðum Rússlands enda hefur hún löngum verið Moskvuvaldinu hlýðin (sjá "Kírill").

Rússar: Goðþjóð.

Rússland: Ginnheilagt land sem á rétt á að ríkja yfir Evrasíu og beita öllum brögðum til að ná því markmiði.  Þetta guðdómsland á líklega rétt á að stjórna austanverðri Mið-Evrópu og Balkanskaga.

Rússneski herinn: Her sem á rétt á að ráðast inn í hvaða land sem er, gera hvað sem er (sjá "Sérstök hernaðaraðgerð"). Það má alls ekki vera satt að venjulegir hermenn séu kúgaðir af liðsforingjum, heldur ekki að herinn sé rammspilltur. Hvað þá morðtól hans séu mun lakari en vestræn tól. Og það getur ekki verið satt að hermenn hans í Úkraínu séu hugdeigir, berjist ekki af miklum þrótti og sannfæringu. 

Sannleikur: Það sem hentar Pútín hverju sinni.

Sérstök hernaðaraðgerð: Það sem rússneski herinn stundar í Úkraínu, t.d. sérstakar eldflaugaárásir á íbúðarhverfi og sérstakir nauðungarflutningar hundruð þúsunda Úkraínumanna til Rússlands þar sem börnin eru tekin af þeim og mörgum hugsanlega stútað.

Stalín, Jósef Vissarionvitsj: Voða flottur einræðisherra sem sigraði nasistana og lagði hálfa Miðevrópu og Balkanskaga undir hið heilaga Rússland. Það getur ekki verið satt að hann haf veikt sovéska herinn verulega  með því að láta taka bestu her- og liðsforingja hans af lífi, 38000 stykki. Það má heldur ekki vera satt að hann hafi selt nasistum olíu og hveiti, olíu sem þeir notuðu til að knýja vagna í innrásinni í Sovét 1941 (hann seldi þeim auðvitað ekki reipið sem þeim næstum tókst að hengja hann í). Og þá má alls ekki vera satt að innrásin hafi komið Stalín í opna skjöldu, hann hafi ekki lyft litla fingri til að efla varnir landsins gegn hugsanlegri þýskri innrás. Þá má heldur ekki vera satt að Stalín eigi sinn þátt í hinu mikla mannfalli Sovétmanna, bæði með því að eyðileggja herinn, selja nasistum olíu, og styrkja ekki varnirnar, einnig með því að etja sovéskum hermönnum varnarlitlum út í bardaga við Þjóðverja með þeim afleiðingum að þeim var slátrað í milljónatali.

Stríð: Bannyrði, sjá „Sérstök hernaðaraðgerð“.

Trump, Donald: Svaka næs stjórnmálamaður, vinur Pútíns, jafnvel skósveinn hans. Góður til síns brúks (sjá "Bandaríkin").

Úkraína: Land sem  ekki er til,  bara hluti Rússlands. Íbúarnir hafa verið blekktir til að trúa því að þeir séu ekki Rússar. Líka til að trúa því að Rússar fremji fjöldamorð á þeim og gjöreyðileggi borgir þeirra og efnahagslíf. Það má ekki viðurkenna að Garðaríki hafi verið fyrst og fremst úkraínskt og hvítarússneskt ríki, það má heldur ekki vita að eftir hrun þess voru sjálfsstæð ríki á borð Galiciu-Volhyniu  í Vesturhluta Úkraínu, heldur ekki að Höfuðsmannaveldi (hetmanatið) kósakka var sjálfsstætt úkraínskt ríki (sjá "Garðaríki"). Það má ekki viðurkenna að  þegar kósakkar ákváðu að tengjast Moskvukeisara þá varð að nota túlk í samningaviðræðunum. Það má alls ekki viðurkenna að vesturhluti Úkraínu hafi fyrst komist undir stjórn Moskvuvaldsins árið 1945.

Vatnsklósett: Fyrirbæri sem ekki fyrirfinnst á heimilum um fimmtungs Rússa.

Þjófnaður: Ekki það að taka úkraínskt korn traustataki og láta rússnesk fyrirtæki taka yfir  fyrirtæki i eigu Úkraínumanna á Krímskaga.

Zelenskí, Volodomyr: Nasisti eins og fleiri Gyðingar. Leyfir sér að berjast gegn hinu ginnhelga Rússlandi, hvílík ósvinna (sjá "Nasismi"). Af með hausinn, af með hausinn!

 

Heimildir:

Gagnstætt hægripútínistum er ég ekki myndskeiðungur, ég nota sem sagt ekki bara myndbönd sem heimildir. Ritrýndar bækur koma mjög við sögu, hvað Pútín varðar  styðst ég m.a. við bók Möshu Gessen um hann og bók þeirra Fionu Hill og Clifford Gaddy Mr Putin: The Operative in the Kremlin. Hvað úkraínska sögu varðar hef ég m.a. nýtt mér bók Serhij Plokhnys The Gates of Europe og bók Timothy Snyders The Road to Unfreedom. Síðastnefnda bókin gefur líka m.a. innsýn í rúSSneska faZismann. Um rússneska sögu má læra í kveri Geoffrey Hosking Russian History.  Í bók Mary Elise Sarotte Not an Inch má finna eftirtektarverða umfjöllun um stefnu Vesturveldanna í málum Rússlands. Um Stalín má fræðast í bók Isaac Deutschers um hann, einnig bókum Simon Sebag Montefiores. Auk þessa styðst ég við urmul netheimilda.  Engin þessara heimilda (að bókunum meðtöldum) er fullkomin og hafin yfir gagnrýni, það er mannlegt að skjátlast.

Athugasemdir (5)

Skráðu þig inn til að skrifa athugasemd eða kjósa.
  • SVS
    Stefán Valdemar Snævarr skrifaði
    Sameinuðu þjóðirnar segja að samanlagt mannfall í Donbass 2014-2022 hafi verið 14000 manns, þar af 6500 rússneskir HERMENN og um 4000 ÚKRAINSKIR hermenn, rúm 3000 óbreyttir borgarar. Ég treysti SÞ betur en lygalaupnum Pútín og skósveinum hans en þeir segja að Úkrainir hafi drepið 14000 óbreytta borgara, SÞ telur það þvælu.

    https://ukraine.un.org/sites/default/files/2022-02/Conflict-related%20civilian%20casualties%20as%20of%2031%20December%202021%20%28rev%2027%20January%202022%29%20corr%20EN_0.pdf
    Bæta má við að BBC hafði eftir ráðamanni á rússneska hernámssvæðinu í Donbass að allt árið 2021 hafi segi og skrifað 7 óbreyttir borgarar fallið þar. Ég trúi þessu þar til annað sannara reynist, það er alla vega engin ástæða til að trúa rúSSneskum áróðri um þjóðarmorð í Donbass.

    Pútín lærði að ljúga í KGB, hann laug því ca 20 febrúar að herinn væri á leiðinni heim eftir heræfingar, en hann réðist inn í Úkraínu fáeinum dögum síðar.
    Hann laug því líka að Rússar hygðust senda friðargæskusveitir til Donbass. RúSSnesku faZistarnir (Pútín og có) lugu því fyrst að þeir hefðu ekki gert flugskeytaárás á Odesa, svo átu þeir það ofan í sig.

    Í ljósi þessa, og þess sem fyrr er sagt, er engin ástæða til að trúa því sem Pútín segir um mannfall í Donbass eða geipi hans um að Lenín hafi innlimað Donbass í Úkrainu. Bandarískur sagnfræðingur bendir á að landamæri á þessum slóðum hafi löngum verið óljós, í Donbass hafi rússneska verið töluð í borgum, úkraínska til sveita.
    https://theconversation.com/a-historian-corrects-misunderstandings-about-ukrainian-and-russian-history-177697

    Ég hef líka lesið að þegar iðnvæðing hófst á þessum slóðum upp úr 1930 þá hafi flust þangað fjöldi manns, flestir þeirra rússneskumælandi. Í ofan á lag þjarmaði Stalín mjög að úkraínsku máli og menningu, ýtti hvarvetna undir rassskatið á rússneskunni.

    Hitt get ég viðurkennt að Krúsjóff hefði ekki átt að gefa Úkraínu Krímskagann. RúSSarnir mega hirða hann. En Serhij Plokhny segir í bók sinni The Gates of Europe að þessi ráðstöfun Krúsjoffs hafi aðallega verið af hagkvæmnissökum, Krímskaginn hafi verið háður Úkraínu um rafmagn ofl
    0
  • Þorsteinn Thorsteinsson skrifaði
    Við eigum að kaupa það frá fjölmiðlum hér, að Rússar hafi farið inn í Úkraínu sérstaklega til þess eins að drepa rússnesku ættað fólk þarna Doneskt og Luhansk (Donbass). Við eigum einnig að kaupa það að þetta stríð hafi alls EKKI byrjað 2014, heldur þann 24. febrúar 2022, eða þar sem að EKKI má minnast á þessi fjöldamorð sem að stjórnvöld í Úkraínu hafa staðið fyrir frá 2014, svo og þar sem stjórnvöld í Úkraínu hafa drepið yfir 14.000 manns í Donbass frá 2014. Nú og síðan eigum við að styðja þessi sömu stjórnvöld í Úkraínu í áframhaldandi stríði gegn Donbass, ekki satt???

    Lenin karlinn útlimaði Donbass (Doneskt og Lunhansk) frá Rússlandi, svo og innlimaði hann Donbass ínn í Úkarínu árið 1922, einnig innlimaði Nikita Khrushchev úkraínumaðurinn Krímskaga inn í Úkraínu 1954, svo og svona einnig gegn vilja rússnesku ættaðra íbúa þarna á Krímskaga. En það er rétt það má alls ekki minnast á þetta í þessum áróðri, hvað þá þessa sameiningu Rússlands við Krímskaga eftir 60 ára aðskilað, þú???
    1
    • SVS
      Stefán Valdemar Snævarr skrifaði
      Sameinuðu þjóðirnar segja að samanlagt mannfall í Donbass 2014-2022 hafi verið 14000 manns, þar af 6500 rússneskir HERMENN og um 4000 ÚKRAINSKIR hermenn, rúm 3000 óbreyttir borgarar. Ég treysti SÞ betur en lygalaupnum Pútín og skósveinum hans en þeir segja að Úkrainir hafi drepið 14000 óbreytta borgara, SÞ telur það þvælu.

      https://ukraine.un.org/sites/default/files/2022-02/Conflict-related%20civilian%20casualties%20as%20of%2031%20December%202021%20%28rev%2027%20January%202022%29%20corr%20EN_0.pdf
      Bæta má við að BBC hafði eftir ráðamanni á rússneska hernámssvæðinu í Donbass að allt árið 2021 hafi segi og skrifað 7 óbreyttir borgarar fallið þar. Ég trúi þessu þar til annað sannara reynist, það er alla vega engin ástæða til að trúa rúSSneskum áróðri um þjóðarmorð í Donbass.

      Pútín lærði að ljúga í KGB, hann laug því ca 20 febrúar að herinn væri á leiðinni heim eftir heræfingar, en hann réðist inn í Úkraínu fáeinum dögum síðar.
      Hann laug því líka að Rússar hygðust senda friðargæskusveitir til Donbass. RúSSnesku faZistarnir (Pútín og có) lugu því fyrst að þeir hefðu ekki gert flugskeytaárás á Odesa, svo átu þeir það ofan í sig.

      Í ljósi þessa, og þess sem fyrr er sagt, er engin ástæða til að trúa því sem Pútín segir um mannfall í Donbass eða geipi hans um að Lenín hafi innlimað Donbass í Úkrainu. Bandarískur sagnfræðingur bendir á að landamæri á þessum slóðum hafi löngum verið óljós, í Donbass hafi rússneska verið töluð í borgum, úkraínska til sveita.
      https://theconversation.com/a-historian-corrects-misunderstandings-about-ukrainian-and-russian-history-177697

      Ég hef líka lesið að þegar iðnvæðing hófst á þessum slóðum upp úr 1930 þá hafi flust þangað fjöldi manns, flestir þeirra rússneskumælandi. Í ofan á lag þjarmaði Stalín mjög að úkraínsku máli og menningu, ýtti hvarvetna undir rassskatið á rússneskunni.

      Hitt get ég viðurkennt að Krúsjóff hefði ekki átt að gefa Úkraínu Krímskagann. RúSSarnir mega hirða hann. En Serhij Plokhny segir í bók sinni The Gates of Europe að þessi ráðstöfun Krúsjoffs hafi aðallega verið af hagkvæmnissökum, Krímskaginn hafi verið háður Úkraínu um rafmagn ofk.
      -1
  • SSS
    Sigurjón Smári Sverrisson skrifaði
    Stefán góður að vanda, frábærlega framsett blogg.
    -1
Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið á blogginu

Stefán Snævarr
1
Blogg

Stefán Snævarr

Björn Jón sem álits­gjafi

Ég hef mik­ið álit á álits­gjaf­an­um Birni Jóni Braga­syni. Hann er góð­ur penni, mál­efna­leg­ur og rök­fast­ur. Ekki síst er hann bend­ir á aga­leysi Ís­lend­inga, á virð­ing­ar­leysi fjölda  þeirra fyr­ir móð­ur­mál­inu og ágæti þess að kunna þýsku. Hon­um mæl­ist líka vel þeg­ar hann seg­ir að í Rus­hdie­mál­inu hafi alltof marg­ir álits­gjaf­ar þag­að af ótta við að telj­ast órétt­hugs­andi. Og þeg­ar...
Gunnar Hólmsteinn Ársælsson
2
Blogg

Gunnar Hólmsteinn Ársælsson

Eystra­salts­rík­in: Mál­stað­ur þeirra er okk­ar

Fyr­ir skömmu komu for­set­ar þjóð­anna við Eystra­salt­ið; Lett­lands, Lit­há­ens og Eist­lands hing­að til lands til að fagna því að 30 (31) ár voru lið­in frá því að þau öðl­uð­ust frelsi og losn­uðu und­an járn­hæl Sov­ét­ríkj­anna (1922-1991). Ís­land tók upp stjórn­mála­sam­band við rík­in þrjú þann 26.ág­úst ár­ið 1991. Þá var yf­ir­stað­in mis­heppn­uð vald­aránstilraun gegn þá­ver­andi leið­toga Sov­ét­ríkj­anna, Mikail Gor­bat­sjov, en hann lést 30.8 2022. Ís­land, með þá­ver­andi...
Gunnar Hólmsteinn Ársælsson
3
Blogg

Gunnar Hólmsteinn Ársælsson

Raf­magn­að­ar kosn­ing­ar í Sví­þjóð 11.sept­em­ber?

Raf­magns­kosn­ing­arn­ar? Kannski verð­ur það nafn­ið sem þing­kosn­ing­arn­ar ár­ið 2022 í Sví­þjóð verða kall­að­ar í sögu­bók­um fram­tíð­ar­inn­ar, sem fara fram næsta sunnu­dag, 11. sept­em­ber. Það er að sjálf­sögðu vegna stríðs­ins í Úkraínu og þeirra hrika­legu hækk­ana á orku­verði sem nú tröll­ríða Evr­ópu. Marg­ir Sví­ar eru komn­ir að sárs­auka­mörk­um varð­andi raf­orku­verð og það mik­ið rætt í kosn­inga­bar­átt­unni. En það er fleira sem...
Stefán Snævarr
4
Blogg

Stefán Snævarr

ÞRjÚ MEG­IN­VERK HUNDRAÐ ÁRA: Tractatus, Ulysses og The Waste Land

Á þessu ári eru hundrað ár lið­in síð­an þrjár af áhrifa­mestu bók­um síð­ustu ára­tuga komu út. Fyrsta skal fræga telja skáld­sögu James Joyc­se Ulysses, þá ljóða­bálk T.S.Eliots The Waste Land og að lok­um heim­spekiskruddu Ludwigs Witt­genstein, Tractatus Logico-Phi­losophicus. Tractatus eða lógíska ljóð­ið Síð­ast­nefnda rit­ið kom strangt tek­ið út ári fyrr, þá á þýska frum­mál­inu Log­isch-phi­losophische Abhandl­ung. En fræg­ust varð hún...

Nýtt á Stundinni

Gjaldskrárhækkun Strætó dugir ekki og tímabært að endurskoða rekstrarmódelið
Fréttir

Gjald­skrár­hækk­un Strætó dug­ir ekki og tíma­bært að end­ur­skoða rekstr­armód­el­ið

Hundruð millj­óna króna gat er í rekstri Strætó og hækk­un far­gjalda mun ekki fylla upp í það. Jó­hann­es Rún­ars­son, fram­kvæmda­stjóri Strætó, seg­ir við­ræð­ur við rík­ið um aukna að­komu standa fyr­ir dyr­um.
Varaþingkona Framsóknar spyr spurninga um laxeldi:  „Þetta er mín skoðun“
FréttirLaxeldi

Vara­þing­kona Fram­sókn­ar spyr spurn­inga um lax­eldi: „Þetta er mín skoð­un“

Brynja Dan Gunn­ars­dótt­ir, vara­þing­kona Fram­sókn­ar­flokks­ins, sett­ist tíma­bund­ið á þing nú í sept­em­ber og lagði þá fram fyr­ir­spurn til mat­væla­ráð­herra, Svandís­ar Svavars­dótt­ur, um lax­eldi. Hún seg­ir að Fram­sókn­ar­flokk­ur­inn hafi hing­að til kannski ekki ver­ið gagn­rýn­inn á lax­eldi en að það fal­lega við stjórn­mál sé að all­ir megi hafa sína skoð­un.
Verðbólgan minni en enn gætu vextir hækkað
Fréttir

Verð­bólg­an minni en enn gætu vext­ir hækk­að

Verð­bólga dregst sam­an ann­an mán­uð­inn í röð og mæl­ist nú 9,3 pró­sent. Vísi­tala neyslu­verðs hækk­ar um 0,09 pró­sent, sem er minnsta hækk­un á milli mán­aða í meira en eitt og hálft ár. Seðla­bank­inn gef­ur hins veg­ar til kynna að frek­ari vaxta­hækk­an­ir gætu enn ver­ið á döf­inni.
„Ég held bara áfram að vera föst í verðtryggðum lánum“
FréttirHúsnæðismál

„Ég held bara áfram að vera föst í verð­tryggð­um lán­um“

Kona á fimmtu­dags­aldri lýs­ir því hvernig hún seg­ist vera nauð­beygð til að taka verð­tryggt hús­næð­is­lán þrátt fyr­ir að hún vilji það ekki. Kon­an stend­ur í skiln­aði og þarf að kaupa sér íbúð. Kon­an er einn af við­mæl­end­um Stund­ar­inn­ar í um­fjöll­un um hús­næð­is­mark­að­inn og stöðu lán­þega eft­ir átta stýri­vaxta­hækk­an­ir á rúmu ári.
Viljum við vera Herúlar?
Flækjusagan#51

Vilj­um við vera Herúl­ar?

Ill­ugi Jök­uls­son held­ur áfram að rekja sögu Herúla og þeirr­ar kenn­ing­ar að þessi dul­ar­fulla þjóð hafi end­að hér uppi á Ís­landi.
Sagan af slæmum hliðum laxeldis og hvernig hægt er að bæta það
MenningLaxeldi

Sag­an af slæm­um hlið­um lax­eld­is og hvernig hægt er að bæta það

Tveir banda­rísk­ir blaða­menn, Douglas Frantz og Cat­her­ine Coll­ins, hafa gef­ið út bók um sjókvía­eldi á laxi. Bók­in fjall­ar fyrst og fremst um lax­eldi í Banda­ríkj­un­um og Kan­ada en svo er einnig rætt um eld­ið í Evr­ópu, með­al ann­ars í Nor­egi og á Ís­landi. Kjarni bók­ar­inn­ar snýst um að draga upp stóru mynd­ina af lax­eldi í heim­in­um, bæði kost­um þess og göll­um.
Terra ætlar að axla ábyrgð fjórum árum eftir brot
FréttirPlastið fundið

Terra ætl­ar að axla ábyrgð fjór­um ár­um eft­ir brot

Plast­meng­að­ur úr­gang­ur, sem end­ur­vinnslu­fyr­ir­tæk­ið Terra los­aði á nátt­úru­m­inja­svæði, verð­ur hreins­að­ur. Sveit­ar­fé­lag­ið Blá­skóga­byggð benti fyr­ir­tæk­inu á brot­ið ár­ið 2018. Terra brást ekki við fyrr en fjór­um ár­um síð­ar.
Fann frelsi og hamingju við að ganga á fjöll
ViðtalHamingjan

Fann frelsi og ham­ingju við að ganga á fjöll

Hanna Gréta Páls­dótt­ir hef­ur nokkr­um sinn­um stað­ið á kross­göt­um í líf­inu og ekki ver­ið á þeim stað sem hún hefði vilj­að vera á. Hún breytti um lífs­stíl fyr­ir um ára­tug og fór að ganga á fjöll. Þá fór hún að upp­lifa ham­ingj­una en það er jú sagt að göng­ur séu góð­ar fyr­ir lík­ama og sál. „Eft­ir 17 tíma göngu var ég ósigrandi, full af sjálfs­trausti og ham­ingju­söm,“ seg­ir hún um eina göng­una.
Sjómaður í leit að föður sínum
Viðtal

Sjómað­ur í leit að föð­ur sín­um

Mika­el Tam­ar Elías­son er 36 ára þriggja barna fað­ir, vél­stjóri og skáld í leit að blóð­föð­ur sín­um. Hann ólst upp hjá ömmu sinni fyr­ir vest­an, missti ætt­ingja sína í bruna 15 ára gam­all og týndi sjálf­um sér í vímu­efna­neyslu um tíma. Sjór­inn lokk­ar og lað­ar en hann lenti í hættu þeg­ar brot skall á bát­inn.
Hafnaði peningum og fylgdi áhuganum
Fólkið í borginni

Hafn­aði pen­ing­um og fylgdi áhug­an­um

Ei­rík­ur Hilm­ar Ei­ríks­son þurfti að velja á milli pen­ing­anna og áhug­ans á sagn­fræði. Sagn­fræð­in sigr­aði að lok­um.
Þarf að tala um vændi sem ofbeldið sem það er
Viðtal

Þarf að tala um vændi sem of­beld­ið sem það er

Þeg­ar kona sem var sam­ferða henni í gegn­um hóp­astarf Stíga­móta fyr­ir­fór sér ákvað Eva Dís Þórð­ar­dótt­ir að stíga fram og segja frá reynslu sinni af vændi. Bæði til að veita þo­lend­um von um að það væri leið út úr svart­nætt­inu en líka til að vekja sam­fé­lag­ið til vit­und­ar, reyna að fá fólk til að taka af­stöðu og knýja fram að­gerð­ir. Af því að lifa ekki all­ir af. Og hún þekk­ir sárs­auk­ann sem fylg­ir því að missa ást­vin í sjálfs­vígi.
Vill allt að tveggja ára fangelsi við því að vera drukkinn á rafhlaupahjóli
Fréttir

Vill allt að tveggja ára fang­elsi við því að vera drukk­inn á raf­hlaupa­hjóli

Sig­urð­ur Ingi Jó­hanns­son inn­viða­ráð­herra vill að börn­um und­ir þrett­án ára verði bann­að að nota raf­hlaupa­hjól og að allt að tveggja ára fang­elsi liggi við því að aka slíku far­ar­tæki und­ir áhrif­um áfeng­is. Í sama frum­varpi eru reiðstíg­ar skil­greind­ir fyr­ir bæði knapa og gang­andi.