Pistill

Fatímusjóður styrkir fórnarlömb gleymda stríðsins

Illugi Jökulsson hvetur fólk til að styrkja söfnun Fatímusjóðsins til heilla jemenskum börnum.

Börnin í Jemen. Myndina tók Khaled Abdullah fyrir Reuters.

Gleymda stríðið í Jemen er einhver hryggilegasti atburður samtímans. Valdabaráttan á þessu horni Arabíuskaga skiptir okkur hér á Vesturlöndum litlu máli og þess vegna vekur stríðið þarna ekki athygli hér um slóðir.

Og á meðan þjást börnin í þessu hrjáða landi.

Þau eru svipt æsku sinni, sakleysi, öryggi, ættingjum, heilsu andlegri sem líkamlegri og oft lífinu sjálfu.

Það var eitt af síðustu verkum móður minnar sálugu að virkja Fatímusjóðinn, sem hún stofnaði, í þágu jemenskra barna.

Nú er Fatímusjóðurinn farinn á kreik aftur.

Söfnun er hafin í þágu barnanna í Jemen og verður söfnunarfénu útdeilt af barnahjálp Sameinuðu þjóðanna, UNICEF, sem Fatímusjóðurinn er í samstarfi við.

Hver einasta króna fer í beint hjálparstarf við jemensku börnin, umsýslukostnaður er enginn.

Til að styrkja söfnunina má til dæmis senda SMS í númerið 1900, merkt JEMEN, og þá leggjast 1.900 krónur inn á söfnunarreikninginn.

Einnig má leggja beint inn á reikning Fatímusjóðsins: 0512-04-250461, kt. 680808-0580.

Síðast en ekki síst ætlar Hrafn bróðir minn að tefla fjöltefli til styrktar sjóðnum þann 11. maí næstkomandi. Allar upplýsingar þar að lútandi er að finna á Facebook-síðunni hans, sem er öllum opin.

Þann 11. maí geta allir komið í pakkhús Hróksins við höfnina og teflt og lagt fram eitthvað í söfnunina.

Einnig hafa mörg fyrirtæki farið þá leið að leggja fram ákveðna upphæð með hverri skák.

Það er allt hægt.

Nema láta stríðið í Jemen afskiptalaust.

Það er ekki hægt lengur.

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Neyðarkall til stjórnvalda

Fréttir

Skoða ábendingu um „gerviverktaka“ í Hörpu

Fréttir

Segir Arnfríði ekki með réttu geta talist handhafi dómsvalds

Fréttir

Ekki upplýst um nýlegri dæmi þess að börn séu þvinguð til að hitta barnaníðinga

Fréttir

FM Belfast hafa enn ekki fengið greitt fyrir Airwaves

Pistill

Hvað vonuðum við?

Mest lesið í vikunni

Pistill

Það eru engin átök á Gaza og atburðirnir eru ekki sorglegir

Fréttir

Nýr stjórnarformaður Íbúðalánasjóðs á leigufélag sem er virkt á húsnæðismarkaði

Pistill

Hvalárvirkjun og efnahagslögmálin

Fréttir

Eyþór efndi ekki loforðið í Árborg því það stóðst ekki lög en endurtekur nú leikinn í Reykjavík

Pistill

Neyðarkall til stjórnvalda

Fréttir

Stjórnarformaður Íbúðalánasjóðs á annað leigufélag sem græddi 12 milljónir í fyrra