Einhugur er á meðal ljósmæðra um að standa fast á kröfum sínum andspænis samninganefnd ríkisins. Þetta segir formaður samninganefndar ljósmæðra, Katrín Sif Sigurgeirsdóttir. Samninganefndirnar funda á mánudag með ríkissáttasemjara. Ljósmæður finna mikinn stuðning úr samfélaginu sem eykst dag frá degi. Hátt í átján þúsund manns eru nú í hópnum mæður og feður styðja ljósmæður á Facebook. Þangað hefur rignt inn reynslusögum og stuðningsyfirlýsingum undanfarna daga. Rauði þráðurinn gegnum sögurnar er hversu mikilvæg þekking ljósmæðra, reynsla og innsæi, reynist í meðgöngu, fæðingu og sængurlegu. Boðað hefur verið til samstöðufundar við fæðingarstaði klukkan tvö á laugardag, þar sem þungaðar konur ætla að taka höndum saman og mynda keðju. Þá hafa vel á þriðja þúsund skrifað undir stuðningsyfirlýsingu mæðra og feðra sem styðja kjarabaráttu ljósmæðra og verður hún afhent á næsta fundi samninganefndar ríkisins og ljósmæðra, ef ekki semst fyrir þann tíma.
Sögurnar rista djúpt
Sögurnar hafa að Katrínar mati haft talsverð áhrif …
Athugasemdir