Bjarni Benediktsson utanríkisráðherra segir það augljóst að ekki hafi verið hægt að fylgja hæfisreglum stjórnsýsluréttarins gagnvart hverjum og einum kaupanda við söluna á hlut ríkisins í Íslandsbanka í mars 2022. Þetta hafi verið vegna þess að sölumeðferðin byði ekki upp á það sökum þess hraða sem þurfti að vera á henni. Bankasýsla ríkisins hafi enn fremur verið sú sem lagði til þessa sölumeðferð, ekki Bjarni, þótt hann hafi samþykkt hana. 

Þetta kom fram á opnum fundi stjórnskipunar- og efirlitsnefndar í morgun. Tilgangurinn var að óska eftir nánari skýringum frá fyrrverandi fjármálaráðherra á ráðgjöf sem hann fékk við sölu á Íslandsbanka. Þórhildur Sunna Ævarsdóttir, þingflokksformaður Pírata, var sú sem óskaði eftir fundinum.

Í svörum sínum á fundinum sagði Bjarni að þingið hefði aldrei gert athugasemdir við það að þessi tiltekna sölumeðferð væri notuð. Hann hafi þar af leiðandi gert ráð fyrir því að hann hefði blessun þingsins fyrir framkvæmdinni. „Ég held …