Miðvikudaginn 17. janúar birti dómsmálaráðuneytið, stýrt af Guðrúnu Hafsteinsdóttur, tilkynningu á vef stjórnarráðsins með yfirskriftinni „Staðreyndir um verndarumsóknir og fjölskyldusameiningar“. Tilgangur hennar var að varpa ljósi á að fleiri Palestínumenn sæki um hæli á Íslandi en í hinum Norðurlöndunum, að flestir þeirra hafi þegar hlotið vernd í öðrum Evrópulöndum og að Íslandi beri ekki skylda, samkvæmt túlkun ráðuneytisins, til að aðstoða þá Palestínumenn sem hafa hlotið dvalarleyfi hérlendis á grundvelli fjölskyldusameiningar að komast hingað.
Tilefni tilkynningarinnar var að bregðast við umfjöllun og umræðu um mótmælagjörning sem staðið hafði frá 27. desember. Þá fengu nokkrir Palestínumenn og stuðningsfólk þeirra leyfi til þess að reisa litlar tjaldbúðir fyrir framan Alþingishúsið. Með mótmælunum vildu Palestínumennirnir sem dvelja í tjöldunum kalla eftir að fjölskyldumeðlimum þeirra, sem þegar hafa fengið samþykkt dvalarleyfi á Íslandi á grundvelli fjölskyldusameiningar, yrði komið af Gasasvæðinu hið snarasta. Rúmlega 150 Palestínumenn fengu samþykkt dvalarleyfi á grundvelli fjölskyldusameiningar á síðasta ári …
Athugasemdir (3)