Þessi grein birtist upphaflega í Stundinni fyrir meira en 3 árum.

Unglingur endaði í fanganýlendu eftir mótmæli

Hann spil­aði Minecraft og var hand­tek­inn vegna meintra tengsla við mót­mæli gegn síð­asta ein­valdi Evr­ópu, Al­ex­and­er Lúka­sj­en­kó.

Unglingur endaði í fanganýlendu eftir mótmæli
Mikita Zalatarou Var sextán ára dæmdur í fimm ára fangelsi vegna ásakana um að hafa hent bensínsprengju.

Mikita Zalatarou var eins og hver annar unglingur, spilaði Minecraft og hlustaði á tónlist, áður en yfirvöld í heimalandi hans, Hvíta-Rússlandi, handtóku hann, pyntuðu og dæmdu til fimm ára fangelsisvistar í fanganýlendu.

Aðdragandi þess var að sumarið 2020 beið Mikita eftir vini sínum á aðaltorgi borgarinnar Homel í suðausturhluta landsins. Nærri honum hafði fólk safnast saman til að mótmæla niðurstöðum forsetakosninganna, þar sem Alexander Lúkasjenkó vann kosningasigur, sem að mati alþjóðlegra eftirlitsaðila var unninn með kosningasvikum.

Í október síðastliðnum var fjallað um að móðir Mikta hefði ekki fengið að heimsækja son sinn í Babruysk-fanganýlendunni. Mikita var dæmdur til enn lengri fangelsisvistar vegna ásakana um að hann hefði beitt fangavörð ofbeldi og hótað öðrum og fjölskyldu hans. Mikita játaði að hafa veitt viðnám og að hafa misst stjórn á tilfinningum sínum, án þess að ætla sér að framfylgja orðum sínum.

Samkvæmt umfjöllun Amnesty International á Íslandi eru til staðar sönnunargögn sem sýna að Mikita kastaði ekki bensínsprengju, heldur hafi hann hlaupið í burtu frá lögreglu þegar áhlaup var gert á torginu.

Amnesty lýsir handtökunni: „Næsta dag birtust lögreglumenn í dyragættinni heima hjá Mikita. Þeir handtóku hann og börðu og ásökuðu hann um að hafa kastað bensínsprengju í áttina að tveimur lögreglumönnum kvöldið áður. Á meðan hann var í gæsluvarðhaldi héldu lögreglumenn honum niðri og börðu með rafkylfu. Mikita var yfirheyrður án þess að lögmaður væri viðstaddur eða annar fullorðinn einstaklingur og sat á bak við lás og slá í sex mánuði áður en hann kom fyrir rétt.“

Amnesty safnar nú undirskriftum til stuðnings frelsunar Mikita.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Helmingi dýrari matarkarfa eina ráðið við sjúkdómnum
1
Skýring

Helm­ingi dýr­ari mat­arkarfa eina ráð­ið við sjúk­dómn­um

„Við höf­um oft íhug­að mjög al­var­lega að flytja bara út af þessu,“ seg­ir Anna Gunn­dís Guð­munds­dótt­ir um þær hindr­an­ir sem fólk með selí­ak mæt­ir hér á landi. Dótt­ir henn­ar, Mía, er með sjúk­dóm­inn sem er ein­ung­is hægt að með­höndla með glút­en­lausu fæði. Mat­arkarfa fjöl­skyld­unn­ar hækk­aði veru­lega í verði eft­ir að Mía greind­ist. Þá er það þraut­in þyngri fyr­ir fólk með selí­ak að kom­ast út að borða, panta mat og mæta í mann­fögn­uði.

Mest lesið

Mest lesið í vikunni

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár