Þessi grein birtist upphaflega í Stundinni fyrir meira en 4 árum.

Forstjóri Icelandair segir flugfreyjur hafna „lokatilboði Icelandair“: „Skoða alla kosti í stöðunni“

Sam­inga­nefnd flug­freyja hef­ur efa­semd­ir um að rétt sé að Icelanda­ir hafi ekki átt í sam­ræð­um við önn­ur stétt­ar­fé­lög um störf flug­freyja. ASÍ seg­ir Icelanda­ir að hafa í huga að sam­band­ið geti veitt flug­freyj­um stuðn­ing með sam­úð­ar­verk­föll­um.

Forstjóri Icelandair segir flugfreyjur hafna „lokatilboði Icelandair“: „Skoða alla kosti í stöðunni“
Segir lokatilboði hafa verið hafnað Bogi segir að allra leiða verði leitað til koma Icelandair í höfn.

Bogi Nils Bogason, forstjóri Icelandair, segir Flugfreyjufélag Íslands hafa hafnað lokatilboði flugfélagsins og nú verði allir kostir í stöðunni kannaðir áður en næstu skref verði ákveðin. Þetta kemur fram í bréfi Boga til starfsfólks Icelandair sem var sent skömmu eftir að samningafundi fyrirtækisins við flugfreyjur lauk. Samkvæmt heimildum Stundarinnar leggur samninganefnd flugfreyja ekki trú á að yfirlýsing Boga frá því fyrr í morgun, um að fyrirtækið hafi ekki átt í viðræðum við önnur stéttarfélög um gerð kjarasamnings um störf flugfreyja og flugþjóna, eigi við rök að styðjast.

Í bréfi sem Bogi sendi starfsmönnum segir enn fremur að Icelandair hafi í fyrradag lagt fram tilboð sem í raun hafi verið lokatilboð. Það hafi verið ítrekað á samningafundi í morgun, með eftirgjöf í ákveðnum málum, svo sem hækkun á öll grunnlaun auk annars. Saminganefnd Flugfreyjufélagsins hafi hins vegar hafnað tilboðinu og einnig beiðni Icelandair um að það yrði borið undir atkvæða félagsmanna.

Kröfur flugfreyja séu með þeim hætti, segir í bréfi Boga, að ef fallist yrði á þær myndi vera vikið langt frá þeim markmiðum sem náðst hefði sátt um í samningum við flugmenn og flugvirkja. „Við erum nú að skoða alla kosti í stöðunni,“ segir í bréfi Boga.

Í morgun var greint frá því í Morgunblaðinu og Fréttablaðinu að verið væri að kanna mögleika þess að stofna nýtt stéttarfélag flugfreyja sem samið yrði við og að látið yrði reyna á forgangsréttarákvæði kjarasamnings FFÍ fyrir félagsdómi.

Alþýðusamband Íslands sendi í dag frá sér tilkynningu þar sem áréttað var að stéttarfélög væru félög launafólks sem nytu verndar í stjórnarskrá og atvinnurekendum væri óheimilt að skipta sér af. „Icelandair getur ekki sjálft stofnað til eða haft frumkvæði að stofnun stéttarfélaga. Við slíkt atferli verður ekki unað í íslensku samfélagi og Icelandair hollt að hafa í huga að aðildarfélög ASÍ hafa heimildir til þess að veita FFÍ stuðning í yfirstandandi kjaradeilu með boðun samúðarvinnustöðvana og fulla heimild til þess að verja réttarstöðu sína gegn ólögmætum árásum.“

Bogi sendi Flugfreyjufélagi Íslands bréf í morgun þar sem lýst var yfir að Icelandair hefði ekki átt í viðræðum við önnur stéttarfélög um samninga við flugfreyjur og flugþjóna. Samkvæmt heimildum Stundarinnar mun ekki vera lagður mikill trúnaður á þá yfirlýsingu hjá samninganefnd flugfreyja eftir atburði dagsins.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Einn og hálfur tími á bráðamóttöku: Sjálfsskaði, hjartastopp og hnífstunga
3
Á vettvangi

Einn og hálf­ur tími á bráða­mót­töku: Sjálfsskaði, hjarta­stopp og hnífstunga

Eitt orð má aldrei nota á bráða­mót­töku Land­spít­al­ans og það er orð­ið ró­legt. Nán­ast um leið og Jón Ragn­ar Jóns­son bráða­lækn­ir hef­ur orð á að það sé óvenju ró­legt á næt­ur­vakt eina helg­ina dynja áföll­in á. Hann hef­ur rétt kom­ið manni til lífs þeg­ar neyð­ar­bjall­an hring­ir á ný. Síð­an end­ur­tek­ur sama sag­an sig.

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár