Mannleg samskipti og hugmyndin um að í grunninn séum við manneskjurnar allar eins eru rauði þráðurinn í gegnum þau tvö stóru en ólíku verk sem María Thelma Smáradóttir fer með aðalhlutverk í og voru frumsýnd í byrjun mánaðarins. Í kvikmyndinni Arctic leikur María Thelma á móti danska stórleikaranum Mads Mikkelsen en leikstjóri myndarinnar er Joe Penna. Saman bera þau María Thelma og Mads myndina uppi og hafa bæði hlotið lof fyrir. Þau eru einu leikarar myndarinnar og annað þeirra eða bæði eru á skjánum í gegnum hana alla. Í Kassanum stendur María Thelma svo ein og ber uppi einleikinn Velkomin heim, sem byggir á sögu formæðra hennar.
Það mætti ímynda sér að bæði þessi verk hafi sett mikla pressu á unga leikkonu en María Thelma útskrifaðist af leikaradeild LHÍ árið 2016. „Þessi tvö verkefni voru bæði mjög brött og allt öðruvísi en það sem ég bjóst við að tæki við …
Athugasemdir