Mynd dagsins

Páll Stefánsson

Sjálfskipuð sóttkví

Þessar furðuverur á ströndinni við Bala, neðan við Hrafnistu, vekja kátínu og undrun. En útvegsbóndinn eða listamaðurinn Jón Guðmundsson sem á fiskihjallann á Bala hefur verið að hreinsa fjöruna og skapað þessar fígúrur, sem flestallar virða sóttvarnareglur Þórólfs og halda góðri tveggja metra fjarlægð.

Mynd dagsins

Páll Stefánsson

Þrír eldar, fjórir eldhugar

Það var fátt upp við gosstöðvarnar í gærkvöldi, enda var veður og vindátt orðin óhagstæð. Klukkan 19:33, hálftíma eftir að ég var kominn upp að eldstöðinni barst sms frá 112 um að yfirgefa svæðið vegna gasmengunar. Skömmu síðar birtust sérsveitar- og björgunarsveitarmenn líkt og gagnamenn að smala fé af fjalli. En þvílík breyting á landinu á innan við viku. Tveir nýir gígar hafa bæst við og hraunið fyllir nú nánast Geldingardalinn. Hraunfossinn niður í Merardal sá ég ekki... bara næst.

Mynd dagsins

174

Páll Stefánsson

Blákaldur veruleiki Spessa

Ísfirðingurinn, móturhjólakappinn, kokkurinn, lífskúnstnerinn en fyrst og fremst samtímaljósmyndarinn Sigurþór Hallbjörnsson, betur þekktur sem Spessi, var að opna á Þjóðminjasafni Íslands ljósmyndasýninguna SPESSI 1990-2020. Hans einstaki stíll markar þessa yfirlitssýningu hans, þar sem ekkert er dregið undan hvort sem það er; einmanna bensíndæla austur í Suðursveit, kátir hommar í góðum fíling, verkfæri búsáhaldarbyltingarinnar, eða fyrrverandi Covid sjúklingar í seríunni C-19, sem er fyrir aftan Spessa á myndinni. Bók sem ber sama heiti og sýningin kom út samhliða sýningunni.

Mynd dagsins

2564

Páll Stefánsson

Sótt að sóttvörnum

Rúmeninn sem lagði sóttvarnaraðgerðir ríkisstjórnarinnar, með hjálp Ómars R. Valdimarssonar, var koma frá landi þar sem önnur bylgjan grasserar. Daginn sem hann kom til landsins greindust 6.115 ný smit í Rúmeníu og 156 andlát urðu vegna Covid-19. Í gær voru 160 einstaklingar á sóttvarnarhótelinu þegar dómur var kveðinn upp, en aðeins tæplega tuttugu yfirgáfu hótelið eftir úrskurðinn. Málskostnaður greiðist úr ríkissjóði og fær lögmaðurinn Ómar R. Valdimarsson 930.000 frá okkur skattborgurunum fyrir fjögurra daga vinnu að koma skjólstæðingnum til síns heima. Auðvitað er þetta ekki í lagi.

Mynd dagsins

Páll Stefánsson

Gleðilega páska

Mynd dagsins

Páll Stefánsson

Einhyrningurinn og vinur hans

Mynd dagsins

Páll Stefánsson

Ískalt, eða þannig

Jökulsárlónið við rætur Breiðamerkurjökuls, fór ekki að myndast fyrr en fyrir 90 árum. Á síðustu árum hefur jökullinn hopað hraðar, og lónið stækkað, svo nú er það orðið heilir 26km², sjötta stærsta stöðuvatn landsins. Mesta dýptin er 284 metrar, sem þessi ferðalangur kannaði að vísu ekki í blíðviðrinu í dag.

Mynd dagsins

Páll Stefánsson

Öxar við ána

Það voru fáir á ferð á Þingvöllum í morgun. Líklega er allt útivistarfólk suður á Suðurnesjum að berja gosið augum. Nú á vormánuðum er verið að kynna nýtt skipulag fyrir þjóðgarðssvæðið á Þingvöllum, þar sem horft er til framtíðar. Meðal annars á að reisa 1.000 fermetra veislu- og þjónustuhús sunnan við Hakið, lengja gönguleiðir og bæta við nýju bílastæði ofan við Öxarárfoss (mynd) til að minnka bílaumferð á svæðinu neðan við Almannagjá.

Mynd dagsins

Páll Stefánsson

GOS... i

Þegar ég hitti Gosa (Harald Ara Stefánsson, mynd) upp í Borgarleikhúsi áðan, var hann ekki enn búinn að fara upp að gosstöðvunum, en var á leiðinni fljótlega - enda leikhúsin lokuð fram til 17. apríl á þessu ári. Sýningin um Gosa, eða Pinocchio eins og hann heitir á frummálinu, hlaut Grímuverðlaunin í fyrra sem barnasýning ársins. Ævintýrið skrifaði Carlo Collodi á toskönsku á árunum 1881 til 1883, en þá gaus einmitt í Heljargjárrein og mynduðust þá Tröllagígar og Tröllahraun norðan Tungnárjökuls.

Mynd dagsins

Páll Stefánsson

Ljósanótt á Reykjanesi

Höfuðljósin lýsa upp leiðina niður í Nátthagakrika, seint í gærkvöldi. Ótrúlegur fjöldi var samankomin við gosstöðvarnar í gær, miðvikudag. Björgunarsveitarmaður á staðnum sagði mér, undir rós, að þeir hefðu áætlað að um 5.000 manns hefðu verið á svæðinu þegar mest var. Veðurspáin fyrir gossvæðið í Geldingardölum nú um helgina er ekki góð, stíf norðanátt og fimbulkuldi. Ekki örvænta, það mun gjósa þarna lengi, jafnvel áratugi.

Mynd dagsins

Páll Stefánsson

Landið logar

Við fyrstu sýn úr lofti er gosið svo agnarsmátt í landinu. Umbrotin eru svo stutt frá höfuðborgarsvæðinu að það tekur einungis 15 mínútur að komast á lítilli rellu að Fagradalsfjalli úr Skerjafirði. Myndin breytist þegar maður horfir niður á fólkið, sem virkar svo agnarsmátt samanborið við eldspúandi strýtuna, nýtt hraunið. Þá spyr maður sig; opnast ný sprunga? Hve lengi mun gjósa? Hvert mun allt hraunið renna þegar dalverpið fyllist? Af hverju er nýja hraunið svona gamalt, boðar það gott eða slæmt?

Mynd dagsins

Páll Stefánsson

Kúbein á Tý

Það kom í ljós að það kostar yfir 100 milljónir að laga Tý, hálfrar aldar gamalt skip Landhelgisgæslunnar, þegar hann var dreginn vélarbilaður upp í Slippinn í Reykjavík. Skemmdir á skipinu voru svo miklar að þær ógnuðu bæði öryggi þess og áhafnar; meðal annars voru tveir tankar skipsins ónýtir vegna tæringar. Á myndinni er einmitt verið að loka fyrir annan tankinn svo hægt sé að sjósetja skipið á nýjan leik. Dómsmálaráðherra tilkynnti nú fyrr í mánuðinum að nýtt skip yrði keypt og lagði til að það fengi nafnið Freyja - sem yrði þá fyrsta ásynjan í flota Gæslunnar.