Hann hefur verið klappaður upp. Hann hefur verið púaður niður. Þorleifur Örn Arnarsson leikstjóri, sem fyrir nokkrum árum var valinn leikstjóri ársins í Þýskalandi, ræðst ekki á garðinn þar sem hann er lægstur. Hann hefur tekist á við mörg af stærstu verkum leikbókmenntanna og um síðustu jól frumsýndi Þjóðleikhúsið uppsetningu hans byggða á Eddukvæðum, Edduna. Leiðin á toppinn var þó ekki vörðuð leiðandi ljósum en unglingsárin, sem einkenndust af stjórnlausri neyslu áfengis og vímuefna, kröfðust djúpstæðrar og óhjákvæmilegrar sjálfskoðunar. Tvítugur lagði hann flöskuna á hilluna. Um leið og hann lokaði á flóttaleiðir neyslunnar opnuðust dyr inn í heim leiklistarinnar þar sem Þorleifur Örn fann sinn samastað.

Mikil umbrot hafa verið í lífi Þorleifs Arnar undanfarin ár en hjónaskilnaður og ADHD-greining leiddu til þess að hann þurfti að takast á við lífið á nýjum forsendum. Þá kom listin sterk til leiks, þar sem hans persónulega endurreisn varð samstíga uppsetningu hans á …