Ríkisstjórn Íslands samþykkti í samstarfi við Flóttamannastofnun Sameinuðu þjóðanna að taka á móti 85 kvótaflóttamönnum árið 2020 og 100 kvótaflóttamönnum árið 2021. Enginn af þeim 185 kvótaflóttamönnum sem Ísland samþykkti að taka við eru komnir til landsins. Þetta staðfestir Grétar Sveinn Theodórsson, upplýsingafulltrúi félagsmálaráðuneytisins.
Samkvæmt upplýsingum frá ráðuneytinu hafa tafir orðið á móttöku þeirra sem ríkisstjórnin samþykkti að taka á móti bæði árin vegna Covid-19 faraldursins. Að sögn Grétars er fyrsti hópur þeirra sem átti að taka á móti árið 2020, níu fjölskyldur frá Sýrlandi sem dvelja sem flóttafólk í Líbanon og Íran, væntanlegar til landsins í byrjun september. Alls eru það 47 einstaklingar sem eiga að koma þá og búið er að panta flug fyrir þá.
Samkvæmt tölfræði frá Flóttamannastofnun Sameinuðu þjóðanna voru 752.217 flóttamenn staðsettir á Norðurlöndunum og Eystrasaltslöndunum árið 2019. Á Íslandi voru 16 flóttamenn á hverja 10 þúsund íbúa árið 2019 samanborið við 248 í Svíþjóð, …
Athugasemdir