Hann var nýsofnaður eitt kvöld í byrjun mars en hrökk upp, um korteri eftir að hann hafði dottið út af, og teygði sig eftir símanum sínum, svona eins og fólk gerir flest. Mazen Maarouf hrökk í kút yfir því sem blasti við á skjánum. Hann hafði verið merktur í færslu, þar sem fram kom að hann hefði verið tilnefndur til Man Booker-verðlaunanna fyrir bókina Brandarar  handa byssumönnum. Mazen svaf ekki mikið meira þá nóttina. „Ég panikkaði satt að segja. Ég var glaður, auðvitað, en sterkasta tilfinningin sem ég fann fyrir var samt panikk. Þetta var undarlegt, að vera svona fastur á milli þessara tilfinninga,“ segir Mazen og bætir því við að hann hafi hreint ekki átt von á því að hljóta tilnefningu, enda væru smásagnasöfn sjaldan tilnefnd til þessara eftirsóttu verðlauna.

Þrettán verk eru tilnefnd til verðlaunanna, sem verður svo fækkað í sex þann 9. apríl. Hvert verkanna sex hlýtur …