Hellisbúinn
Ellert Grétarsson er áhugamaður um náttúruvernd, útivist í íslenskri náttúru, hellamennsku og jarðfræði, ljósmyndun, kvikmyndagerð, rafeindafræði og dróna. Og tekst oft að tengja þetta flest með einhverjum hætti.

Náttúruperlan Stóra-Sandvík

Stóra-Sandvík á Reykjanesi er vinsæll áfangastaður. Þangað fara margir til að njóta náttúrunnar og ferska sjávarloftsins, aðrir hafa líklega heyrt um hana getið en árið 2007 var Sandvíkin vettvangur umfangsmikillar kvikmyndagerðar þegar Clint Eastwood mætti þar með fjölmennt lið og mikinn búnað til að filma stórmyndina Flags of our Fathers.Flestir sem koma í Stóru-Sandvík eru sammála um að þarna sé...

Lygin um Helguvík

Ballið byrjar Glæný kísilmálmverksmiðja United Silicon í Helguvík hafði ekki verið starfrækt nema í örfáa daga þegar mengunarballið byrjaði. Yfir Reykjanesbæ lagði megna, súra brunalykt. Sumir bæjarbúar tala um sviða í augum og óþægindi í öndunarfærum. Fann þetta sjálfur í gærkvöldi þegar ég ætlaði að leggjast í heitan pottinn á pallinum. Samt bý ég í 2,9km fjarlægð í beinni loftlínu...

Eldvörp - Í skugga flónskunnar

Enn á ný hafa Eldvörp á Reykjanesi verið flokkuð í orkunýtingaflokk í 3ja áfanga rammaáætlunar þrátt fyrir fyrirliggjandi álit Skipulagsstofnunar um „nokkuð umfangsmikið, óafturkræft rask á vel grónum, óröskuðum svæðum, m.a. mosagrónum nútímahraunum sem hafa ákveðna sérstöðu vegna fágætis á heimsvísu“, eins og það er orðað í umsögn stofnunarinnar við umhverfismati vegna fyrirhugaðra rannsóknarborana HS Orku á svæðinu. Skipulagsstofnun tekur...

Eigum við næst að eyðileggja Þingvallavatn?

Náttúruperlan Mývatn er stórskemmd. Athafnir mannsins við vatnið hafa stórskaðað lífríki þess. Þá fyrst ætlar fólk að hlaupa upp til handa og fóta til að bjarga því sem bjargað verður – þegar skaðinn er skeður og kúluskíturinn horfinn. Af hverju á að bregðast við fyrst núna? Var ekki vitað fyrir löngu í hvað stefndi? Jú, reyndar. En eins og fyrri...

Slæm byrjun á deginum

Áróðursrit Íslenska jarðvarmaklasans fylgdi Fréttablaðinu í morgun. Þar voru myndir af brosandi fólki að tala um sjálfbærni. Þar var hins vegar ekkert minnst á þrýstingsfallið í Hellisheiðarvirkjun sem skapast hefur vegna of ágengrar orkuvinnslu. Ekkert var heldur minnst á margumrædd vandamál vegna útblásturs fá virkjuninni - mengun sem alltof oft er langt yfir viðmiðunarmörkum. Ekki gat ég heldur séð að...

Reykjanesfólkvangur í ruslflokki

Myndirnar hér að neðan eru teknar á fögru sumarkvöldi við Austurengjahver í Krýsuvík. Umhverfi hversins er afar litríkt og fallegt þar sem rauðbrennt grjót kallast á við bláan hveraleir. Myndin að ofan er einnig frá Austurengjahver, sem er nýjasta viðbótin í orkunýtingarflokki rammaáætlunar samkvæmt tillögum að 3ja áfanga. Þar með hafa þrjú svæði af fjórum innan Reykjanesfólkvangs verið sett í...

Tortímingarplanið

Náttúra Reykjanesskagans er einskis virði nema undir orkuvinnslu. Hún er einskis virði til útivistar og nátturuskoðunar. Reykjanesskaginn er einskis virði fyrir ferðaþjónustuna. Annað er ekki hægt að lesa úr drögum að 3ja áfanga rammaáætlunar. Af 19 jarðhitasvæðum skagans hafa eingöngu þrjú verið sett í verndarflokk (grænu punktarnir) og þrjú önnur í biðflokk (gulu punktarnir). Öll hin eru annað hvort þegar...

Hismið og kjarninn

Það þykir ekki fréttnæmt lengur þegar Píratar mælast með langmesta fylgið - meira fylgi heldur en báðir stjórnarflokkarnir samanlagt, mánuð eftir mánuð. Kannski er það bara orðið svo venjulegt. Aðalfréttin í nýjustu könnunum er sú að Samfó og VG eru með jafnt fylgi upp á 7,8%. Það þykir efni í fyrirsögn. Og það þykir líka frétt þegar stjórnarflokkarnir bæta við...

Íslensk hnjáliðamýkt

Á fyrri hluta 15. aldar skrifaði Hannes Pálsson, hirðstjóri Noregs- og Danakonungs, langa skýrslu til konungs þar sem hann segir íslenska höfðingja mæta útlendum mönnum „af stakri hnjáliðamýkt“. Þeir séu „heimskulega auðginntir með bænum, drykk og mútum en samt sem áður trúi hin einfalda og fátæka alþýða þeim og láti blekkjast.“ Hannes skrifar að þannig stuðli höfðingarnir „hvorki að nytsemi...

Það sem betur hljómar

Verktaki nokkur í ónefndu bæjarfélagi á landsbyggðinni hafði ástríðu fyrir því að safna gömlum bílflökum. Hann hafði í mörg ár verið nokkuð duglegur við að sinna þessu áhugamáli sem sást á öllum þeim fjölda bílhræja sem safnast höfðu upp allt í kringum iðnaðarhúsnæði verktakans. Bæjaryfirvöldum og flestum bæjarbúum var ekki skemmt þar sem haugurinn þótti alls ekki nein prýði í...

U-beygja hjá Landsneti?

Andi liðinna jóla virðist hafa heimsótt forstjóra Landsnets núna um jólin. Allt í einu fór forstjórinn að tala um mikilvægi sáttar í samfélaginu varðandi hlutverk Landsnets og mikilvægi samfélagsábyrgðar, samkvæmt þessari frétt í Viðskiptablaðinu. Þetta er aldeilis viðsnúningur í viðhorfum – eiginlega alveg á pari við hugljómun aðal sögupersónunnar í jólasögunni kunnu. Í mars 2013 hélt Landsnet nefnilega opinn...

Undirskriftasöfnun vegna Eldvarpa

Hafin er alþjóðleg undirskrifasöfnun á Avaaz þar sem skorað er á HS Orku og Grindavíkurbæ að hætta við áform um rannsóknarboranir og jarðhitavinnslu í Eldvörpum á Reykjanesi. Sjá einnig: Endalok fágætrar náttúruperlu Gefðu öfáar mínútur af tíma þínum til að skrifa undir. Ef við stöndum saman getum við sýnt HS Orku og Grindavíkurbæ að vilji fjöldans sé að...

Endalok fágætrar náttúruperlu - videó

Náttúruperlan Eldvörp á Reykjanesi er algjörlega einstök. Úr einum aðalgígnum í miðri gígaröðinni, sem er um 10km löng, og í hrauninu umhverfis, rýkur jarðhitinn eins og gosi sé nýlokið. Gígarnir mynduðust hins vegar í mikilli eldgosahrinu sem skók Reykjanesið á 13. öld. Jarðgufan sveipar umhverfið allt mikilli dulúð og gerir þessa náttúruperlu svo kynngimagnaða að erfitt er að lýsa því...

Smartheit Ragnheiðar Elínar

„Ég verð að viðurkenna að mér hefði fundist smartara ef Björk hefði notað þetta tækifæri til að hvetja til samstarfs og samtals um þessi mikilvægu mál.“ sagði Ragnheiður Elín á Facebook. Það var ekki mjög smart þegar Ragnheiður Elín gekk erinda Landsnets gegn náttúru Reykjanesskagans og landeigendum á Vatnsleysuströnd þegar hún heimilaði Landsneti eignarnám á löndum þeirra undir Suðurnesjalínu 2....

Zimbabwe norðursins

„Þið megið kjósa um þetta en við ætlum ekki að taka mark á niðurstöðunni ef hún er okkur ekki þóknanleg“ Þetta er inntakið í nýlegum yfirlýsingum og skilaboðum bæjarstjóra Reykjanesbæjar til okkar bæjarbúa vegna íbúakosningar um kísilmálverksmiðju Thorsil í Helguvík. Þarna er bæjarstjórinn að beita ákveðinni taktík sem ætlað er að draga úr áhuga og vilja bæjarbúa til...

Mesta ógnin við íslenska náttúru

„It´s horrifying that we have to fight our own government to save the environment“. Þessi orð náttúruljósmyndarans Ansel Adams komu upp í huga minn að morgni Dags íslenskrar náttúru. Þau ríma vel við íslenskan veruleika því stærsta ógnin við íslenska náttúru eru pólitíkusar. Bæði á þingi og í sveitarstjórnum sitja upp til hópa hagsmunahórur stóriðju- og verktakafyrirtækja. Hagsmunir...

Náttúruparadísin í hlaðvarpanum

Reykjanesskaginn býr yfir mörgum mögnuðum náttúruperlum í námunda við mesta þéttbýli landsins. Svæðið hefur að geyma fjölbreytta náttúru og forvitnilega jarðfræði. Möguleikarnir til útvistar og náttúruupplifunar eru óteljandi í nálægð við þéttbýlið. Í því felast verðmæt lífsgæði. Náttúruauðlind er ekki eingöngu sú sem hægt er að bora til fjandans eða sökkva í uppistöðulón. Lítt snortin náttúra er líka auðlind. Ef...

Fólkvangur í ruslflokki

Meðfylgjandi myndir tók ég í gær í Seltúni þegar ég kom gangandi af Sveifluhálsinum eftir Ketilstíg. Sveifluhálsinn er í miklu uppáhaldi hjá mér með sínar mögnuðu móbergsmyndanir og hálendislandslag. Alveg stórkostlegt gönguland sem og Krýsuvíkur- og Trölladyngjusvæðið allt, sem er innan Reykjanesfólkvangs. Ekki er óalgengt að þessi sjón mæti manni í Seltúni en hverasvæðið þar dregur að sér sífellt fleiri...

Klikkað lyfjaverð - Lítrinn á 6,4 milljónir

Frjókornaofnæmi var að bögga mig í vikunni. Á fimmtudainn fór ég í aptótek og keypti mér augndropa til að lina þjáningarnar. Var reyndar orðinn það illa haldinn að ég lét mig hafa það að kaupa þetta í næsta apóteki þótt það sé í eigu þjóðkunns fjárglæframanns. Nema hvað, fyrir pínulítið glas af þessum augndropum eða samtals 0,5ml þurfti ég að...

Yfirlýsing

Undanfarið hef ég verið að undirbúa ljósmyndasýningu sem stóð til að setja upp í Listasafni Reykjanesbæjar á Ljósanótt. Þótti mér mikill heiður að þessu tækifæri enda er Ljósanætursýning Listasafnsins jafnan fjölsóttasta sýning ársins. Ætlaði ég þar að sýna afrakstur 10 ára vinnu sem fólst í því að ljósmynda þá stórbrotnu náttúru sem Reykjanesskaginn hefur að geyma. Vil ég þakka Valgerði...

Smá veruleikatjékk

Næst þegar þú kemur heim úr matvörubúð, settu þá vörurnar á eldhúsborðið áður en þú raðar þeim í ísskápinn og eldhússkápana. Þannig sérðu betur hvað þú færð fyrir peninginn. Þetta á eftir að slá þig utanundir. Fyrir þetta smáræði á meðfylgjandi mynd þurfti ég að greiða 9,265 krónur í Kaskó. Það er ekki eins og allt sé löðrandi í munaðarvöru...

Afætur og andstæður

Á forsíðu DV í dag má lesa um gráðugar afætur samfélagsins sem hirða í eigin vasa milljarða í formi risabónusa í fjármálafyrirtækjum og bönkum sem skila tugmilljarða hagnaði eftir að hafa gert þúsundir íslenskra fjölskyldna eignalausar. Siðleysið og græðgin er jafnvel meiri en var fyrir Hrun. Á sama tíma birtist frétt á mbl.is um ungan gæðadreng sem ákvað að...

Einstakar náttúruminjar eyðilagðar

Skammt vestan við Bláa lónið og Svartsengi er að finna magnaðar gosminjar frá Reykjaneseldum á 13. öld. Þetta eru Eldvörp, röð gosgíga sem teygja sig 10 kílómetra frá norðaustri til suðvesturs eftir sprungustefnunni sem einkennir eldstöðvarnar á vestanverðum Reykjanesskaganum. Í jarðsögu Íslands hafa sprungugos flest orðið undir jökli og skilið eftir móbergsmyndanir eins og hina áhugaverðu móbergshryggi en slíkar jarðmyndanir...

Nýtt ofþenslurugl í Helguvík?

Mikil umræða er nú meðal íbúa suður með sjó um fyrirhugaða stóriðjuvæðingu í Helguvík. Þar stendur til að byggja tvær feikna stórar kísilmálmverksmiðjur auk þess sem þegar er hafin bygging álvers. Framkvæmdir við það hafa hins vegar legið niðri um tíma en ekki er að heyra á forsvarsmönnum Norðuráls að þeir séu hættir við áform sín. Þeir virðast því...

Verða íbúar Reykjanesbæjar fluttir í burtu?

Myndin hér að ofan er af Facebook-síðu sem ber heitið Helguvík: Vilt þú njóta vafans? Að síðunni stendur hópur bæjarbúa í Reykjanesbæ sem vill vekja íbúa bæjarins til vitundar um þá miklu stóriðju sem fyrirhugað er að koma upp í Helguvík og hugsanlegar afleiðingar hennar fyrir heilsu og velferð manna og dýra. „Út í Helguvík“ hljómar kannski svolítið fjarrænt...