Ömurleg örlög fjölskyldu sem vísað var frá Íslandi

Leo var átján mánaða gamall þegar íslensk stjórnvöld vísuðu fjölskyldu hans úr landi. Móðir hans bar barn undir belti og fæddist Leona systir hans í flóttamannabúðum í Þýskalandi, líkt og Leo. Þýsk stjórnvöld hafa nú ákveðið að senda foreldrana aftur til síns heima, en faðir barnanna kemur frá Írak og móðir þeirra frá Íran. Af ótta við að lenda aftur í því sama og hér á Íslandi, fyrirvaralausum brottflutningi í fylgd lögreglu, lagði fjölskyldan aftur á flótta og var í felum í frönskum skógi, en nú virðist aðskilnaður óumflýjanlegur.

Fréttir · 2. nóvember 2019 16:00

Á flótta í fimm ár Shawboo og Nasr flúðu fyrir ástina en grunaði ekki að þau yrðu á flótta um meginland Evrópu, með tvö lítil börn, í fimm ár. Þau spyrja hvort fólk haldi virkilega að þau hefðu lagt þetta á sig og börnin ef þau væru óhult í heimalandinu. Þegar þeim var vísað frá Íslandi var Shawboo ekki aðeins barnshafandi heldur illa haldin af áfallastreitu og með alvarlegt þunglynd. Mynd: Úr einkasafni

Margrét Marteinsdóttir

ritstjorn@stundin.is

Á sex ára tímabili frá mars 2013 til apríl á þessu ári var 317 börnum vísað frá Íslandi, þar af 75 á þessu ári. Þau höfðu sótt um alþjóðlega vernd hér á landi og mörg þeirra áttu að baki langt og strangt ferðalag. Sum voru að flýja stríðsátök í heimalöndum sínum, öll komu hingað í leit að betra og öruggara lífi.

317 börn. Við vitum ekki hver þau eru, hvað þau heita, hvað þau eru gömul eða hvað þau voru búin að ganga í gegnum áður en þau komu til Íslands. Sum voru án fylgdar, flest þó með öðru eða báðum foreldrum. Sum eru fædd í stríðshrjáðum löndum. Við vitum ekki hvar þau eru núna. Það á við um langflest börn sem hefur verið synjað um vernd á Íslandi. Almenningur fær í fæstum tilfellum fréttir af afdrifum barnanna og stjórnvöld fylgjast ekki með eins og var staðfest í svari Þórdísar ...

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.690 krónum á mánuði. Leiðbeiningar má nálgast á stundin.is/leidbeiningar.