Varúð! Tvífari heilbrigðisráðherra gerir grikk
Alvarlegur atburður uppgötvaðist þegar loksins náðist í Kristján Þór Júlíusson heilbrigðisráðherra, það er að tvífari ráðherrans gaf fyrirgreiðsluloforð erlendum fjárfestum, þúsund manna sjúkrahúsi.
Gott að náðist í Kristján:
Ekkert samkomulag hefur verið gert við íslensk heilbrigðisyfirvöld um einkasjúkrahús í Mosfellsbæ, segir heilbrigðisráðherra sem heyrði fyrst um hugmyndina í fréttum í gær.
Fjárfestar vilja reisa einkasjúkrahús í Mosfellsbæ. Bæjarstjórinn í Mosfellsbæ undirritaði samkomulag um lóð fyrir sjúkrahúsið og sjúkrahótel í gær og er gert ráð fyrir því að það verði álíka dýrt og nýr Landspítali. Bæði settur landlæknir og heilbrigðisráðherra heyrðu af málinu fyrst í gær.
„já ég heyrði fyrst af þessum fjárfestingaráformum í fréttum ykkar." Sagði hinn eini og sanni Kristján Þór Júlíusson.
Þegar rýnt er í mynd á heimasíðu fjárfestanna má sjá að tvífarinn er ansi líkur ráðherranum, jafnvel ég lét blekkjast þrátt fyrir að hafa verið í löngu samstarfi við ráðherrann fyrir áratug. Blátt bindi og allt.
Engum dettur í hug að minnisleysi þjái Kristján.
Athugasemdir