Þessi færsla er meira en 8 ára gömul.
Stjórnarandstaðan: Sátu þau sama fundinn?
Loksins fékk stjórnarandstaðan fund með forystumönnum ríkisstjórnarinnar. Fundarefnið var áherslumál stjórnarinnar og "hugsanlegar" kosningar í haust.
Skoðum upplifun tveggja fundarmanna:
Birgitta Jónsdóttir:
Ég mætti jákvæð á þennan fund og átti von á því að við myndum fá forgangslista ríkisstjórnarinnar um hvaða mál það eru sem þarf að leggja allt kapp á að klára á svo stuttum tíma sem talað hefur verið um að þetta þing inniberi, vegna forsetakosninga og almennra sumarfría starfsmanna á þingi og í stjórnsýslu. En það var ekki fyrr en undir lok fundar sem ég var orðin verulega pirruð og byrsti mig við þá kappa sem fara með völdin að Sigurður Ingi fór fram og lét ljósrita listann með 75 málum sem þeir hafa hreinlega ekki neitt forgangsraðað og ljóst er að setja á ábyrgðina á stjórnarandstöðuna um hvenær hinn raunverulegi kjördagur á að vera, því ef við gerum ekki bara allt eins og þeir vilja þá verður hætt við að hætta. Mér finnst það algerlega óásættanlegt. Ég sagði að við værum tilbúin að vinna vel að því sem væri á forgangslista svo framarlega að það lægi algerlega ljóst fyrir og væri geirnelgt hver kjördagurinn er en þeir láta enn hótunina liggja í loftinu og vitandi hve innantóm þeirra loforð eru þá get ég ekki sagt að það hafi skapast neitt traust þarna inni um að innistæða væri fyrir þessari tillögu sem kom frá þeim sjálfum þegar allt var að fara á annan endan í samfélaginu nýverið. Óvissan er alfarið þeirra.
Árni Páll Árnason:
Það er mikilvægt að kjördagur liggi fyrir. Við vildum auðvitað að það yrði kosið strax í vor, en það var fellt í þinginu. En það er ennþá mín afstaða að það væri best að kjósa í vor,“ segir Árni Páll Árnason, formaður Samfylkingarinnar, í samtali við mbl.is. Hann sat fund ásamt Sigurði Inga Jóhannssyni, forsætisráðherra, Bjarna Benediktssyni, fjármálaráðherra og forystumönnum stjórnarandstöðunnar í dag.
-
Sátu þau sama fundinn?
Með því að púsla ummæli stjórnarsinna hér og þar aðallega á útvarpi Sögu og ÍNN þá er efi. Þar er nefnilega stjórnmálamennirnir í öruggu skjóli og tala hreint út.
-Það verða ekki kosningar í haust.-
Ef málalistinn er 75 mál og þar á meðal útþynnt drög að stjórnarskrárbreytingum er þetta augljóst.
Er eiginlega hissa að fjölmiðlar hafi ekki fattað þetta.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir