Þessi færsla er meira en 7 ára gömul.
Ætlar alþingi að brjóta stjórnarskrána?
Einbeittur brotavilji virðist vera ráðandi á alþingi Íslendinga. Hljóðlega hefur þingsályktun um yfirfærslu fjármálaeftirlitsvalds til EES.runnið í gegnum umræður þingsins og nefndir.
Ósvífnast finnst mér umsögn stjórnskipunar- og eftirlitsnefndar:
-"[S]kiptar skoðanir eru í nefndinni um hvort framsal það sem hér er kveðið á um rúmist innan heimilda 2. gr. stjórnarskrár. Sumir nefndarmenn telja að málið reyni á þanþol stjórnarskrár hvað varðar fullveldisafsal og að þar reyni á ítrustu mörk en löggjafanum sé engu að síður heimilt að kveða á um slíkt framsal. Aðrir nefndarmenn telja að hér sé gengið lengra en 2. gr.
stjórnarskrár leyfi og að framsalsákvæði þurfi í stjórnarskrá til að unnt verði að veita umfangsmikið framsal. Um þetta atriði mun fást pólitísk niðurstaða í atkvæðagreiðslu í þingsal en dómstólar eiga um það síðasta orðið.-"
Af ummælunum má lesa að nefndarmenn séu sér meðvitaðir um stöðunni en vísa vafanum til dómstóla!
Björg Thorarensen, prófessor við lagadeild Háskóla Íslands segir í viðtali við Mbl: "„Mér þykir þetta ekki hafa tekið þeim lagfæringum sem þyrfti og hef verið þeirrar skoðunar að það yrði ekkert lengra komist í að teygja stjórnarskrána heldur en orðið er,“ segir Björg Thorarensen, lagaprófessor við Háskóla Íslands og sérfræðingur í stjórnskipunarrétti, í samtali við mbl.is spurð út í þingsályktunartillögu sem til umfjöllunar er á Alþingi um að Ísland gangist undir yfirþjóðlegt fjármálaeftirlit Evrópusambandsins í gegnum Eftirlitsstofnun EFTA (ESA).
Björg segir ákveðinn tvískinnung ríkja í stjórnmálunum í þessum efnum. Litið sé svo á að brýn þörf á að viðhalda samstarfi í gegnum EES-samninginn réttlæti það að teygt sé sífellt meira á stjórnarskránni og bætt við nýjum og nýjum sviðum sem kalli á valdaframsal.
Það er því furða að stjórnarskrárnefnd alþingis klippti af þunnildinu (tillögur nefndarinnar um breytingar á stjórnarskrá) ákvæði um valdaframsal.
Er einhver hissa að ég get ekki skrifað alþingi með stórum staf?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir