Fréttir

Vill að efnahags- og viðskiptanefnd komi saman og fjalli um skattaskjólsskýrsluna

„Á hinu stutta desemberþingi var kosin efnahags- og viðskiptanefnd þannig að hún ætti hæglega að geta komið saman í næstu viku,“ skrifar Katrín Jakobsdóttir, formaður Vinstri grænna.

Katrín Jakobsdóttir, formaður Vinstri grænna, vill að efnahags- og viðskiptanefnd Alþingis komi saman í næstu viku og fjalli um skýrslu starfshóps um eignir Íslendinga á aflandssvæðum. 

„Var að óska eftir fundi í efnahags- og viðskiptanefnd í komandi viku til að fá kynningu og umræðu um skýrslu starfshóps um eignir Íslendinga í skattaskjólum. Spurningar hafa vaknað af hverju skýrslan var ekki birt fyrr en samkvæmt fréttum var henni skilað í október. Margt þarf að skoða í framhaldinu,“ skrifar hún á Facebook. 

Eins og Stundin fjallaði um í fyrradag hefur skýrslan legið fyrir í fjármála- og efnahagsráðuneytinu frá því í byrjun október, um mánuði áður en gengið var til þingkosninga, en hún var ekki birt fyrr en í dag eftir að fjölmiðlar og þingmenn höfðu óskað eftir aðgangi að henni á grundvelli upplýsingalaga. 

Samkvæmt niðurstöðum starfshópsins má áætla að í lok ársins 2015 hafi uppsafnað umfang eigna og umsvifa Íslendinga á aflandssvæðum frá árinu 1990 legið á bilinu 350-810 milljörðum króna. Þá telur starfshópurinn að mögulegt tekjutap hins opinbera vegna vantalinna eigna geti numið allt frá 2,8-6,5 milljörðum árlega miðað við gildandi tekjuskattslög.

Katrín segir að skoða þurfi hvort frekari lagabreytinga sé þörf til að sporna gegn skattsvikum og notkun skattaskjóla. „Skoða þarf hvort nægilega vel er búið að framkvæmd skattaeftirlits og skattrannsókna. Og skoða þarf hvaða áhrif afnám hafta mun hafa á þessa hluti í framtíðinni og hvort fjármunir úr skattaskjólum hafa verið að skila sér inn í landið að undanförnu í gegnum fjárfestingaleið Seðlabankans. Á hinu stutta desemberþingi var kosin efnahags- og viðskiptanefnd þannig að hún ætti hæglega að geta komið saman í næstu viku,“ skrifar Katrín.

Þingmenn Samfylkingarinnar og Pírata hafa gagnrýnt harðlega að skýrsla starfshópsins hafi ekki verið birt almenningi og Alþingi fyrr en eftir kosningar. Eins og Panama-skjölin vörpuðu ljósi á átti fjármálaráðherra sjálfur hlut í aflandsfélagi og jafnframt Benedikt Sveinsson, faðir hans. Báðir eru frændur og fyrrverandi viðskiptafélagar Benedikts Jóhannessonar, formanns Viðreisnar sem útlit er fyrir að verði næsti fjármálaráðherra. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Kærði vin sinn fyrir nauðgun en málið var fellt niður: Þetta er ekki kynlíf

Pistill

Gagnrýnir endurupptökunefnd harðlega: Villandi framsetning og falsanir teknar gildar

Fréttir

Réttindi lífeyrisþega skert með afturvirkum lögum

Fréttir

Hópur sálfræðinga og geðlækna segir Trump óhæfan í embætti

Pistill

Vinur minn Fouad

Fréttir

Þáði gjöf frá Hreyfingu og kom fram í umfjöllun þar sem þjónusta fyrirtækisins var kynnt

Mest lesið í vikunni

Viðtal

„Pabbi var nasisti“

Fréttir

Vill áfengi í búðir og efast um gildi vísindarannsókna

Pistill

Poj poj Sævar vinur minn

Fréttir

Lætur ekki undan „öllu garginu“ um Guðmundar- og Geirfinnsmál

Pistill

Íslenskir unglingar eru hættir að sukka

Fréttir

Kærði vin sinn fyrir nauðgun en málið var fellt niður: Þetta er ekki kynlíf