Fréttir

Nichole gagnrýnir RÚV fyrir að gefa Mikael „mikið svigrúm“ og segir að dregin sé upp dökk mynd af sér

Formaður velferðarnefndar Alþingis heldur áfram að gagnrýna „einhliða umræðu“ um fátækt á Íslandi. „Ég hafði vilja sjá samtal um málefni,“ skrifar Nichole Leigh Mosty.

Nichole Leigh Mosty, formaður velferðarnefndar Alþingis og þingkona Bjartrar framtíðar, gagnrýnir að Mikael Torfason rithöfundur hafi fengið „mikið svigrúm“ í Silfrinu til að tala um fátækt á Íslandi án þess að sjónarmið fleiri aðila kæmu fram. Hún segist frekar hefðu viljað sjá „samtal um málefni“.

Þetta er ekki í fyrsta skipti sem Nichole gagnrýnir fjölmiðla, en í janúar sagði hún í tölvupósti til Stundarinnar að hún hefði „lesið ótrúlegustu hluti í blöðum og netmiðlum“. Kallaði hún eftir vandaðri vinnubrögðum af hálfu fjölmiðla.

Málflutningur Mikaels Torfasonar í Silfrinu í gær hefur vakið mikla athygli. „Við búum bara ekki í sanngjörnu samfélagi þegar 370 þúsund krónur eru byrjunarlaun hjúkrunarfræðings, þegar fólk á að lifa á örorku, sem er 129 og 180 þúsund á mánuð. Þegar við leggjumst á koddann í kvöld, þá eigum við að skammast okkar,“ sagði hann meðal annars.

Nichole gerir málið að umtalsefni á Facebook, en eins og Stundin greindi frá fyrr í dag telur hún að umræðan hafi verið einhliða. Nichole heldur þessu sjónarmiði til streitu og segist hefðu viljað að fleiri tækju þátt í umræðunni. Þá virðist henni ekki hafa þótt umræðan um fátækt málefnaleg. „Ég hafði vilja sjá samtal um málefni,“ skrifar Nichole. Hún segist hafa þurft að kynnast fátækt á eigin skinni þegar hún ólst upp í Bandaríkjunum. „Punktur er að ég var alls ekki að gera lítið úr umræður um fátæki og mundi aldrei gera það. Eins mikið og fólk vil mála mig svart...“

Hér má sjá færslu hennar í heild:

Uppfært 21. mars:

Nichole fjarlægði færsluna í gærkvöldi og eyddi skömmu síðar Facebook-síðu sinni. Hér má sjá skjáskot af textanum sem áður birtist þar:

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Costco: Musteri græðginnar

Fréttir

Nichole vill setja stjórn yfir Landspítalann svo forstjórinn hætti að „betla pening“

Pistill

Um útskrift og útlitsdýrkun

Fréttir

Hóta að hætta nema fjármálaráðherra verði áfram formaður hollvinafélagsins

Viðtal

Neyðarópið í gilinu

Pistill

Topp 10 listi – Allar breiðskífur Metallica

Mest lesið í vikunni

Pistill

Costco: Musteri græðginnar

Fréttir

Nichole vill setja stjórn yfir Landspítalann svo forstjórinn hætti að „betla pening“

Úttekt

Menningarbylting Sjálfstæðisflokksins

Fréttir

Stefnt að fækkun lögreglumanna næstu árin

Blogg

Fordómar gagnvart ákveðnum dýrategundum

Viðtal

Fegurðin í ljótleikanum