Lögreglulýðveldið í Vestmanneyjum
Eybúamennska er lýsing á því þegar ein stefna og ein skoðun er rétt og ríkjandi. Þetta á auðvitað við fleiri en þá sem búa á eyju.
Nú berast ýmsar fréttir af landsbyggðinni en bæjarstjórinn í Vestmanneyjum er afar duglegur að bera út eybúamenninguna. Og hann á sér öflugan málssvara, lögreglustjóra staðarins. Bæjarstjórinn og lögreglustjórinn eru jafnframt samherjar í Sjálfstæðisflokki, eina starfandi stjórnmálaflokki eyjunnar og um þessar mundir er lögreglustjórinn í árlegum vandræðum og bæjarstjórinn þarf að komast á þing. Eyjabúar þurfa að eiga rödd á alþingi samanber Árna Johnsen og Ásmund Friðriksson. Eybúaröddina.
Það þykir ekki þokkað að lögreglustjóri sem fer með voldugt framkvæmdavald skipti sér af stjórnmálum hvað þá í framboðsforystu fyrir einn mann.
En lögreglustjórinn má auðvitað hafa skoðun bæði hvað varðar stjórnmál og birtingu brota. En lögreglustjórinn er bara ekki samstiga ríkislögreglustjóra né kollegum sínum á meginlandinu hvað afskipti af stjórnmálum snertir.
Lögreglustjórinn er eybúi. Ein skoðun ein stefna.
Athugasemdir